Hibru 1:4 - Seimat

⁴ Aile ape Haeu hana i pamu masiwian ti teka engel. I hani Jises ax tenen pamu lapan ti axalato.

Hibru 1:4 Referans Kwoze

Epesus 1:21

Jises se tel Masiwi tapein ti hatesol *engel ma teka spirit liai. Axan pamu tuah ti lawe masiwi. Salan wanen i Masiwi ti hatesol waliko ti aope ie ma ti i luluainima imuh.

1 Pita 3:22

Jises Krais i ape *tone Haeu, i toto sai tepaun minan manau. Haeu hana i Masiwi ti teka *engel spirit solian ma lawe *spirit lialun.

Hibru 2:9

Tuahe kako paxai tioi sale masiwiai Jises. Kalak leili taun kukunun i pamu itan ti teka engel, Haeu hana i pate tuah ma hani i ax lalap nake i mat hualiai seilon. Ti soliai Haeu hani kaha, i hani lioi Jises kau kawatan ape i mat ukei kahi lialui woi lawe seilon.

2 Tesalonika 1:7

Ape i hapau hawane kako hatesol tataen ti tel Masiwi Jises tahiama ti *tone Haeu hetekie teka *engel pate kuin ma xekei ah kakalini lato.

Kolosi 2:10

Krais se pamu patul ti lawe masiwi. Amuto kum tae tenen na waliko ti usiai namili Haeu nake amuto papakata kapin.

Kolosi 1:18

Krais tetel i neini teka seilon tetan masin pati seilon i kapiti tupuan. I tetel hanialaha tonain tuah kapi Haeu. I tin Haeu hamoihamu ti matemate lehe i sohot Masiwi tapein ti lawe waliko.

Hibru 1:9

O waheni lawe waliko solian ma watakai hatesol waliko lialun. Aile ape o tunahi amuam lalap ti nga tel Haeu tetam kilami o pamu masiwian ti teka tuaum.” (Ps 45:6-7)

Hibru 12:17

Masin ti amuto tioi, imuh pahan i uke waliko solian ti i aka lioiwen tuahe tel taman kapitini. Kalak i tang tahane soliai tesol waliko ien, tap aliakean. Tap aweisal ti i pon ukean.