Hahatakei Haeu 14:14 - Seimat

¹⁴ Imuh nga ningahi tel seilon toto he teik maun papaxaxun. Tanoman masin ka i tel *Nati Seilon. He patun teik tah ani gol ma i akekeni tea pole pate angian.

Hahatakei Haeu 14:14 Referans Kwoze

Hahatakei Haeu 1:13

Wasolalato tel seilon i pupuxui tehu puxux weluwelun, teik tah gol he patanawan. Tanoman masin ka i tel *Nati Seilon.

Hibru 2:9

Tuahe kako paxai tioi sale masiwiai Jises. Kalak leili taun kukunun i pamu itan ti teka engel, Haeu hana i pate tuah ma hani i ax lalap nake i mat hualiai seilon. Ti soliai Haeu hani kaha, i hani lioi Jises kau kawatan ape i mat ukei kahi lialui woi lawe seilon.

Luk Meng solian ti Jises tataiai Luk 21:27

Ape laha ningahi nga *tel Nati Seilon mosulih patul he maun hetekie lalape poh ma soliai talepai xewaiak.

Matiu 17:5

Ti Pita kakak, teik maun tenen xewan wanen man atuhi lato. Ape kakai Haeu i ahuma he maun ien, i ukek, “Tel seilon ie se Natuk pate nga waheni. Nga amuke hawane i. Hong usiwa kakaian!”

Hahatakei Haeu 6:2

Ti nga paxawa, nga ningahi tok hos papaxaxun tutu matak. Tel seilon i toto patul tetan i akekeni tehu ponar. Ape Haeu hana teik tah tuah he patun kolaian ka i masiwi. Ti i kiliwawa, i waxaini kilan hilehile atengi tataen i xoiniwa lawe waliko lialun.

Hahatakei Haeu 1:7

Hongoa! I luama he maun ape hatesol seilon ningahi i hetekie tataen teka teleian. Tataen ien seilon ti lawe xux tang hawane nake ti lialui woulaha. *Salan wanen.

Hahatakei Haeu 20:11

Muhin nga ningahi Haeu toto he tehu totoan pate tuah a papaxaxun. Ti lehe i hiniti seilon, ape tehu pon itan ma maun aheah i man kaluta huluta lian tehue.

Hahatakei Haeu 19:12

Pulan kamakam hanowi xekei ah ma kilan tah ani gol he patun. Tenen ax taian he tinun tuahe tap tel i tioi salangawan, mewenae i.

Hahatakei Haeu 11:17

Lato ukek, “Haeu tel Masiwi tel pohen tapein, tetel ti imat ma aope ie, amite kak kemulik hani o nake ti lalape pohem o hutuiwen neiniai lawe waliko.

Hahatakei Haeu 10:1

Muhin nga ningahi tel engel liai pate pohen i momosulih tesol *tone Haeu. I puxupuxua leili maun hetekie tehu poto onote patun. Kawan kamakam hanowi xame alon a aen masin kuku na i xekexek.

Mak Meng solian ti Jises tataiai Mak 4:29

Tataen huai komem pamua, tel tame tesol kin uke ngol kotian nake an he kin i apeasawen.”

Matiu 13:30

Tiliwen lato xex hetekie atengi tataen ti tahiwiai ane peteta. Ape nga talo teka unauak sohuti apuhini luimu kango. Imuh lato apuhini peteta hani tehu ing ti tone an.’ ”