Aposel 13:41 - Seimat

⁴¹ “I ukek, ‘Teteka ti amuto mal sosoxeni nga, hongoa! Amuto ong mamata ape amuto mat nake kawatan nga hani amuto pate lialun wanen. Amuto kum soh ti kawatan ien, kalak na seilon nexi hahani amuto.’ ” (Hab 1:5)

Aposel 13:41 Referans Kwoze

1 Pita 4:17

Haeu hutuiwen hinitiai seilon. Imat, i paxai kolongenimu woukako teka seilon tetan. Ape na i aile hani kako teka natun, lalapai kawatan i axi teka laha kum hong usi meng solian tetan.

1 Tesalonika 2:16

Laha tohongi lali konginiamite ti kaxi haniai *teka kumahe Ju ka Haeu pahan i awai laha ti kawatan ti lialui woulaha. Ti laha aile ukek ien, laha tua palahi aheheke saun lialun ti laha ailele. Aile ape ti lengei Haeu, imuh i axi laha kawatan.

Aposel 13:47

Masin ti Haeu kakanewen tel Natun, i ukek, “ ‘Nga kilami o hanowi xewan ti hani lawe seilon ti xux tesol tesol lehe o awai laha ti kawatan ti saun lialun ti laha.’ ” (Isa 49:6)

Aposel 22:21

“Tuahe Jises tel Masiwi hone nga, ‘O saliliwa Jerusalem nake nga talo haxau o hani kapi *teka kumahe Ju lehe laha hong *meng solian tetak.’ ”

Luk Meng solian ti Jises tataiai Luk 16:14

Ti teka *Parisi hongoa waliko ti Jises kakak, lato soxeni i nake lato seilon tenen pate pahalato moni.

Aposel 3:23

Na tel kum hong tamani kakai tel kuluiai kakai Haeu ien, Haeu namiloi ukek tel ien kumahe tetan.’ (Deut 18:15,18-19)

Aposel 6:14

Amite hong i ukek ka tetel Jises ti Nasaret i hamanana tehu Ingi Haeu ma i sohi saun ti Moses hakouta hanima kako.”

Luk Meng solian ti Jises tataiai Luk 23:35

Teka seilon tu paxapax a teka masiwi ti teka Ju kak soxeni Jises ukek, “I huali teka seilon liai. Na masin salan i Krais, tel Haeu kilami ma taloma, i huali aliakewa i!”