2 Korin 1:11 - Seimat

¹¹ Tuahe tin pahak amuto lotu hualima amite. Na Haeu hongeni lotu ti amuto ape ti lalape soliaian i to awawai amite, kilan seilon laha kak kemulik hani i.

2 Korin 1:11 Referans Kwoze

Pilipai 1:19

Nga tioi ka Haeu awai nga ti waliko lialun nake amuto lotu huhuali nga ma Spirit ti Jises Krais lawe i hahakui nga.

2 Korin 4:15

Hatesol waliko ien se ti solian ti amuto. Ti *lalape soliai Haeu i to itini hahakila seilon hani hahitake Jises Krais ape kilan seilon kak kemulik lalap wanen hani Haeu. Saun tenen ien i haxawa hawane axan.

Aposel 12:5

Tuahe ti Pita leili kalabus, teka *kahikahi Jises lato lotu kamei eliliel Haeu hualian.

Kolosi 4:3

Ape tin lotu hualima amite lehe Haeu neini hani amite aweisal ti kaxi ahutiai puase *Krais hani teka seilon. Ti imat Haeu tai haxewa hatapo hani laha. Ape nga kakalabusake ti kaxi ahutiai tenen meng ien.

Hibru 13:18

Lotu hualima amite teka kaxi ahutiai meng solian ti Jises. Namilomite i eliel hahawane ka Haeu kum paxai watakai amite. Amite is hawane ti puas leili atemite lehe waxi nanahiamite lawe i hamuamua Haeu.

Pilemon 1:22

Tin nga kamei hetekie o ti apeseni hanima nga tesol ti na nga to nake namilok i eliel hahawane ka Haeu i hong kamekame ti amuto teka kahikahi Krais ma nga sohot paxai ulea amuto.

2 Tesalonika 3:1

Tesol akikimite ti *Jises Krais, tapeini kakaiamite ie. Lotu hualima amite lehe amite kaxi sawateni aheke *meng solian ti Jises Krais ma waxi teka seilon hong usi tenen kakain ien hanowi ti amuto.

1 Tesalonika 5:25

Tesol akikimite ti Krais, tin amuto lotu hualima amite.

2 Korin 9:14

Ape ti lalape wawahen, lato lotu huali amuto nake huhual ti amuto i kola hawane *lalape soliai Haeu.