2 Korin 10:5 - Seimat

⁵ Ti aweisal tewau ien amite xoini hatapo teka laha pahoxai kakai Haeu. Ti seilon hanasanasake laha ma eliliel siainiai teka liai ti tioiai Haeu, amite kola hawane ka laha kumahe wanen salan. Tin amite waxaini itiniai namili seilon lehe laha usi aweisali Krais.

2 Korin 10:5 Referans Kwoze

Hibru 4:12

Kakai Haeu hina poh ma pupuasan. I akulai puase ngol tenen hahupaun pate angian i koti hawalohu uke tupui manixux ma kelai hetekie tataen wekin ma kuin. Tin masin kakai Haeu i soh taponga hawane hani leili namilokaha ti kola hatakeiai isiai pahakaha ma woukaha.

Rom Teik pasi Pol hani teka kahikahi Jises Krais ti Rom 7:23

Tuahe lialun ti leilokaha i hilei namil solian ti kaha ape i tipahi kongini kaha hahitake nenein ti lialui isiaiakaha ti i pupuas leilokaha.

Matiu 15:19

Waliko lialun ti i ahutama leilomuto se tetesol: namil lialun, na ulini ape telei seilon, xuinai axoi seilon liai, saun lialun ti wawan hehin, xuxuina, puputa ma kak halialui seilon liai.

Rom Teik pasi Pol hani teka kahikahi Jises Krais ti Rom 1:21

Ape kalak teteka laha kum nam waxi Haeu hina titioalaha tetan, laha kum sameni i ma kum kak kemulik ti lawe waliko i aile. Teka seilon ien tap solian ti namilolaha ape ti takalahui patulaha laha kum paxai tioi waliko tenen lialun ma solian.

1 Korin 3:19

Hani lioiwa laha aile ukek ien nake waliko ti laha sokok i ahuma ti anesoin wanen, Haeu ukek tap pupuasan. Masin ti leili pepaun i ukek, “Teteka laha sokok laha pate aneso, Haeu uke anesoalaha suhai aliakealaha.” (Job 5:13)

1 Korin 1:19

Masin ti leili pepai Haeu i ukek, “Nga teheni hawane namili teka laha sokok laha seilon aneso. Nga titi nanahiai teka laha sokok namilolaha xewan tapein.” (Isa 29:14)

Hibru 5:9

Aile ape Haeu paxai ukek i tel seilon sawisawin tapein ape i sohot tel awaiai tetesol seilon ti kawatan ti lialui woulaha ti laha hong tamani nauna tetan. Ape laha to kapi Haeu lian tehue.

1 Pita 1:22

Amuto ape haun ti lialui woumuto nake amuto hong usiusi kakain salan ti Haeu ma amuto hina wanen wawahen hani teka akikimuto ti Krais. Aile ape he wawahenawa ti leili atemuto.

2 Tesalonika 2:8

Tataen ien tel seilon pate lialun wanen i sohot kouke. Ape taen ti tel Masiwi Jises aliama, i telei tel seilon ien ti tuahe kui pohe kakaian ma xewaian.

Luk Meng solian ti Jises tataiai Luk 1:51

Ti pohen i aile kilan waliko lalap ape i usi xaxaweni teka seilon ti hanasanas.

2 Tesalonika 2:4

I hil pahoxai lawe waliko ti teka seilon paxai tioi se Haeu ma hatesol waliko ti laha lolotui ape i ukek i pamu tuah ti laha hatesol. Tin i soh to hani *Ingi Haeu ape i ukek i se Haeu.

2 Korin 9:13

Tenen soliai huhual ti amuto i kola ka amuto se salan unaui Haeu. Ape teka seilon haxawa axe Haeu nake amuto hong usiusi *meng solian ti Jises Krais hetekie ongawiamuto hani lato ma seilon liai.

Rom Teik pasi Pol hani teka kahikahi Jises Krais ti Rom 16:26

Ape i pon hawane seilon tioi. *Teka kuluiai kakai Haeu laha tai kaxi kilamiwen sale Jises Krais ape Haeu tetel tap tahi tapoan, i talo kako teka unauan ti kaxi sawateniai meng solian ti Jises Krais hani lawe seilon ti tesol tesol lehe waxi laha soh tetan ma hong usi kakaian.

Rom Teik pasi Pol hani teka kahikahi Jises Krais ti Rom 1:5

Ti lalape soliaian i kilami nga *aposel nake pahan kilan seilon haxawai axan. Haeu talo nga hani *teka kumahe Ju lehe laha hong soh meng solian ti Jises Krais ma usi nauna tetan.

1 Pita 1:2

Ti imat wanen hoi tel Tamakako Haeu namiloiwen ka i kilami amuto seilon tetan. *Holi Spirit aile, ape amuto hani hatapo Haeu tupuamuto. Aile ape Jises Krais nuhi hauni amuto ti lialui woumuto nake i mat hualiamuto. Ape amuto pon usiai kakaian. Nga kamei Haeu aile kola hawanei lalape soliaian hani amuto hetekie hatona hasoliai tiamuto.

2 Korin 11:20

Salan tetan amuto hongeni laha ti toheni ahuahu amuto. Tin amuto sowini na laha aile ka laha kahih ti amuto, na laha pisi amuto, na laha haxawa axalaha ti teheniamuto ma na laha aile isisihi kinawemuto.

Pilipai 4:7

Na amuto aile ukek ien, Haeu hatona hasolia tiamuto. Ien se tuah wanen, soliaian seilon kum pon namiloi usian. Na masin kawatan tunahi amuto, i hakui namilomuto ma tiamuto nake amuto seilon ti Jises Krais.