Aposel 1:14 - Seimat

¹⁴ Lato hatesol lawe lato apuha lotu hetekie namil tenenawe kapi tesol hehin ma Mary tel tini Jises hetekie tesol ukale Jises.

Aposel 1:14 Referans Kwoze

Epesus 6:18

Lawe lotu tatale haniwa Haeu masin ti Holi Spirit kakapiti amuto. Kameiwa Haeu hualiamuto ti lawe waliko. Na amuto lotu, hana hatapoa namilomuto haniwa Haeu. Lotu hualiwa hatesol seilon ti Haeu ma kum lotu lilioa.

Aposel 6:4

Ape amite hani hatapo amite ailei puase lotu ma ti kaxiai menge Haeu.”

Kolosi 4:2

Lotu tatalewa, kum lotu lilioa. Hana hatapoa namilomuto haniwa lotu ma kak kemulik haniwa Haeu.

Aposel 2:42

Teka lato sohot kahikahi Jises lato hani hatapo lato ukei anesoin ti tesol aposel. Hatesol kahikahi Jises lato hina namil teikawe ti to hukuma hetekie, lotu hukuma ma ang hukuma ti nameniai matei Jises.

Rom Teik pasi Pol hani teka kahikahi Jises Krais ti Rom 12:12

Amuamua ti amuto mon atetengi waliko solian ti Haeu kakawen i aile hani amuto. Leili taun ti kawatan, tu xox kapitawa ma tin kum lotu lilioa.

Luk Meng solian ti Jises tataiai Luk 18:1

Telao *Jises kaxi tenen meng hani tesol kahikahin ti hanaualato ka lawe lato kamei talingoiwa Haeu ma kum kakapaxe i.

Matiu 21:22

Na amuto soh hawane ti Haeu, waliko tenen tenen na amuto kamei i, i aile hani amuto.”

Aposel 2:1

Tehu *ngain lalap ti Pentekos, teka kahikahi *Jises apuha hetekie hani leili tehu ing.

Luk Meng solian ti Jises tataiai Luk 11:13

Kalak woumuto lialun, amuto tioi haniai waliko solian hani natumuto. Tuahe tel Tamamuto Haeu pate pamu soliaian, aile ape i hani *Holi Spirit kapitiai teka seilon laha kamei i.”

Aposel 2:46

Lawe ngain lato apuha hetekie ti namil teikawe leili *Ingi Haeu. Lato ang bret nameniai matei Jises ma amuam ti he axiax an leili ingalato.

Luk Meng solian ti Jises tataiai Luk 24:53

Lawe ngain lato nahih hani *Ingi Haeu. Lato lotu sameni Haeu ma kak kemulik hani i ti lawe waliko i ailewen.

Matiu 12:46

Ti Jises kakak tutuen, tel tinan ma tesol ukalan tahiama. Pahalato kakak kapin.

Luk Meng solian ti Jises tataiai Luk 24:10

Tesol hehin kaxiai tenen meng ien hani tesol *aposel, axalato Mary Magdalen, Joana, Mary tel tini Jeims ma hina hehin liai.

Luk Meng solian ti Jises tataiai Luk 23:55

Tesol hehin ti lato kahitima Jises ti Galili, lato nahih usi tamusuke Josep hani he amal ape lato paxai ti i hana tupui Jises.

Luk Meng solian ti Jises tataiai Luk 23:49

Ape teteka laha tioi Jises, laha tu siasia papaxai waliko ti sosohot lokon ien. Leilolaha tesol hehin lato kahitima Jises ti Galili hani Jerusalem.

Mak Meng solian ti Jises tataiai Mak 16:1

Ti *Sabat tapoa, Mary Magdalen, Salome ma Mary tel tini Joses ma Jeims, lato kahui sanda tenen poun solian lehe lato ahui hani tupui Jises.

Mak Meng solian ti Jises tataiai Mak 15:40

Teka hehin tu siasia paxaiai Jises. Leilolato Mary Magdalen, Salome ma Mary, tel tini Joses ma Jeims tel uluha.

Matiu 27:55

Kilan hehin laha tu siasia papaxai waliko ti i sosohot. Lato kahitima Jises Galili ngahatian.

Luk Meng solian ti Jises tataiai Luk 24:33

Lalu tu huluta ape lalu nahih alia hani Jerusalem, tetesol huopanim tel kahikahi Jises ma teka kapi lato apupuha.

Luk Meng solian ti Jises tataiai Luk 8:20

Tel ti laha hone Jises, “Tel tinam ma tesol ukalam tutu melal. Pahalato paxaiam.”

1 Korin 14:13

Nake ti tenen ien, tel i pon kakak kakai xux liai, i lotu kameiwa Haeu anesoin ti nexi haxewai kakaian.