Aposel 18:8 - Seimat

⁸ Krispus, tel ti teka masiwi ti tehu synagog, i sohot *kahikahi Jises hetekie hatesol seilon ti lohe ingan. Kilan seilon ti Korin tin laha hong soh meng solian ti Jises ape laha uke baptais.

Aposel 18:8 Referans Kwoze

Aposel 11:14

I kaxi ahuti hani o *meng solian ti Jises. Na o ma hatesol seilon leili ingam hong soh kakaian, Jises awai amuto ti kawatan ti saun lialun ti amuto.’

Aposel 8:12

Tuahe ti Pilip kaxi ahuhuti meng solian sale aweisal ti Haeu neini seilon ma pohe Jises, laha hong soh ape Pilip baptaisi laha, wawan ma hehin.

Aposel 18:17

Ti lialui lolato kakanua lato akeni pohi Sostenes tel masiwi ti synagog ape xai i mate Galio tuahe Galio kum nam waxi.

Aposel 16:34

Muhin ien i ilowi Pol ma Sailas hani leili ingan ape i axi analalu. I ma hatesol seilon leili ingan lato amuam hawane nake aope namilolato xoxoan ti Haeu.

Aposel 13:15

Muhin ti tel seilon kaxi kewa hina *nauna ti Moses ma ti *teka kuluiai kakai Haeu, teka masiwi ti synagog kamei Pol ma Banabas ukek, “Hua Ju akikimite, na amulu hina kakain ti hualiamite, kakawa.”

Aposel 10:2

I ma teka lohe ingan lato waheni Haeu. Konilius huali teka *Ju laha tap soxi ma lawe i lolotui Haeu.

Mak Meng solian ti Jises tataiai Mak 5:35

Leilon ti Jises kakak, teka seilon leili ingi Jairus hakauma kakain hani Jairus ukek, “Tel natum i matewen, kum hakalakala nanahiai tel masiwi.”

Mak Meng solian ti Jises tataiai Mak 5:22

Lokon ien Jairus tahiama. I tel ti tesol masiwi ti *synagog. Ti i ningahiwa Jises, i lokuha hani itan kapi aen.

Matiu 28:19

Aile ape nahih haniwa lawe xux ape aile hasohotua teka seilon kahikahik. Baptaisiwa laha hahitake axe tel Tamak Haeu, nga tel Natun ma *Holi Spirit.

Aposel 18:1

Muhin ien Pol salili Aten ape i lua hani tehu taon Korin, i tin leili texux xux Akaia.

Aposel 19:1

Ti Apolos leili tehu taon Korin, Pol lua nonoa Galasia ma Prigia ape i tahia hani tehu taon Epesus. Ti ien i tunahi teka seilon laha soh ti *Jises.

1 Korin 1:2

Nga tai teik pas ie hani amuto teka kahikahi Krais ti tehu taon Korin. Haeu aile hasohotu amuto seilon tetan ti i pakateni amuto hani Jises Krais. Aile ape Haeu pahan wanen amuto hani hatapoa i tupuamuto hetekie teka laha toto tesol tesol, teteka laha paxai ukek Jises Krais i tel Masiwi. I Masiwi ti laha ma ti kako.

2 Korin 1:1

Nga Pol tetel puki Haeu kilami *aposel ti *Jises Krais, nga tai teik pas ie hani amuto teka kahikahi Krais ti Korin hetekie hatesol seilon ti Haeu leili hatexux xux Akaia. Amuam ti amili Timoti tel akikikako ti *Krais haniwa amuto hatesol.

2 Korin 1:23

Salangawan ti nga tai lua hani kapimuto nake kumahe pahak nga tumei amuto. Puki Haeu tioi ka salan.

2 Korin 6:11

Teka soliai seilon ti Korin, tap tenen waliko amite kaxi lilikoheni. Amite hean wanen ti amuto.

2 Timoti 4:20

Erastus tutuen tehu taon Korin. Tropimus i tinun ape nga titiheli i tehu taon Miletus.