Hahatakei Haeu 7:11 - Seimat

¹¹ Hatesol engel laha tu kakalini tehu totoan tuah, tetesol 24 masiwi ma tetesol hinalo seilon. Laha lokuha lakua hani itan mateiwai tehu totoan tuah ien ape laha lotu sameni Haeu.

Hahatakei Haeu 7:11 Referans Kwoze

Hahatakei Haeu 4:6

Mateiwaun tin masin kanitax tenen na pate tanenan ma xewan. Hinalo seilon tutu kapi tehu totoan ien, hua papan tepaun ape hua liai tepaun. Kilan pulalato, sai matalato ma tehitolato.

Hahatakei Haeu 11:16

Taen ien tetesol 24 masiwi lato toto he tesol totoan tuah mateiwai Haeu, lato lokuha lakua hani itan ape lotui Haeu.

Hahatakei Haeu 4:4

Tin 24 totoan tuah liai kakalini i hetekie 24 masiwi toto ien. Puxuaulato papaxaxun ma patulato hin tah tenen ani gol.

Hibru 1:6

Lokon ti Haeu taloma tel Natun pate tuah hani tehu pon ie i ukek, “Hatesol engel tetak haxawawa axan.” (Deut 32:43)

Jon Meng solian ti Jises tataiai Jon 5:23

I aile ukek lehe lawe seilon hong ma sameni nga tel Natun masin ti laha hong ma sameni tel Tamak Haeu. Tel na i watakai nga tel Natun, liai hoi i watakai tel Tamak Haeu, tetel i taloma nga.

Matiu 4:10

Jises kak pahoi i, “Nahih xaxaua Satan! Teik pepai Haeu i kak ukek, “ ‘Lotuiwa mewenae Haeu tel Masiwi ma ailewa mewenae puasan.’ ” (Deut 6:13)

Hahatakei Haeu 22:9

Tuahe i kakane nga, “Kum ailele ukek ien. Haeu tetel ala o lotui. Nga tuahe unauan masin o hetekie teka tuaum kuluiai kakaian ma teka laha hong tamani kakain taian leili teik pepa ie.”

Hahatakei Haeu 15:4

Lehe aita tel na tap lon tetam? Lehe aita tel na kum haxawa axam? Mewenae o tetel sawisawin tapein. Hatesol seilon lotu sameni o nake laha ningahiwen sawisawiai pupuasam.”

Hahatakei Haeu 4:8

Lato tel tel hina paulato masin pai manixux tuahe paulato tepanim tehu. Kilan pulalato he paulato, patul ma hahitakan. Ngain ma ipong lato to kakak ukek, “Haeu tel Masiwi i sawisawin tapein ma tel poh tapein. I hoi liai ti imat, aope ma tin i luluainima tutuen!”