Aposel 28:28 - Seimat

²⁸ Ape Pol tili kakaian ukek, “Aisaia kakak tesol tamakako ti matahaun tuahe kilan teka Ju ti aope ie, lato kum soh meng solian ti Jises. Amuto tioi kewak, tenen *meng solian ti Haeu ka Jises awai seilon ti kawatan ti lialui woulaha tin i hani *teka kumahe Ju. Ape laha hong soh.”

Aposel 28:28 Referans Kwoze

Aposel 22:21

“Tuahe Jises tel Masiwi hone nga, ‘O saliliwa Jerusalem nake nga talo haxau o hani kapi *teka kumahe Ju lehe laha hong *meng solian tetak.’ ”

Luk Meng solian ti Jises tataiai Luk 3:6

Ape lawe seilon paxai tioi sale Haeu awai laha ti kawatan ti lialui woulaha.’ ” (Isa 40:3-5) Ie tiliai kakai Aisaia ti i kak kilami sale Jon.

Aposel 18:6

Ti lato kak pahoi ma kak halialua i, Pol tapahi xaxaweni hepekeun ti tehu puxuaun. Ien i kola ka Haeu kum amuke lato. I ukek, “Kumahe nakek na Haeu axi amuto kawatan ti amuto kum hong soh kakaiak. Tataen ti aope ie nga nahih hani kapi teka seilon kumahe Ju ti kaxi ahutiai meng solian ti Jises hani laha.”

Aposel 15:17

Nga aile ukek ien lehe teka kumahe Ju tin laha sohot seilon tetak, teka pahalaha nga Haeu Masiwi ti laha, teteka nga kilamiwen tetak.

Aposel 15:14

Waliko ti Saimon Pita kakaxi, i haxewa haniwen kako ka Haeu namiloi tahane teka kumahe Ju. I huali laha ape teka ti laha sohot seilon tetan.

Aposel 14:27

Lalu apuhini hatapo teka kahikahi Jises ien ape lalu kaxi hatapo hatesol waliko ti Haeu hualiwen lalu ailean. Tin lalu kakane lato ti sale Haeu hei aweisal hani teka kumahe Ju lehe laha soh ti Jises.

Aposel 11:18

Ti lato hong kewak ien ape lato kum kahiloloi Pita. Lato sameni Haeu ukek, “Haeu tin hanamiloa teka kumahe Ju lehe laha towiahu ti saun lialun ape laha uke tonain kapin ti tap tahi tapoan.”

Rom Teik pasi Pol hani teka kahikahi Jises Krais ti Rom 4:11

Tenen kikilam ien ti Abraham uke se kolakol ka hoi liai namilon xoxoan ti Haeu ma tin i sawisawin ti puli Haeu imat ti i aile tenen saun ien. Aile ape Abraham i sohot tame hatesol seilon laha soh ti Haeu hanowi i, kalak laha tap kikilam tenen ien. Wasolalaha hani kapi Haeu i sawi nake ti xoxoi namilolaha tetan.

Rom Teik pasi Pol hani teka kahikahi Jises Krais ti Rom 11:11

Teteka Ju laha kum soh ti Jises Krais, ien se saun lialun. Kaie laha selaia tamus hawane ti Haeu ape i kum pon laha aliama? Tap wanen. Ti namili Haeu i pahan *teka kumahe Ju laha sohoa ti Jises Krais lehe waxi i awai laha ti kawatan ti lialui woulaha. Ti aweisal tenen ien teka Ju paxai tioi solian tetan ape tin pahalaha ukean.

Aposel 13:38

“Aile ape pahak amuto xeu waliko ti amili kaxi hahani amuto ka Haeu oxoxi seilon ti kawatan ti lialui woulaha nake ti puase Jises.

Aposel 13:26

“Amuto teka kahi nati *Abraham ma *teka kumahe Ju amuto lolotui Haeu, tenen meng solian ti Jises awai kako ti kawatan ti saun lialun, Haeu hani kako hatesol.

Aposel 2:14

Pita tule kapi tesol huopanim tel *aposel ape i kak eliel lehe laha hong, i ukek, “Amuto teka Ju ma amuto hatesol ti Jerusalem, hong matainiwa na nga kaxi haxewa hani amuto.

Aposel 4:10

Ien, amuto ma hatesol seilon ti *Israel tioiwa, tel seilon tutu ie mateiwaumuto tinun ewi hawanewen nake ti pohe axe Jises Krais ti Nasaret, tetel amuto telei ape Haeu xahateni i ti matean.

Aposel 9:15

Tuahe tel Masiwi hone Ananaias, “O nahiwa nake nga kilamiwen i ailei puasak. I kaxi sawateni *meng solian tetak hani teka seilon laha kum soh tetak ma hani teka masiwi ti laha hetekie teka seilon ti *Israel.

Aposel 28:29

Ti i kak kewa, teka Ju nahih salili i ape lato kak he hapatapat alia puki lato.