Aposel 16:17 - Seimat

¹⁷ Tel hehin kakahiti amite Pol to titilol, “Tesol seilon ie lato unaui Haeu tel Masiwi tapein. Lato kakaxi sale awaiai seilon ti kawatan ti saun lialun ti laha.”

Aposel 16:17 Referans Kwoze

Jon Meng solian ti Jises tataiai Jon 14:6

Jises pahoi ukek, “Nga se aweisal hani tel Tamak Haeu. Nga tel kaxiai kakain salan sale Haeu ma tel haniai tonain kapin ti tap tahi tapoan. Mewenae nga se aweisal ti seilon kane tel Tamak.

1 Pita 2:16

Nameniwa, amuto ape seilon tenen oxoxain, tuahe kumahe i hakouke amuto ailei lawe waliko ti pahamuto. Woumuto kolawa ka amuto unaui Haeu.

Mak Meng solian ti Jises tataiai Mak 5:7

Tel spirit lialun tilol eliel ukek, “Jises, tel Nati Haeu pate tuah! Lehe o aile la hani nga? Nga kamei hawane o ti puli Haeu, o kum aile hahalialu nga!”

Luk Meng solian ti Jises tataiai Luk 4:41

Teka ti laha spirit lialun kapiti hahalialu. Kakai Jises tehue ape spirit lialun ox ahuta titilol, “O tel Nati Haeu!” Jises watakai teka spirit lialun kaxi hani teka seilon ka i Krais, aile ape i halini na lato kaxi.

Luk Meng solian ti Jises tataiai Luk 4:34

“Jises ti Nasaret, paham la ti amite? Nakon o ie ti halialuamite? Nga tioi o tel seilon sawisawin Haeu taloma!”

Luk Meng solian ti Jises tataiai Luk 1:79

Masin xewan ti i haxewa tilokoan, Krais kaxi waliko salan hani teka seilon laha leili tilokoan ti lialui woulaha. Ape i neini kako lehe wasolakako ma Haeu i sawi.” Tataen ie Sakaraia tili kakaian.

Aposel 19:13

Tesol ti teka Ju, ti lato lua hani tesol tesol, lato hapuasa axe Jises tel Masiwi ti xaxaweniai spirit lialun ti seilon. Lato hone teka spirit lialun ukek, “Ti pohe Jises, tetel Pol kakaxi, amuto ahutawa!”

Aposel 18:26

Lawe i kaxi matuke leili synagog. Ti Prisila ma Akila hongoa kakaian, lalu waxi i hani tonalalu ape hanau aheke i sale aweisali Jises.

Luk Meng solian ti Jises tataiai Luk 20:21

Tesol seilon ien nahih hani kapi Jises ape lato ukek, “Tel masiwi, amite tioi o seilon sawisawin. Ti o hanau seilon saun ti Haeu, kakain tenen salan. Woum o aile hani teka masiwi ma teka seilon naun lawe tekewe.

Luk Meng solian ti Jises tataiai Luk 1:77

O kaxi hani teka seilon tewau aweisal ti Haeu awai laha ti kawatan ti lialui woulaha ma oxoxi laha ti kawatan ien.

Mak Meng solian ti Jises tataiai Mak 12:14

Lato ukek, “Tel masiwi, amite tioi ka kakaiam mewenae salan. Woum o aile hani teka seilon masiwi ma teka seilon naun lawe tekewe. Ti o hanau seilon kakai Haeu, kakain tenen salan, tap puputa leilon. Kaxi hanima amite, ewi na kako hani Sisa teik moni pahan?

Mak Meng solian ti Jises tataiai Mak 1:24

I ukek, “Jises ti Nasaret, paham la ti amite? Nakon o ie ti halialuamite? Nga tioi o tel seilon sawisawin Haeu taloma!”

Matiu 22:16

Lato talo hani kapin teka kahikahi lato ma teka tepaun ti *Herod. Lato ukek, “Tel masiwi, amite tioi o seilon sawisawin. Ti o hanau seilon saun ti Haeu, kakain tenen salan. Woum o aile hani teka masiwi ma teka seilon naun lawe tekewe.

Matiu 8:29

Ti lalu ningahiwa Jises, tesol spirit lialun leilolalu ausini, “Tel Nati Haeu, o paham waliko la ti amite? O nanahima ti aile halialuamite? I tai meiwa ngain ti Haeu kikilami.”

Luk Meng solian ti Jises tataiai Luk 8:28

Ti i ningahiwa Jises, i tang ausini ape i lokuha mateiwaun. I tilol ukek, “Jises, tel Nati Haeu pate tuah, lehe o aile la hani nga? Nga kamei eliel o, kum aile hahalialu nga!”

2 Pita 2:2

Kilan teka kahikahi Krais usiusi lialui woulaha ma kak teheni kakain salan ti Haeu.