Aposel 3:11 - Seimat

¹¹ Hatesol seilon ongaini hawane ape laha kiliwau hani kapi tesol axan Totone Solomon, tetesol ti tel seilon kemuk aen lialun pohi amumuke Pita ma Jon.

Aposel 3:11 Referans Kwoze

Aposel 5:12

Teka aposel aile hasohotu kilan kolakol tenen pate lalap ape teka seilon ningahi pohe Haeu. Hatesol *kahikahi Jises lawe lato apuha hetekie ti tesol Totone Solomon pape *Ingi Haeu.

Jon Meng solian ti Jises tataiai Jon 10:23

Jises tau nanahih tesol Totone Solomon kapi Ingi Haeu.

Luk Meng solian ti Jises tataiai Luk 8:38

Tel seilon teka spirit lialun ox sasaliliwa, i kamei eliel Jises na i kuoxi lato. Tuahe Jises hone i ukek,

Aposel 2:6

Ti laha hongoa tangiai waliko tenen masin aupol kuin, kilan seilon apuha paxai ape laha hong ongaini nake tel tel hong ka teka kahikahi Jises ape lato kakak puki kakaialaha.

Luk Meng solian ti Jises tataiai Luk 22:8

Ape Jises talo Pita ma Jon ukek, “Nahih apeseniwa angiain ti Pasova ti kako hatesol.”

Aposel 3:3

Ti i ningahi Pita ma Jon nahih sosohoa, i katei lalu moni.

Aposel 3:4

Lalu pax sawi hani i ape Pita ukek, “Paxaima amili!”

Aposel 3:12

Ti Pita ningahiwa teka seilon apuhawa, i hone lato ukek, “Amuto teka *Israel, alahan waliko tetenen ie i hahataxina amuto? Alahan amuto paxai hamalumini amili? Kumahe kuimili ma soliai woumili i aile tel seilon ie nanahih.