Epesus 1:8 - Seimat

⁸ I hani hakila hawane kako waliko solian tenen tenen hetekie lawe anesoin ma namil tenen xewan.

Epesus 1:8 Referans Kwoze

Hahatakei Haeu 5:12

Laha pak ausisini ukek, “Tok sipsip uluha ie se totok laha teleimu. I tapai hawane kako sameni lalape pohen, anesoan ma kuin. I pono wanen ti lawe waliko. Kako haxawawa axan.”

Kolosi 2:3

Se pate tuah wanen na kako tioi hawane Jises Krais. *Krais tel haxewaiakako lehe kako aneso alua hawane kakain tuah ti Haeu ma lawe waliko.

Epesus 3:10

Haeu aile ukek ien lehe aope ie i aile kola lalape anesoan hani teka *engel ma teka spirit liai pate pohen laha toto he maun. I kola hani laha ka ti lalape anesoan i kapiti hasolia hatesol seilon tetan.

Rom Teik pasi Pol hani teka kahikahi Jises Krais ti Rom 5:15

Soliai Haeu hani kaha, soliaian i xoini wanen lialuan ti tahitah ti Adam hasohotu. Matemate i tunahi kaha seilon nake ti lialui woi seilon tel. Tuahe xuhai solian kilan seilon uke nake ti lalape soliai seilon tel, Jises Krais.

Jud Nauna ti Jud hani teka kahikahi Jises Krais 1:25

I telawe Haeu awaiakaha seilon. I talo Jises Krais awaiakaha ti kaui kawatan ti lialui woukaha. Kaha haxawawa axe Haeu ma sameniwa soliaian. I tetel lalape pohen ma masiwian, liai lilian ti imat hanima aope ma lian tehue. *Salan wanen.

Epesus 1:11

Haeu aile hatesol waliko ti i nanamiloi. Ti imat wanen, hoi liai i kilamiwen amite teka *Ju tetan usiwa puki namilon.

1 Korin 2:7

Amite kakaxi waliko ti Haeu namiloiwen i aile hani kaha ti lalape anesoan. Waliko ien, ti imat i tai hatakei hani teka seilon. Tuahe imat ti i tanomi lawe waliko, hoi i namiloiwen ka lalap solian kaha uke ti anesoan.

Rom Teik pasi Pol hani teka kahikahi Jises Krais ti Rom 11:33

Malehe lalape soliai Haeu ma anesoan. Ti lalape titioan, waliko ti i aile mewenae sawisawin. Tap tel pon nexi haxewai namilon. Kaha kum xeu wanen sale pupuasan.

Matiu 11:19

Ape ti nga *tel Nati Seilon sohotuma, nga ang ma un waen hanowi teka seilon liai, ape teka seilon ukek, ‘Paxaiwa tel seilon ien! Puhuan wawan ma weli unum. I tin lohi teka seilon ti waxiai moni hani teka masiwi ti *Rom ma lohi teka seilon woulaha lialun.’ Tuahe nga kakane amuto, anesoi Haeu ti amili Jon hahanau seilon, i sohot xeu hawane ka salan, na auha paxai soliai puasamili, tataen ti kilan seilon ape laha aile usi hanauan ti amili.”

Epesus 1:7

Haeu kola soliai lalape wawahen tetan ti Krais mat oxoxiakako ti kalabus ti saun lialun. Ape i oxoxi kako ti kawatan ti lialui woukako.

Epesus 1:9

Haeu hapuasa Krais ailei waliko ti i pahan. Ape i kola hatakei hani kako namilon ti teka seilon kum tioi ti imat.