Aposel 2:34 - Seimat

^34-35 Haeu tai waxi David tel masiwi hani tonan, i waxi Jises masin ti puki David kakawen. I ukek, “ ‘Haeu kakane tel Masiwi tetak, “Toma papak tepaun manau ti neiniai seilon atengi tataen nga hanawa teka seilon laha pahoxai o hani hahitakam.” ’ (Ps 110:1)

Aposel 2:34 Referans Kwoze

Hibru 1:13

Haeu tai kaakane tel na engel ukek, “Toma papak tepaun manau ti neiniai seilon atengi tataen nga hanawa teka seilon laha pahoxai o hani hahitakam.” (Ps 110:1)

Epesus 1:22

Haeu hana lawe waliko hani hahitake Krais ape kilami i Masiwi tapein. Ape teteka laha soh tetan laha uke solian tetan.

1 Korin 15:25

Krais hoi liai i neneini seilon atengi tataen Haeu xoini hatapoa hatesol teka laha pahoxai i ape hana laha hahitake Jises Krais.

Mak Meng solian ti Jises tataiai Mak 12:36

Puki *Holi Spirit hanamiloa David ape i kak ukek, “ ‘Haeu kakane tel Masiwi tetak, “Toma papak tepaun manau ti neiniai seilon atengi tataen nga hanawa teka laha pahoxai o hani hahitakam.” ’ (Ps 110:1)

Jon Meng solian ti Jises tataiai Jon 3:13

Nga *tel Nati Seilon, tetel i luama ti tone Haeu, mewenae nga tioi hawane waliko ti i sosohot ien.