Aposel 16:18 - Seimat

¹⁸ Kilan ngain i aile saun tin tetenen ape Pol lon manomano. I tohea paxai tel hehin ape i kakane tel spirit lialun leilon i ukek, “Ti poh Jises haniwen nga, nga hone o ahutawa ti tel hehin ie.” Tataen ien wanen tel spirit lialun ahuta salili i.

Aposel 16:18 Referans Kwoze

Mak Meng solian ti Jises tataiai Mak 16:17

Teka laha hong soh, nga hani laha poh ti ailei tesol waliko ie. Ti hahitake axak laha xaxaweni spirit lialun leili seilon. I pon laha kak kakain ti kumahe kakaialaha.

Aposel 9:34

Pita hone i, “Enias, Jises haewia o. Xahatawa! Lumiwa enepam.” Tataen ien wanen Enias xahat.

Aposel 3:6

Ape Pita ukek, “Nga tap moni tuahe waliko tenen nga hina nga hani o. Ti pohe Jises Krais tel ti Nasaret, nga hone hawane o, tua ape tau nahiwa!”

Mak Meng solian ti Jises tataiai Mak 1:34

Jises haewia kilan teka tinun ti nax tenen tenen ma i xaxaweni kilan spirit lialun leili teka seilon. Teka spirit lialun tioi ka Jises se Nati Haeu, aile ape i halini na lato kaxi.

Kolosi 2:15

Ti ien Krais xaxaweni kui teka *spirit lialun ti neiniai seilon ape i aile hahiena halialu laha ti puli lawe seilon ti i xoiniwa laha.

Luk Meng solian ti Jises tataiai Luk 9:1

Jises ilowi apuhini huopanim hua aposel ape i axi lato poh ti xaxaweniai *spirit lialun ma nax tenen tenen ti teka seilon.

Matiu 14:24

Lokon ien tea koap ape i xauwen. Laman hapa ahuahu tea koap nake aupol ah suei i.