1 Timoti 6:15 - Seimat

¹⁵ I po aliama taun ti Haeu kilamiwen. Haeu se pate tuah ma sawisawin. Telawe i neini hahatapo lawe waliko. I Masiwi tapein ti lawe masiwi.

1 Timoti 6:15 Referans Kwoze

Hahatakei Haeu 19:16

He tehu puxuaun ma he kasope aen tenen taian ukek: Tel Masiwi ti lawe masiwi. Tel Masiwi tapein neiniai lawe masiwi.

Hahatakei Haeu 17:14

Lato hil pahoi tok *sipsip uluha tuahe tok sipsip hetekie teka seilon tetan, teteka unauan wanen ti i kilamiwen, lato waxaini tetesol masiwi ien ma tok manihuh tumun kalimen. Lato waxaini tehu hile nake tok sipsip uluha i se Masiwi ti lawe masiwi, i Masiwi tapein ti neiniai lawe masiwi.”

1 Timoti 1:17

Aile ape kako haxawawa ma amukewa Haeu lian tehue. I tel Masiwi tapein, nenein tetan tap tahi tapoan. I tap tahi matean. Tap tel ningahi uke i. Telawe i Haeu. *Salan wanen.

1 Timoti 1:11

Tenen kakain salan ien kako tunahi leili tenen meng pate solian ti Jises. Haeu tel pate tuah hani nga kaxi ahutian.

1 Timoti 2:6

Puki alia i kahui lialui woukaha hatesol. Jises Krais mat ti ukei totone lawe seilon. Tenen meng ien Haeu hani amite kaxi ahuti aope ie.

Matiu 6:13

O kum hahani amite totohong ailan lehe amite kum aile saun lialun. Ape awaiwa amite ti *Satan ma teka *spirit lialun tetan.’