Jon Meng solian ti Jises tataiai Jon 10:27 - Seimat

²⁷ Teka sipsip tetak hong usi kakaiak. Nga tioi hawane lato ape lato se kahikahik.

Jon Meng solian ti Jises tataiai Jon 10:27 Referans Kwoze

Jon Meng solian ti Jises tataiai Jon 10:16

Hina sipsip laha kumahe kapik tuahe laha tin tetak. Ape namilok xoxoan wanen ti hukumini hatapoalaha, lehe hatesol sipsip tetak hong usi kakaiak. Ape ngain ti i luluainima, laha hatesol hukuma hetekie hahitake ngahat telawe.

Jon Meng solian ti Jises tataiai Jon 10:14

“Tuahe nga se tel ngahat solian. Nga ma teka sipsip tetak amite lohun xoxoan.

Hahatakei Haeu 3:20

“Hongoa! Lawe nga tu kiikini kahip ti aweingamuto. Na amuto hong kinaxok ape hei aweing, nga soh ape kako to ang he lawalau.

1 Korin 8:3

Ape tel na i waheni hawane Haeu, Haeu paxai ukek i seilon tetan wanen.

Hibru 3:7

Aile ape kako hong matainiwa waliko ti *Holi Spirit kakaxi leili pepai Haeu. I ukek, “Aope ie Haeu kaakane amuto. Hong tamaniwa kakaian.

Jon Meng solian ti Jises tataiai Jon 5:25

“Nga kakane hawane amuto, tehu taun ti i luluainima se liai ape ie ti teka woulaha haxau laha ti Haeu, hong kakaiak tuahe mewenae teteka laha hong tamani laha to kapi Haeu lian tehue.

Jon Meng solian ti Jises tataiai Jon 8:12

Jises kakane ulei teka kilai seilon, “Nga masin xewai alon. Nga kola aweisal tenen sawisawin hani seilon. Tel na i sohot kahikahik, tap i po to ti tilokoan ailei saun lialun nake nga tel neinian lehe i to kapi Haeu lian tehue.”

Galasia 4:9

Tuahe aope ie amuto tioi Haeu. Pamu ewian na nga ukek Haeu tioi amuto. Aile ape kalahai lehe amuto usi aliake nauna ma saun ti lotu tenen i kum huali uke amuto? Pahamuto sohot ulea unaualato?

Jon Meng solian ti Jises tataiai Jon 10:8

Teka seilon imat tetak laha woinakon ngahatiai sipsip, laha seilon ti xuxuina ma aile halialualato. Tuahe teka sipsip tetak lato kum hong usi laha.

Jon Meng solian ti Jises tataiai Jon 12:26

Tel na pahan i sohot kahikahik kewa ka i hong usi kakaiak. Na tel i sohot kahikahik lawe i kakahiti nga hani tuahe na tesol. Ape tel Tamak Haeu namiloi ukek i tel seilon tuah.

Jon Meng solian ti Jises tataiai Jon 8:43

Lahan amuto kum hong xeu waliko tenen ti nga kakak? Se nake amuto kum hong waxi kakaiak.

Luk Meng solian ti Jises tataiai Luk 9:23

Ape Jises kakane hatesol seilon ien ukek, “Na seilon pahan sohot kahikahik, laha kum namiloi wawaxi mewenae laha. Laha kaua kawatan masin ti nga kakau. Ien i kola ka laha kahikahik wanen.

Matiu 17:5

Ti Pita kakak, teik maun tenen xewan wanen man atuhi lato. Ape kakai Haeu i ahuma he maun ien, i ukek, “Tel seilon ie se Natuk pate nga waheni. Nga amuke hawane i. Hong usiwa kakaian!”

2 Timoti 2:19

Tuahe kakai Haeu salan wanen ma tap tel pon halialuan. Leili kakai Haeu huonen kakain tuah i ukek, “Haeu tioi teteka laha seilon tetan” ma “Teka laha ukek ka Haeu se tel Masiwi ti neinialaha, laha lioiwa lawe saun lialun.” (Num 16:5; Isa 52:11)

Jon Meng solian ti Jises tataiai Jon 21:22

Jises pahoi ukek, “Sohin uke pahak i moihin tutuen atengi taen nga aliama. O kum namiloi hahakila tenen ien. A o, tu xox tatalewa tel kahikahik.”

Luk Meng solian ti Jises tataiai Luk 13:27

“Ape i ukek, ‘Nga kakane tuhi amuto, nga kum tioi amuto. Xaxaua tetak amuto teka weli ailei saun lialun.’ ”

Mak Meng solian ti Jises tataiai Mak 8:34

Ape Jises tiloi teka kilai seilon ma tesol kahikahin hani kapin. I ukek, “Na seilon pahan sohot kahikahik, laha kum namiloi wawaxi mewenae laha. Laha kaua kawatan masin ti nga kakau lehe i kola laha kahikahik wanen.

Matiu 25:12

“Tuahe i kakane lato ukek, ‘Nga kum tioi amuto.’ ”

Matiu 16:24

Ape Jises hone tesol kahikahin, “Na seilon pahan sohot kahikahik, laha kum namiloi wawaxi mewenae laha. Laha kaua kawatan masin ti nga kakau. Ien i kola ka laha kahikahik wanen.

Matiu 7:23

Ape nga kakane laha, ‘Nga kum tioi amuto. Xaxaua tetak amuto seilon lialun!’

Hahatakei Haeu 14:4

Lato tetesol lato hani hatapo tupualato usiai nauna ti Haeu ma aile hawanei pupuasan. Haeu kahui ahutiwen lato ti lialui woulato leili teka seilon liai ti tehu pon ie. Lato masin waliko tenen solian tapein ti pahalaha hani Haeu ma tok sipsip uluha. Lato halini puki lato ti ailei tuahe tenen na waliko lialun ape alomeni tupualato ailei lawe waliko ti Haeu pahan. Lato kahiti tok sipsip uluha tesol tesol na i neini lato.

Aposel 3:23

Na tel kum hong tamani kakai tel kuluiai kakai Haeu ien, Haeu namiloi ukek tel ien kumahe tetan.’ (Deut 18:15,18-19)

Mak Meng solian ti Jises tataiai Mak 10:21

Jises paxai tioi namili tel seilon ien. Ape hetekie tatahan i ukek, “O tai aile teik waliko. Nahih hangainiwa hatesol soxiam ape haniwa teka seilon tap soxi lehe imuh o uke kahum ti *tone Haeu. Ape o nahih kahitima nga lehe o sohot kahikahik.”