Hahatakei Haeu 5:5 - Seimat

⁵ Ape tel ti tetesol masiwi i hone nga ukek, “Kum tangitang! Hongoa! Tetel masiwi pate pohen i nakuama ti teka *Juda ti tel masiwi *David, i waxaini xoiniai lawe waliko lialun. I tapai hawane tosei tesol papakat ti teik pepa tuah ien ma paxaian.”

Hahatakei Haeu 5:5 Referans Kwoze

Hahatakei Haeu 22:16

Ape Jises kak ulea ukek, “Nga talo tel engel hahitake axak kaxi ahutiai tesol waliko leili teik pepa ie lehe hatesol kahikahik laha tioi hawane. Nga kahi nati *David tel Masiwi, nga nakuama tetan. Nga masin tehu kohot towisaian pate xewan.”

Hibru 7:14

Kako tioi ka Jises tel Masiwi ti kako i nakuama ti *Juda. A Moses tai kilami tuahe na tel ti i nakuama ti Juda akeniai puasain ti hukuminiai Haeu ma seilon. Tap tel ti lato i ailelewen puasain ti haniai Haeu waliko tenen i kahui lialui woi seilon.

Rom Teik pasi Pol hani teka kahikahi Jises Krais ti Rom 15:12

Ape *Aisaia tin i kak ukek, “Tel seilon i nakuama ti tehu kahi nati *Jesi tel tame David, i sohot tel masiwi ti nahikei teka kumahe Ju ape laha hana hatapo namilolaha hani i.” (Isa 11:10)

Rom Teik pasi Pol hani teka kahikahi Jises Krais ti Rom 1:3

Tenen meng solian ien i kakak tel Nati Haeu. Ti i sohot seilon hanowi kaha, i nakuama ti tel masiwi *David.

Hahatakei Haeu 6:1

Muhin nga ningahi tok *sipsip uluha ien i tose tehu ti tesol tepanim huohu papakat ti he teik pepa tuah. Ape nga hong tel ti tetesol hinalo seilon i tilol hanowi tangiai kuhuh ukek, “Kiliwama!”

Hahatakei Haeu 4:4

Tin 24 totoan tuah liai kakalini i hetekie 24 masiwi toto ien. Puxuaulato papaxaxun ma patulato hin tah tenen ani gol.

Hahatakei Haeu 7:13

Ape tel ti tesol 24 masiwi kamei nga, “Aita tesol seilon ie puxuaulaha papaxaxun a weluwelun? Laha ahuma ia?”

Hahatakei Haeu 1:1

Haeu hatakei hani *Jises Krais waliko ti he teik pepa ie lehe i kola hani teka laha soh tetan waliko ti lehe i sohot. Aile ape i talo tel engelaun kola haniak nga Jon, tel unauan.

Jon Meng solian ti Jises tataiai Jon 20:13

Lalu kamei i, “O tatangike la?” I pahoi lalu ukek, “Laha waxi ahutiwen tel masiwi tetak, nga kum tioi laha hahana i ia!”

Luk Meng solian ti Jises tataiai Luk 7:13

Ti Jises tel Masiwi paxaiwa tel hehin, i tahane hawane. Ape kakane i, “Kum tangitang.”

Luk Meng solian ti Jises tataiai Luk 23:28

Jises paxaiwa lato ape i ukek, “Hehin ti Jerusalem, kum tangixi eliliel nga, amuto tangixi elieliwa puki amuto ma natumuto.

Luk Meng solian ti Jises tataiai Luk 8:52

Kilan seilon laha tang tatahane tel akaik. Jises ukek, “Kum tatangixi tel akaik, i tai mat, i tua mamatih.”

Hahatakei Haeu 3:21

“Teka laha waxaini saliniai totohong ma saun lialun, nga hani laha to kapik ti neiniai seilon masin ti nga waxainiwen ape nga kapi Haeu tel Tamak neiniai seilon.

Hahatakei Haeu 5:4

Nga tang welu hawane nake tap wanen tel tapai.