2 Timoti 3:16 - Seimat

¹⁶ Hatesol kakain leili pepai Haeu, *Holi Spirit hanamiloa teka seilon tetan taian. Kakai Haeu huali kaha hanaui seilon waliko salan sale Haeu. I kaxi hatakei saun lialun ma i haxewa sale hasawian. I hanau kaha lehe kaha sohot seilon sawisawin ti ailei waliko tenen Haeu pahan.

2 Timoti 3:16 Referans Kwoze

Rom Teik pasi Pol hani teka kahikahi Jises Krais ti Rom 15:4

Nameniwa ka lawe kakain laha taiwen leili pepai Haeu laha tai ti hanauakaha. I huali kaha ti tu xox leili taun ti kawatan ma hakui pakataiakaha kapi *Krais lehe waxi kaha pon atengiai waliko solian ti Haeu kakawen i aile hani kaha.

Hibru 4:12

Kakai Haeu hina poh ma pupuasan. I akulai puase ngol tenen hahupaun pate angian i koti hawalohu uke tupui manixux ma kelai hetekie tataen wekin ma kuin. Tin masin kakai Haeu i soh taponga hawane hani leili namilokaha ti kola hatakeiai isiai pahakaha ma woukaha.

Mak Meng solian ti Jises tataiai Mak 12:24

Jises pahoi lato ukek, “Kakaiamuto kumahe salan nake amuto kum tioi kakai Haeu ma pohe Haeu.

2 Timoti 4:2

Kaxi ahutiwa *meng solian ti Jises Krais, kalak laha hong ma na laha kum hong waxi, ti leili taun solian ma na lialun. Kak hasawi elieliwa teteka laha ailele saun lialun tuahe kum leng kokosea. Kak haxoxoa teka seilon ti o hanau mamatuhini laha sale Jises Krais.

2 Timoti 2:25

Lato kak hamalehua hasawiai teka laha pahoxai hanauan ti lato. Pake uke Haeu sohi namilolaha lehe laha tioi hawane kakaian.

Aposel 20:20

Amuto tioi nga tai puluhini teik na kakain tenen i pon hualiamuto. Nga hahanau amuto sale puase Jises leili kilan seilon ma ti ingi tel tel.

Jon Meng solian ti Jises tataiai Jon 3:20

Teka seilon ailei saun lialun laha watakai xewan ma laha sia ti xewan nake kumahe pahalaha seilon liai ningahi lialui woulaha.

Matiu 13:52

Ape i ukek, “*Teteka hanaui nauna ti Moses lato hong usi ma hanau nauna ti Haeu ti imat ma aope, lato masin tame tehu ing. I pon hapuasai waliko haun ma wasan he tesol tone auniai soxi.”

Aposel 18:25

Laha hanauen i sale aweisal ti Jises. I amuam hawane ti kaxiai sale puase Jises ma kakaian pate salan. Tuahe i tioi mewenae *baptais ti Jon ailele.

Rom Teik pasi Pol hani teka kahikahi Jises Krais ti Rom 2:20

Namilomuto pate i eliliel ka amuto pon nau hasawiai teka tap titioalaha ma hanaui teteka laha masin akaik kokol laha kum tioi Haeu nake amuto tioi hatapoen nauna ti Moses ti hina anesoin ma waliko salan.

Galasia 3:8

Pepai Haeu hoi kak kilamiwen ka Haeu namiloi ukek *teka kumahe Ju laha seilon sawisawin na namilolaha xoxoan tetan. Hoi liai ti imat Haeu kaxi peleiwen hani Abraham tenen meng solian ti i ukek, “Nga aile hasolia hakila hani seilon ti lawe xux na laha soh hawane tetak hanowi o.” (Gen 12:3)

Hibru 3:7

Aile ape kako hong matainiwa waliko ti *Holi Spirit kakaxi leili pepai Haeu. I ukek, “Aope ie Haeu kaakane amuto. Hong tamaniwa kakaian.

1 Korin 12:7

Waliko ti Holi Spirit hahapohea kako ailean, i aile lehe kako hatesol uke solian tetan.

Aposel 20:27

Nga tai pupuluhini lawe waliko ti Haeu pahan amuto tioiwa ma ailewa.

Jon Meng solian ti Jises tataiai Jon 10:35

Amuto tioi ka kakai Haeu lawe sawisawin ma tuah. Na Haeu ukek ka teka masiwi ti seilon tetan se haeu na laha teka ti hong usiai kakaian, alahan amuto ukek nga teheni hahalialu Haeu ti nga ukek nga tel Nati Haeu? Nga pakata xoxox kapi tel Tamak Haeu. Puki i kilami nga ailei pupuasan ape i taloma nga ailean.

Matiu 26:56

Tesol waliko ie i sohot hapoponowiai kakain ti *teka kuluiai kakai Haeu taiwen.” Lokon ien hatesol kahikahin kiliwau salili i.

Aposel 1:16

“Tesol akikik ti Krais, waliko ti kakai Haeu kaxiwen i sohot hapoponowi sale Judas, tetel i atima teka xotiai Jises. Ti kuewen wanen Holi Spirit hanamiloa tel masiwi *David ti kak kilamiai tesol waliko ien.

Matiu 21:42

Jises hone lato, “Ala amuto tioi teik kakain ie: “ ‘Tehu kuku teka ataiai ing hilisa, Haeu aile ape i sohot kuku tehu pamu tuah ti kuku liai. Haeu aile ape kako amuam hawane.’ (Ps 118:22-23)

Rom Teik pasi Pol hani teka kahikahi Jises Krais ti Rom 4:23

Tetenen ien kumahe mewenae hani Abraham.

Hibru 11:1

Na namilokako xoxoan wanen ti Haeu, kako tioi ka i hani kako waliko ti kako to monomon. Na masin ien, kako soh hawane ka waliko ti kako tai ningahi liai i sohot.

Rom Teik pasi Pol hani teka kahikahi Jises Krais ti Rom 3:2

Kilan solian tetan na tel seilon i nakuama ti teka Ju. Solian tenen ti pate tuah ie. Se kako teka Ju Haeu hanimu kakaian lehe kako usi ma kaxi sawateni.

Aposel 28:25

Ape lato kak he hapatapat alia puki lato. Imat ti lato nahih salili tesol ien, Pol kak ukek, “Pate salan wanen waliko ti *Holi Spirit kakanewen *Aisaia tel kuluiai kakai Haeu ti kaxi haniai tesol tamakako ti matahaun. I kak ukek,

Mak Meng solian ti Jises tataiai Mak 12:36

Puki *Holi Spirit hanamiloa David ape i kak ukek, “ ‘Haeu kakane tel Masiwi tetak, “Toma papak tepaun manau ti neiniai seilon atengi tataen nga hanawa teka laha pahoxai o hani hahitakam.” ’ (Ps 110:1)

Matiu 26:54

Tuahe na Haeu aile ukek ien, kakain ti kakai Haeu kaxiwen i kum sohot poponowi.”

Matiu 22:43

Jises kamei lato, “Na masin ien, alahan David axai i tel Masiwi tetan? Puki *Holi Spirit hanamiloa David kak kewak,