Hahatakei Haeu 21:14 - Seimat

¹⁴ Titieh ti tehu taon, laha atai patul he huopanim huohu pot lalap. Tehu tehu pot hina axe tel tel ti tesol *aposel ti tok sipsip uluha.

Hahatakei Haeu 21:14 Referans Kwoze

Hibru 11:10

Abraham aile ukek ien nake i mon atetengi tesol tonain leili tehu taon puki atataiai Haeu. Tehu taon ien i tu hamalum lian tehue.

Epesus 2:20

Kako teka kahikahi Jises Krais, kako masin tehu ing hahatuhiai teka *aposel ma *teka kuluiai kakai Haeu. Tehu kuku pate tuah se puki alia Jises Krais.

Hahatakei Haeu 18:20

Ape tenen kinax ti tone Haeu kak tatale ukek, “Amuto teka ti tone Haeu, amuamua. Teka kuluiai kakaian, teka *aposel ma teka seilon ti Haeu liai, amukewa waliko tetenen ien. Haeu ape i kahui aliake hani teka Babilon lawe waliko lialun lato aile haniwen amuto.”

Jud Nauna ti Jud hani teka kahikahi Jises Krais 1:17

Tuahe amuto teka soliai akikik ti Krais, nameniwa waliko ti tesol *aposel ti Jises Krais tel Masiwi ti kako kak peleawen.

Epesus 3:5

Kemuk Haeu tai hatakei tenen namilon ien hani teka seilon. Tuahe aope, *Holi Spirit kola hatakei haniwen teka *aposel ma *teka kuluiai kakai Haeu.

Matiu 16:18

Pita, o masin teik hepekeun ailan. Masin ti tel seilon atai ingan patul he hepekeun ailan, hetekie huhual tetam nga aile hasohotu teka seilon kahikahik hahitake axak. Ape tap tenen waliko i xoini laha, kalak pohe *Satan.

Epesus 4:11

Krais tetel i hani anesoin ti puasain tenen tenen. Teka laha sohot *aposel, teka laha kuluiai kakai Haeu, teka liai laha kaxiai *meng solian ti Jises Krais ape teka laha sohot seilon ti ngahatiai teka kahikahi Krais ma hanaualaha.

Galasia 2:9

Jeims, Pita ma Jon, tesol masiwi tapein ti teka kahikahi Jises, lato paxai tioi ka Haeu hani nga teik puasain tuah ien. Lato teini minamili Banabas, kolakol ka amite ailele puasain tenenawe. Ape amite aile tenen namil masin, amili aile puasain ien leili teka kumahe Ju ape lato puas tatale kapi teka Ju.

Aposel 1:26

Ape lato halokeni satu upiai tel ti Haeu kilami. Haeu kilami Matias ape i hukuma hani kapi tesol huopanim tel aposel.

Hahatakei Haeu 21:13

Toluwau aweing lato sai angiha, toluwau sai tola, toluwau sai haiup ma toluwau sai ahang.