Aposel 2:37 - Seimat

³⁷ Ti laha hongoa teik kakain ien, pate i tuhuke hakawata hawane tialaha ape laha kamei Pita ma tesol aposel liai ukek, “Tesol akikimite, kaie ape amite aile la?”

Aposel 2:37 Referans Kwoze

Luk Meng solian ti Jises tataiai Luk 3:10

Teka seilon kamei i, “Ape amite aile la?”

Aposel 22:10

“Nga kamei i, ‘Tel Masiwi, kaie nga aile la?’ “Ape tel Masiwi hone nga, ‘Xahatawa, nahih tamus haniwa Damaskas lehe ape o hong waliko tenen na o aile.’

Luk Meng solian ti Jises tataiai Luk 3:14

Ape teka seilon ti hile tin laha kamei i, “A amite ape lahan? Amite aile la?” I hone aliake lato, “Kum lulungei seilon waxiai moniulaha. Kum hahamatau laha ka amuto aile halialu laha ma na amuto sului laha na laha kum hani amuto moni. Amukewa lape kahumuto ti amuto kewen.”

Luk Meng solian ti Jises tataiai Luk 3:12

Tataen teka seilon ti waxiai moni ti teka *Ju hani teka masiwi ti Rom, tin laha nahima lehe Jon baptaisi laha. Ape laha kamei i, “Tel masiwi, amite aile la lehe amite salia ti kawatan ti Haeu?”

Jon Meng solian ti Jises tataiai Jon 8:9

Ti laha hongoa kakai Jises, laha nahih salili i uke tel tel, nahiai imat teteka salaimat. Mewenae Jises tutuen kapi tel hehin.

Rom Teik pasi Pol hani teka kahikahi Jises Krais ti Rom 7:9

Lokon ti kako kumahe xewan ti nauna, tap kako to nanamiloi waliko ti kako ailele. Tuahe ti kako xewawa waliko ti nauna hahanau, kako paxai tioi ka kako seilon ti ailei saun lialun ma kako se he aweisal ti matemate.

Aposel 7:54

Ti teka masiwi ti teka Ju hongoa kakai Stiven lato atalahi nisulato ti lialui lolato.

Aposel 5:33

Teka masiwi ti teka Ju hongoa, lolato lialu hawane ape pahalato telei tesol aposel.

Aposel 1:16

“Tesol akikik ti Krais, waliko ti kakai Haeu kaxiwen i sohot hapoponowi sale Judas, tetel i atima teka xotiai Jises. Ti kuewen wanen Holi Spirit hanamiloa tel masiwi *David ti kak kilamiai tesol waliko ien.