Epesus 3:14 - Seimat

¹⁴ Nake ti tesol waliko ien nga lokuha lotu hani tel Tamakako Haeu.

Epesus 3:14 Referans Kwoze

Pilipai 2:10

Haeu aile ukek ien lehe teka patul he tonan, teka ti itan ie ma teka maten laha hatesol lokuha hani Jises Krais ti samenian.

Aposel 21:5

Tapeini ngain ti puasain tehu ien, amite nahih alia hani he tea waian. Hatesol *kahikahi Jises hetekie tesol axoalato hehin ma natulato nahih tapeini amite. Ti ien, amite hatesol lokuha ape amite lotu.

Epesus 1:3

Kako kak sameniwa Haeu. I tel Tame Jises Krais tel Masiwi ti kako. I hani kako hatesol waliko solian hualiakako ti usian nake kako pakata hetekie hani Krais. Tesol waliko solian ien puki hahaniai Haeu, kumahe ti itan ie.

Aposel 20:36

Ti i kak hatapoa, i lokuha ape i lotu kapi lato.

Luk Meng solian ti Jises tataiai Luk 22:41

Jises nahih ahewa teik, i lokuha ape i lotu.

Aposel 9:40

Muhin ti Pita talo hasohotua laha ti tesol ien, i lokuha ape i kamei huhual ti Haeu. I tale matan hani tel maten ape i ukek, “Tabita xahatawa!” Ti tel hehin haxepale pulan, i ningahi Pita ape i xahat to.

Aposel 7:60

I aleal put hani itan ma tang ausini hani Haeu, “Oxoxiwa lato ti kawatan ti saun lialun ti lato ailele!” Ti i kak kewa ape i mat.

Epesus 3:15

Hatesol seilon tenen tenen ti patul ma itan ie kaha kema hanawain ma axakaha ti tel Tamakako Haeu.