Hibru 6:7 - Seimat

⁷ Namiloi paxaiwa huonen hepekeun. Hepekeun tenen i uke hakila kani akah, i haxexe hakila an solian hani teka seinian. Haeu aile hasolia hani tesol hepekeun ien.

Hibru 6:7 Referans Kwoze

Jeims 5:7

Teka akikik ti *Krais, kalak amuto tunahi kawatan, tu xox tatalewa atengi aliai tel Masiwi *Jises Krais. Namiloi paxaiwa tel seilon seiniai an. I to atetengi taun ti ahang lehe akah ux haxexei an he kinen.

Matiu 7:8

Teka na laha kamea, Haeu hani laha. Tel na i upia, Haeu huali i tunahian. Teka na laha kikini talingoi kahip, Haeu hei hani laha.

2 Timoti 2:6

Tin masin tel na i puas eliel ahiwiai kin ma seinian. I tetel imat ti waxiai an he kin.