Hibru 12:22 - Seimat

²² Tuahe amuto, sale xohiamuto hani Haeu pate liai tenen wanen. Amuto hanowi ka amuto nahih hani tehu Maunt *Saion, tehu Jerusalem haun, tetehu taon ti Haeu tel pate pohen. Ien masin ka amuto kapi Haeu ti tesol tonan. Ti ien kilan kilan wanen *engel lawe lato apuha amuam.

Hibru 12:22 Referans Kwoze

Pilipai 3:20

Tuahe hanima kako, totonakako wanen se tesol *tone Haeu. Ape kako mon atetengi aliai Jises Krais tel Masiwi i toto ien. I tetel awaiakako ti kawatan ti lialui woukako.

Galasia 4:26

Tuahe Sara i kumahe unaui seilon, i tu kikilami teka ti Jerusalem haun. I masin tinakako teka kako soh ti Jises Krais. Akaik ti nakuama ti Sara, laha kumahe unaui seilon. Tin masin teka laha soh ti Jises Krais laha kumahe unaui tesol nauna ien.

Hahatakei Haeu 14:1

Ti nga to paxapax nga ningahi tok sipsip uluha tutu patul he Maunt *Saion kapi tesol 144,000 seilon. Hina axe tok sipsip uluha ma axe tel Taman Haeu taian he kawalato.

Hahatakei Haeu 21:2

Ape nga ningahi tehu taon ti Haeu, i ape tehu Jerusalem haun. I mosulih ti *tone Haeu. Soliai tanoman masin tel hehin i apepeas ti tehu salaian.

Hahatakei Haeu 22:19

Ape tel na i hatae tuahe tenen na meng leili teik pepa ie, Haeu kapitini tetan lawe waliko solian ti teik pepa ie kakaxi. Na masin ien, Haeu kum sowini hani i soh hani leili tehu taon tetan ma aniai huai pata tenen i waxeni haweluwelu totone seilon.

Hahatakei Haeu 3:12

Teteka na laha waxaini saliniai totohong ma lawe waliko lialun, nga aile laha sohot hanowi kuku tuah ti leili *Ingi Haeu. Laha hamalum hawane kapi Haeu. Ape nga tai axe Haeu tel Tamak he kawalaha kolaian ka laha ti Haeu. Nga tai hetekie axe tehu taon ti Haeu axan Jerusalem haun i ahuma ti tonan, kolaian ka laha to tehu taon ien lian tehue. Tin nga tai hetekie tenen axak haun, kolaian ka laha pakata xoxoen kapik.

Hibru 13:14

Nameniwa ka he tehu pon ie kumahe tonakako lian tehue. Kako mon atetengi tehu tonain kapi Haeu i luluainima imuh.

Hibru 11:10

Abraham aile ukek ien nake i mon atetengi tesol tonain leili tehu taon puki atataiai Haeu. Tehu taon ien i tu hamalum lian tehue.

Hahatakei Haeu 21:10

Tataen ien *Holi Spirit kapiti namilok ape tel engel neini nga hani he tehu maunten patul wanen. I kola hani nga Jerusalem, tehu taon ti Haeu, i mosulih tesol tonan.

Hahatakei Haeu 7:2

Haeu hani lato poh ti aile halialui xux ma kanitax. Tuahe tel engel liai i sohotuma sai angiha. I akekeni waliko ti hanai kikilam ti Haeu tel tap tahi matean. I tilol eliel hani tesol hinalo engel ukek,

Jud Nauna ti Jud hani teka kahikahi Jises Krais 1:14

Enok tel ti kahi *Adam, i tepanim tel ti muhi Adam, i kak peleawen imat sale teka seilon ien. I kakaxi sale aliai Jises Krais ukek, “Hongoa, i aliama hetekie teka lawalawai engel, spirit solian ti Haeu.

Hibru 10:31

Pate lialun wanen ti teteka Haeu tel pate pohen axi laha kawatan.

Hibru 9:14

Tuahe kake Jises Krais i xoini tesol waliko ien. Ti pohe Holi Spirit tel tap tahi matean, Jises tel sawisawin tapein i hani lioi i mat ukei totonakako. I nuhi hauni hawane leilokako ape i hahe namilokako ti saun tenen lialun ti i neini kako hani matemate. I aile ukek lehe kako sohot seilon ti ailei waliko ti Haeu tel Masiwi tapein ti kako pahan.

Hibru 3:12

Tesol akikik ti Krais, kolongeni kewak ka tap tel ti amuto hina namil lialun ti kakapax tenen i kapiti hasele amuto ti Haeu tetel lawe i to papaxai woukaha.

1 Tesalonika 1:9

Teka seilon ien laha to kakak ka amuto hong soh kakaiamite ape amuto waxi auni amite. Tin laha kakaxi ti amuto tale tehitomuto hani lotuiai waliko tenen tenen ape amuto hana tupuamuto ailei puase Haeu wanen tel pate pohen.

Rom Teik pasi Pol hani teka kahikahi Jises Krais ti Rom 11:26

Aile ape hatesol teka Ju laha soh ti Jises Krais, Haeu awai ti kawatan ti lialui woulaha. Masin ti *Aisaia tai kaxiwen leili pepai Haeu ukek, “Tel awaiakaha i ahuma ti Jerusalem ape i neini tahaini teka Ju ti saun lialun.

Rom Teik pasi Pol hani teka kahikahi Jises Krais ti Rom 9:26

Tin i tai kakaxi, “Ti imat Haeu kakawen ka laha kumahe seilon tetan. Tuahe aope ie Haeu ukek, ‘Nga tel pate pohen nga paxai tioi ka laha se natuk.’ ” (Hos 1:10)

Matiu 5:35

Kum tutuoha ukek kuinakei tehu pon itan ie nake i ti Haeu. Kum tutuoha ukek kuinakei Jerusalem nake se taon ti Haeu.

Matiu 16:16

Saimon Pita ukek, “O Krais, tel Nati Haeu. Haeu tel tap tahi matean!”

Epesus 2:19

Aile ape amuto teka kumahe Ju, amuto ape kumahe melal ti teka seilon ti Haeu, amuto hukuma hetekiewen. Amuto ape akikin ahuma ti Haeu.

2 Timoti 4:18

Haeu tel Masiwi hasalia tatale nga ti pohe *Satan ma teka spirit lialun tetan ape imuh i waxi hahamahuli nga hani tonan, tetesol i neneiniwa lawe seilon tetan. Kaha sameniwa Haeu telao ma telao. *Salan wanen.

Hibru 11:16

Tuahe namilolato i eliel hahawane ti ukei tesol totonalato ti pamu soliaian, tetesol kapi Haeu. Aile ape Haeu amuke ti lato namiloi ukek i Haeu Masiwi ti lato. Ape i apeseni hani lato tesol tonain tuah kapin leili tehu taon tetan.