Hahatakei Haeu 11:18 - Seimat

¹⁸ Teteka seilon laha kum lotui o, laha lengeini o tuahe taun ti o leng pahoi lato ape i tahiawen. Aope ie se taun ti o paxai kolongeni woi lawe seilon ti laha matewen. Ape o kahui hasolia teka unauam ti kuluiai kakaiam, teteka laha haxawa axam ma hatesol seilon tetam kalak axalaha lalap ma na kumahe. Ape o aile halialu tamusuke teteka laha aile hahalialu lawe waliko ti tehu pon ie.”

Hahatakei Haeu 11:18 Referans Kwoze

Hahatakei Haeu 20:12

Nga ningahi teka laha matewen, teteka axalaha lalap ma teka tap axalaha, laha tutu mateiwai tehu totoan tuah. Ape teka engel hei tesol pepa hina woi hatesol seilon. Muhin lato hei teik pepa liai hina axe teka seilon ukei *tonain kapi Haeu ti tap tahi tapoan. Ape Haeu hiniti hatesol seilon usiwa saun ti laha ailewen, taian leili tesol pepa ien.

Hahatakei Haeu 19:5

Ape tenen kinax ahuma ti tehu tonain tuah ti tone Haeu, i ukek, “Hatesol unaui Haeu, teteka axamuto lalap ma teteka tap axamuto, amuto teteka hina lomuto ti Haeu, sameniwa i.”

Hahatakei Haeu 13:10

Teteka seilon ti Haeu namiloiwen kane kalabus, laha xoti ma kalabusi lato. Teteka seilon ti Haeu namiloiwen lato mat nake ti usiai nauna tetan, laha telei lato. Aile ape, tu xoxoa kahikahi Krais kalak kawatan tunahi amuto.

Hahatakei Haeu 22:12

Jises ukek, “Hongoa! Tahiaiak kapimuto i xohi hawanewen. Nga kahui hapoponowi hani amuto usiwa waliko ti amuto ailewen.

Hahatakei Haeu 15:7

Kakanua, tel ti tetesol hinalo seilon ien hani tesol tepanim huhua engel tepanim huohu kapi ani gol. Waliko ti leilon i kikilami lengei Haeu, tel tap tahi matean.

Hahatakei Haeu 15:1

Imuh tenen waliko pate lalap ma tuah wanen sohotuma tesol *tone Haeu. Nga ningahi tepanim hua *engel ti axiai tepanim huohu kawatan tiliai lengei Haeu.

Hibru 9:27

Mateakaha seilon tehue ape muhin Haeu kahui kaha usiusi sale woukaha.

Luk Meng solian ti Jises tataiai Luk 1:50

I aile kola tatahan tetan hani teka laha sameni ma hong tamani i leili teka seilon ti aope ie ma imuh.

Matiu 5:12

Amuamua nake kahumuto solian Haeu apeseniwen patul leili tonan. Nameniwa ka *teka kuluiai kakai Haeu ti matahaun tin lato kauen kawatan ti teka seilon aile halialu lato.

Hahatakei Haeu 20:15

Hatesol seilon ti tap axalaha leili teik pepa ukei tonain kapi Haeu ti tap tahi tapoan, i towi laha hani tehot ah ien.

Hahatakei Haeu 18:6

Haeu, o aliake haniwa lato masin ti lato aile haniwen teka seilon liai. Haniwa lato kawatan uke he huohu ti waliko lialun lato aile haniwen laha. Haniwa lato an wakin tenen poxan i xoini ti lato haniwen seilon liai.

Hahatakei Haeu 11:2

Tuahe kum kokolongeni soxi tini Ingi Haeu sai melal nake ien Haeu haniwen teka laha kum tioi i. Imuh, leili 42 pangapang, laha aile halialu teka seilon ti Jerusalem tehu taon pate tuah ti Haeu.

Hahatakei Haeu 19:15

He awe tel neinialato tea ngol ahutama pate angian i uke ti lehe i waxaini teka watakaian. Nenein tetan hani laha pate ahian. Ti kolai lalape lengei Haeu i aile halialu laha masin tel i towi huai greip hani leili teik pipisih ape pexi hunui kanun.

Hahatakei Haeu 10:7

Taen ti na tel engel tapeinan kuiniwa tehu suhusuhaun, hatesol waliko ti Haeu tai hatakei hani seilon ape i sohot poponowi masin ti i kakanewen teka unauan ti kuluiai kakaian.”

Hahatakei Haeu 13:16

Totok manihuh i sohotule leili hepekeun i lungei teka seilon ukei teik kikilam ti he minalaha manau ma na kawalaha. I lungei seilon tenen tenen, teteka axalaha lalap ma teka tap axalaha, teteka kilan soxi ma teka tap, teteka unaui seilon ma teka kumahe unaui seilon.

Hahatakei Haeu 19:18

Ngongoma ani xixioi masiwi ti xux, masiwi ti teka seilon ti hile, teka hahitakalaha, xixioi hos ma teka kiliwakealaha ma xixioi lawe seilon, teka unaui seilon ma teka kumahe unaui seilon, teka axalaha lalap ma teka tap axalaha.”