2 Timoti 3:15 - Seimat

¹⁵ Lilian ti o kokol o kema anesoin ti kakai Haeu leili pepaun. I pon kaxi haxewa haniam sale Haeu awai kaha ti kawatan ti lialui woukaha na namilokaha xoxoan ti Jises Krais.

2 Timoti 3:15 Referans Kwoze

Luk Meng solian ti Jises tataiai Luk 24:45

Ape Jises haxewa namilolato sale kakain ti leili pepai Haeu.

Luk Meng solian ti Jises tataiai Luk 24:27

Ape Jises nexi hani lalu ka waliko ti *Moses ma hatesol teka kuluiai kakai Haeu taiwen kakak alia i.

Matiu 22:29

Jises kak pahoi lato, “Namilomuto kumahe salan ka seilon maten kum moih alia nake amuto kum tioi kakai Haeu ma pohe Haeu.

2 Timoti 1:5

Nga nameni ka xoxoi namilom ti Jises Krais salan wanen masin ti tel tini tel tinam Lois ma tel tinam Unis. Ape nga soh hawane namilom tutuen masin ien.

Luk Meng solian ti Jises tataiai Luk 2:40

Ti ien Jises lap ape i kui. I uke anesoin ti sale aweisali Haeu ma Haeu aile kola soliaian hani i.

Rom Teik pasi Pol hani teka kahikahi Jises Krais ti Rom 16:26

Ape i pon hawane seilon tioi. *Teka kuluiai kakai Haeu laha tai kaxi kilamiwen sale Jises Krais ape Haeu tetel tap tahi tapoan, i talo kako teka unauan ti kaxi sawateniai meng solian ti Jises Krais hani lawe seilon ti tesol tesol lehe waxi laha soh tetan ma hong usi kakaian.

Rom Teik pasi Pol hani teka kahikahi Jises Krais ti Rom 1:2

Ti kuewen wanen *teka kuluiai kakai Haeu kak kilamiwen tenen meng ien he teik pepaun.

Aposel 10:43

Hatesol *teka kuluiai kakai Haeu lato tai kaxiwen ka Haeu oxoxi teka seilon ti kawatan ti saun lialun ti pohe Jises, na namilolaha xoxoan tetan.”

Luk Meng solian ti Jises tataiai Luk 24:32

Ape lalu kakak alia puki lalu ukek, “Ti kako he aweisal, tiakalu i amuam hawane ti i kakak kapi kalu ma nexi hahani kalu kakain ti he pepai Haeu.”

Aposel 17:2

Pol nahih hani tehu synagog hanowi ti lawe i to ailele. *Sabat toluhu i to kakak kapi teka Ju kakain ti he pepai Haeu.

Hahatakei Haeu 19:10

Ti nga hongoa, nga lokuha lakua hani itan lotuian tuahe i kakane nga, “Kum ailele ukek ien! Haeu tetel ala o lotui. Nga tuahe unaui Haeu masin o ma teka akikikalu ti *Krais, teteka laha tu xoxox usiai kakain salan tetan. Na seilon hong auni tenen kakain ien, lawe waliko ti laha kaxi ahuhuti se kakain salan i ahuma ti Haeu.”

Aposel 13:29

“Ape ti laha aile hatapoa waliko ti kakai Haeu kakawen, laha hamosu tupui Jises ti he teik *kros ape hana i hani he amal.

2 Pita 3:16

Waliko tin tetenen ien i kakak leili hatesol pasun ti i tai hani teka kahikahi Krais. Tuahe hina kakaian pate ailan ti seilon xeu. Teteka seilon anesoalaha i tae sale puase Haeu ma namilolaha tetan kumahe pate xoxoan, laha hulo towiahu kakai Pol hetekie kakain liai ti he pepai Haeu. Puki katekatealaha ukei kawatan tenen pate lialun.

Luk Meng solian ti Jises tataiai Luk 1:15

Amuto hatesol amuam nake Haeu namiloi ukek Jon i sohot tel seilon pate tuah. I kum un unum ailan. Tataen ti uli takahan, Haeu hani i *Holi Spirit ti kapitian.

Jon Meng solian ti Jises tataiai Jon 5:47

Tuahe amuto kum hong soh kakain ien. Ape lehe amuto hong soh ukek ia kakaiak?”

Aposel 16:1

Pol ma Sailas lua hani tehu taon Derbe ape imuh hani tehu taon Listra. Ti ien tel kahikahi *Jises axan Timoti. Tel tinan i tin tel *kahikahi Jises, i akiki teka *Ju. Tuahe tel taman i akiki teka *Grik.

Aposel 26:24

Ti Festus hongoa ien, i tilol tumei Pol, i ukek, “O taxitaxiawen! Anesoam lap kasia ape i aile hataxitaxia o!”

Rom Teik pasi Pol hani teka kahikahi Jises Krais ti Rom 2:27

Na masin teka tap teik kikilam ien laha aile usiusi nauna ti Haeu hani Moses, i kola ka sawisawin wanen na Haeu axi kawatan hani teka Ju laha xaputi tesol nauna ien kalak laha kewen teik kikilam ien ma nauna ti Haeu tataiai Moses toi laha.

1 Korin 1:21

Ti anesoi Haeu i namiloiwen ka teka seilon kum pon tioi hawanean ti puki anesoalaha. Aile ape Haeu noseni ka teka seilon oxoxa ti kawatan ti lialui woulaha na laha soh ti tenen meng solian ti Jises Krais amite kakaxi, tetenen teka laha kum soh ti Krais ukek tap pupuasan.

Epesus 6:4

Amuto teka tame akaik, kum aile hahalenge natumuto. Amuto ngahati aluiniwa ma hanaua laha lehe laha lap hetekiele saun ti Krais tel Masiwi.

1 Timoti 4:13

Imat ti nga tahia hani kapimuto, lawe ridaiwa pepai Haeu hani teka kahikahi Krais, hanaua laha aweisali Haeu ma kak hakuiwa laha puas usian.

2 Timoti 1:1

Nga Pol tel *aposel ti Jises Krais ti puki namili Haeu. Haeu kilami nga kaxi haniai teka seilon sale tonain kapin ti tap tahi tapoan. Tenen tonain ien, Haeu kakawen i hani teka laha sohot *kahikahi Jises Krais, teteka laha hong usi nauna tetan.