Aposel 21:40 - Seimat

⁴⁰ Ti tel masiwi sowini haniwa Pol, i tu patul lehe laha ningahi i. I tulini minan lehe i kak. Ti teka kilai seilon kak mongawa, Pol hutui kakaian ti kakai Arameik, puki kakaialaha.

Aposel 21:40 Referans Kwoze

Aposel 12:17

Pita aile kola minan hani lato ka kum wixiwix ape i kaxi hani lato aweisal ti Haeu ahuti i ti kalabus. Ape i ukek, “Kaxi haniwa Jeims tel ukale Jises ma teka kahikahi Jises liai waliko ti i sohot haniwen nga.” Ape i nahih salili lato hani tesol liai.

Aposel 26:14

Amite hatesol put hani itan ape nga hong tenen kinax i kakane nga ti Arameik, kakaiak wanen, ‘Sol, Sol, alahan o aile hahalialu nga? Tel na i hil pahoi nga, i tunahi kawatan.’

Aposel 22:2

Ti laha hongoa i kaakane laha ti puki kakaialaha, laha hamalum hawane ape Pol hutui kakaian.

Jon Meng solian ti Jises tataiai Jon 5:2

Leili Jerusalem tehu kanipet axan Betesda ti kakai Arameik, tepanim ing tenen saxawaxawan tu kakalini. I xohixohin kapi tewau kahip ti taon, axan Sipsip.

Aposel 21:35

Lato tai nahih xau ape teka seilon leng eliel ahe. Aile ape ti awaiai Pol, teka seilon ti hile lauti kau i.

Aposel 19:33

Ape teka Ju hone lungei Aleksanda i tel ti lato na i kakane laha ien. Aleksanda tulini minan lehe i kak haxewa hani teka seilon waliko ti i sosohot.

Hahatakei Haeu 16:16

Ape tetesol spirit lialun apuhini teka masiwi kane tehu hilehile hani tesol ti kakai *Hibru laha axai Amagedon.

Hahatakei Haeu 9:11

Tel masiwi neinialaha i tetel engel ngahatiai tewau wal walawalan wanen. Ti kakai *Hibru axan Abadon ma ti kakai *Grik axan Apolion. Salangawe tenen ax ien i ukek, “Tetel halialui waliko.”

Aposel 13:16

Pol tua, i tulini minan i kola ka ape i kak. I ukek, “Amuto tesol *Israel ma tesol kumahe Ju amuto lolotui Haeu, hongoa!

Aposel 6:1

Ti ape mongohe teka *kahikahi Jises kikilale, teka *Ju kakaialaha *Grik laha wiliki teka Ju kakaialaha Arameik ma Hibru nake laha kum sei hapono waliko hani teka hehin kakaialato Grik axoalato matewen.

Jon Meng solian ti Jises tataiai Jon 19:20

Kilan wanen seilon paxaiwen kakain ien nake tetesol ti Jises akeak xohixohin tehu taon lalap a kakain ien laha tai ti kakai Arameik, Latin ma *Grik.

Jon Meng solian ti Jises tataiai Jon 19:17

Ape laha nahih hahaniwa tesol axan Golgota. Teik kakain ien ti kakai Arameik. I ukek, “Tetesol tanoman masin kui pati seilon.” Puki Jises kakau teik kros pata.

Jon Meng solian ti Jises tataiai Jon 19:13

Ti Pailat hongoa kakain ien i hakahita aliake Jises hani melal ti mateiwai teka seilon ape i to hani tesol totoan ti hong paxaiai kakain, ti kakai Arameik laha axai, Gabata. Tenen kakain ien ukek, “Tesol Pot.”

Luk Meng solian ti Jises tataiai Luk 23:38

Teik kakain ti suluian lato tahi hakea onote patun i kak ukek, “Tel Masiwi Tapein ti teka Ju.”

Aposel 1:19

Lawe seilon ti Jerusalem hong menge matei Judas, ape laha axai teik pekeunaun ien ti kakaialaha Arameik. Laha axai Akeldama. Teik kakain ien ukek, Pekeun ti Kaka.