2 Korin 10:1 - Seimat

¹ Hina seilon wasolamuto laha ukek ka nga pate masop ti nga kapimuto ape na nga kumahe ien nga tai hani amuto pas tenen ahian. Tuahe paxaiwa, nga kak hahamalehu kakaiak hani amuto tin hanowi ti na *Krais aile.

2 Korin 10:1 Referans Kwoze

2 Korin 10:10

Nga kak ukek nake hina seilon laha ukek ka kakaiak leili pasuk pate ahian ma kuin wanen ti lungeiai seilon, tuahe ti na nga kapi laha nga masin seilon tenen tap ailelean ma kakaiak laha nam teheni.

Matiu 11:29

Amuto puas elieliwa tetak ape hong usiwa kakaiak nake nga teheni hawane nga hani ailei puase Haeu. Na amuto aile ukek ien namilomuto heh.

Galasia 5:2

Amuto hongoa. Nga Pol kakane amuto, na amuto sowini hani laha aile haniamuto *teik kikilam ti kotiai uli walikoumuto usiai saun ti teka *Ju, kaien puase Krais hani amuto i tua xoina.

Rom Teik pasi Pol hani teka kahikahi Jises Krais ti Rom 12:1

Tesol akikik ti *Krais, namiloi paxaiwa *lalape soliai Haeu ti i haniwen amuto. Aile ape nga kamei hawane amuto ti hani hatapoi Haeu tupuamuto. Ti leili atemuto wanen hani hatapoa amuto ailei puase Haeu. Amuto se moihin, kumahe masin manihuh tenen maten laha telei ti haniai Haeu. Na masin ien, nanahiamuto kola hawanewa ka amuto se unaui Haeu wanen. Saun tenen ien Haeu amuke hawane.

2 Korin 11:30

Na laha aile kungati nga ti sameniak, pamu nga amuke non kaxi kolai waliko ti nga tae.

1 Korin 2:3

Tinuk i uke he tap kuin, i akiaki ma xexex ti nga kakak kapimuto.

Hahatakei Haeu 1:9

Nga Jon tel akikimuto ti *Krais, nga tel tuaumuto ti ailei puase Haeu hahitake nenein tetan. Tin masin amuto, nga kau lungei tatale kawatan nake nga kahikahi Jises Krais. Laha hakau xaxaweni nga hani texux xux kokol axan Patmos nake nga kaxi ahuti kakai Haeu ma lawe waliko tenen salan ti puase Jises.

1 Pita 2:11

Teka soliai akikik ti *Krais, nameniwa ka tehu pon itan ie kumahe xuxumuto wanen. Aile ape amuto tahiwa isiamuto ti ailei saun lialun nake i pahoxai amuto ti ailei saun solian.

Pilemon 1:9

Tuahe pahak nga kamei eliel o nake ti soliai lohuloh ti kalu ma wawahen ti kalu hani seilon liai. Hongoa kamekame tetak nga Pol, tel salaimat. Aope ie nga leili kalabus nake ti ailei puase Jises Krais.

2 Tesalonika 3:17

Nga Pol tatai ti puki minak wanen, amuam tetak haniwa amuto. Meinak ti taiai pas se masin ie.

Epesus 4:1

Nga, tetel nga kalabusake ailei puase Krais, nga kakane hawane amuto, puas usi hawanewa saun ti Haeu pahan nake i kilamiwen amuto seilon tetan.

Galasia 4:13

Amuto nameni ka nga tinun ti uli nga kaxi ahutiwa *meng solian ti Jises Krais hani amuto.

2 Korin 12:5

Waliko tenen ien ala i pon ti kaxi sameni tuahe nga watakai ailean. Nga kaxi kola non waliko ti nga tae.

2 Korin 11:21

Tuahe amite tesol aposel, tap wanen amite nanamiloi ti aile hani amuto ukek ien. Nakon lehe nga hienake? Aile ape nga tin nga pon kak matut sale waliko ti teka pulutiamuto kak hanasanasake, kalak uke i hakouke nga hanowi ka seilon tenen i tua kak lalolal.

2 Korin 10:7

Amuto paxai aka mataini hawanemua imat ti amuto aile tenen na namil. Hina seilon laha kak matut ka laha se unaui Krais a amite tesol aposel kumahe. Amuto paxai tioiwa ka amite se unaui Krais wanen tin masin lato.

2 Korin 10:2

Nga kamei eliel amuto, kum hong wawaxi kakaialaha lehe na nga tahia haniwa kapimuto nga kum kak hahia hani amuto hanowi ti na nga tumei teteka laha ukek ka amite tesol *aposel nanahiamite tuahe masin teka laha kum soh ti Haeu.

2 Korin 7:4

Aile ape nga kak matut uke kapimuto. Nga amuke hahawane amuto. Amuto hakuiwen nga ape kalak taun lialun tutunahi amite, nga mewenae xuhai amuam.

2 Korin 6:1

Amite teka tuaiai Haeu ailei puasan, amite kamei eliliel na amuto kum tale tehitomuto hani *lalape soliai Haeu ti i aile haniwen kako.

2 Korin 5:20

Amite teka tukei awe Jises Krais. Ti amite kamei eliel seilon ti towiahu haniai Haeu, se hanowi ka puki Haeu ailele. Aile ape amite kamei eliliel amuto ti hana hatapoi namilomuto hani Jises Krais lehe wasolamuto kapi Haeu i xox hawane.

2 Korin 3:12

Nake ti soliai tenen namil haun ien, amite puas matuke hahawane.

1 Korin 4:10

Tanoman namilomuto onoteni namili teka seilon laha ukek tap namilomite nake amite hani hatapo Jises Krais tupuamite. Tuahe amuto sokok amuto seilon aneso ti usiai Krais. Hina seilon laha namiloi talesi ka amite tap pohe Haeu. Amuto sokok ka amuto seilon pate pohen. Namilomuto ukek seilon sameniwa amuto ape ewi na laha teheni halialu amite.

Rom Teik pasi Pol hani teka kahikahi Jises Krais ti Rom 15:15

Kalak masin ien, leili teik pas ie kakaiak pala ahian sale waliko hina ti hanamenaiamuto.

Rom Teik pasi Pol hani teka kahikahi Jises Krais ti Rom 10:20

Nameni aliakewa kakai Haeu ti Aisaia kak mamatuke. I ukek, “Teteka tap namilolaha ti tioiak laha paxai tioi nga. Nga kola haxewa nga hani teteka tap laha kamekam sale tioiak.” (Isa 65:1)

Aposel 8:32

Teik kakai Haeu tel seilon riridai, i ukek, “I masin tok *sipsip laha hakahita hani teka teleian. I masin tok nati sipsip i to hamalum na laha koti ole tinun. I kum kak na tenen.

Matiu 21:5

“Honewa teka seilon ti Jerusalem, ‘Paxaiwa, tel Masiwi ti amuto i luluainima kumahe masin seilon ti hile, i toto patul he tok donki, tok donki uluha.’ ” (Zech 9:9)

1 Korin 4:21

Pahamuto tenen ia nga aile hani amuto ti na nga tahiawa? Na masin amuto kum towiahu ti lialui saun tenen ti amuto ailele, nga kahiloloi hawane amuto. Tuahe na amuto towiahu, nga kak hamalehu hani amuto ma aile kola lalape wawahen tetak hani amuto.

Epesus 3:1

Nga Pol kalabusake kaxiai *meng solian ti Jises Krais hani amuto teka kumahe Ju.

Pilipai 4:5

Aile aluiniwa lawe seilon. Nameniwa ka Jises tel Masiwi i lawe xohixohin kapimuto.

Kolosi 1:23

I sohot ukek ien na amuto soh tatale ti Jises Krais. Aile ape tu xox hawanewa, kum hahani laha hakapaxea amuto waliko ti amuto to monomon atengian nake Haeu kakawen leili meng solian ti Jises ka i hani amuto. Tenen meng ien hoi amuto hongoen ape i sawat hahani lawe xux. A nga Pol Haeu kilami ti kaxi ahutian.

Pilemon 1:19

Ie puki minak wanen nga Pol tatai ka nga hasawi hani o. Tuahe kum mamaluhe ka ti huhual tetak o sohot kahikahi Krais.