2 Korin 11:7 - Seimat

⁷ Nakon nga talesiwen la, ti nga kum uke kahuk ti kaxi ahutiai meng solian ti Krais hani amuto? Ti kolai lok hani amuto nga teheni aliake nga.

2 Korin 11:7 Referans Kwoze

2 Korin 12:13

Nga aile aluini hahani amuto masin ti nga aile haniwen teka kahikahi Krais liai. Tuahe nga kum sowini ukei huhual ti amuto ti ailei pupuasak nake hoi liai lato haponoen nga ma tin kumahe pahak nga hakawata amuto. Na amuto soh hawane ka tenen saun ien lialun, nga kamei amuto kum hahapeti lialui lomuto tetak he tiamuto.

1 Tesalonika 2:9

Tesol akikimite ti Krais, ala amuto nanameni ka amite puas eliel hahawane ti amite kapimuto. Amite puas ngain hetekie ipong ti auniamite lehe amite kum hakawata amuto taen ti amite kaxi ahuti meng solian ti Haeu hani amuto.

2 Korin 10:1

Hina seilon wasolamuto laha ukek ka nga pate masop ti nga kapimuto ape na nga kumahe ien nga tai hani amuto pas tenen ahian. Tuahe paxaiwa, nga kak hahamalehu kakaiak hani amuto tin hanowi ti na *Krais aile.

1 Korin 9:6

I pon amili kum puas ti ngahati aliake amili ti amili ailele puase Haeu.

2 Tesalonika 3:8

Kumahe pahamite amuto tua waxeni amite. Puki amite puas makeh ngain ma ipong lehe amite kum hakawata amuto.

Aposel 20:34

Amuto tioi ka nga hatano moni ti puki minak ma tin nga huhuali teka seilon kapik.

1 Korin 9:12

Na teka liai laha pon ukei huhual ti amuto, ala pamu i pon amite ukean. Tuahe amite tai kamei amuto ukei kahi puasamite. Kalak amite tunahi kawatan tenen tenen, amite puas tatale lehe amite kum tiehi aweisali teka seilon ti hong sohoi tenen *meng solian ti Jises Krais.

Aposel 20:33

“Tiliai kakaiak, nga liai kumahe pahak moni ma na maia ti amuto.

Rom Teik pasi Pol hani teka kahikahi Jises Krais ti Rom 1:1

Nga Pol tel unaui *Jises Krais. Haeu kilami nga aposel. I talaheni nga hani kaxi ahutiai *meng solian ti Jises Krais ti i ahuma tetan.

2 Korin 2:12

Ti nga lua haniwa tehu taon Troas kaxiai *meng solian ti Jises Krais, nga tunahi ka hoi liai Haeu apeseniwen aweisal ti tenen puasain ien.

2 Korin 10:16

Ape ti pupuasamite naxia lap ahewa, i pon amite kaxi sawateni aheke meng solian ti Jises Krais hani teka seilon laha tai hong. Amite kum puas tetesol ti teka liai puasawen ien nake lomite kum al amite sameni aliake amite ti waliko teka liai ailewen wasole seilon.