1 Pita 2:24 - Seimat

²⁴ Puki Jises Krais hani tupuan lehe i mat he *kros ti kaui kawatan ti lialui woukaha. I aile ukek lehe kaha lioi xaxaweni saun tenen lialun ma kaha hana namilokaha ti ailei waliko tenen sawisawin. Nameniwa, Haeu haewiawen amuto nake Jises Krais uke totonamuto ti kaui kawatan.

1 Pita 2:24 Referans Kwoze

Matiu 8:17

Waliko ien i haponowi hawane waliko ti *Aisaia tel kuluiai kakai Haeu kak kilamiwen, “I xaxaweni nax tenen tenen ti kaha.” (Isa 53:4)

Rom Teik pasi Pol hani teka kahikahi Jises Krais ti Rom 6:11

Aile ape amuto namiloi kewak, amuto masin seilon maten i kum pon hongeniai totohong ti ailei saun lialun. Pakataiamuto kapi Jises Krais, i kola hawanewa ka nanahiamuto i hahaxawa Haeu.

Hahatakei Haeu 22:2

I kikiliwau patalal ti tewau aweisal lalap ti tehu taon ti Haeu. Pape tehu kan hahupaun hina pata tenen i waxeni haweluwelu totone seilon. Lawe i hua tapai pangapang tehu tehu, a kaun haewia seilon hanowi ti marasin.

1 Jon 2:29

Amuto tioi ka Jises Krais sawisawin tapein. Aile ape na tel seilon woun pate sawisawin, i se nati Haeu.

Jeims 5:16

Aile ape na amuto aile saun lialun ma talesi wasolamuto, amuto kak hasawi hetekiewa tatahan he tiamuto. Ape amuto lotu he huhualawa. Na amuto aile ukek ien, Haeu haewia leilomuto hetekie tupuamuto. Haeu hong teka laha aile usi saun tenen pahan na laha lotu kamei i huhual.

Hibru 9:28

Tin masin Jises Krais matean tehue. I mat ti ukei totone seilon ti kaui kawatan ti lialui woulaha. Ti aliaian i kum mat ulea ti kahuiai saun lialun ti kaha. Tataen ien teteka seilon laha mon atetengi i, laha uke lawe waliko solian ti Haeu ape laha to kapin lian tehue.

Galasia 3:13

Jises Krais oxoxi kako ti lengei Haeu. I uke totonakako ape puki i kau kawatan ien. Masin ti pepai Haeu kakawen, “Tel na laha tahi hakea telei hani he pata, i hahitake lengei Haeu.” (Deut 21:23)

Rom Teik pasi Pol hani teka kahikahi Jises Krais ti Rom 6:2

Tap wanen. Kako kongini uke isiai pahakako ti ailei saun lialun. Kako masin tel seilon maten, i kum pon hongeniai totohong.

Kolosi 3:3

Amuto aile kewak ien nake lialui woumuto ti amuto to ailele imat ape i tapoen. Aope amuto puas pakata hehetekie kapi Krais. Ape teteka seilon laha kum soh ti Haeu, laha kum xeu tenen saun haun ti amuto.

Rom Teik pasi Pol hani teka kahikahi Jises Krais ti Rom 6:13

Kum hani lilioi tuahe tesol ti tupuamuto i alali ailei saun lialun. Imat amuto xauxaun wanen ti Haeu. Tuahe aope ie amuto seilon haun. Aile ape hani hatapoa Haeu tupuamuto. Tesol tesol ti tupuamuto hapuasa usiwa namili Haeu ti ailei saun solian.

Jon Meng solian ti Jises tataiai Jon 1:29

Ngain liai telao Jon ningahi Jises nahih hahanima kapin ape i ukek, “Ie se tetel Haeu taloma lehe i mat hanowi sipsip uluha ti laha telei hani Haeu. I aile ape Haeu oxoxi seilon ti kawatan ti lialui woulaha.

Rom Teik pasi Pol hani teka kahikahi Jises Krais ti Rom 7:6

Tuahe aope ie kako selaiawen ti lialui nanahiakako ti imat hani hahitake *Jises Krais. Aile ape kako tahawen ti hahitake nauna ti Moses lehe *Holi Spirit tetel ape kapitiakako ti ailei puase Haeu, kumahe tuahe usiai teik teik ti nauna masin ti imat.

1 Jon 3:7

Teka soliai akikik ti Krais, kum hahani tel na seilon hanau puluti amuto. Haeu namiloi ukek ka mewenae teteka laha aile saun solian hanowi Jises Krais laha se seilon sawisawin.

Rom Teik pasi Pol hani teka kahikahi Jises Krais ti Rom 6:7

Kako ape kumahe hahitake saun lialun, masin seilon maten i taha hawanewen ti saun lialun.

Rom Teik pasi Pol hani teka kahikahi Jises Krais ti Rom 6:16

Nakon amuto kum tioi ka amuto sohot unaui tel ti na amuto hong usi? Na amuto usi lialui isiaiamuto, amuto se hahitake saun lialun ti i neini amuto hani aweisali matemate. Tuahe na lawe amuto hong tamani Haeu, i amuke hawane nanahiamuto.

2 Korin 6:17

Ti tesol liai leili pepai Haeu tel Masiwi i kakane teka seilon tetan ukek, “Ahutawa leili teka weli ailei saun lialun. Selaia kapitawa ti laha. Kum nanakaxua kapi laha lehe nga amuke amuto.” (Isa 52:11)

Aposel 5:30

Tel Tamakako Haeu xahateni aliakewen Jises ti matean, tetel amuto tahi hakea hani he *kros ape i mat.

Luk Meng solian ti Jises tataiai Luk 4:18

“Spirit ti Haeu tel Masiwi i kapik nake i kilamiwen nga kaxi ahutiai *meng solian ti Haeu hani teka laha tae ti usiai aweisali Haeu. I taloma nga hetekie kakain ka nga ahutiai teka kalabus ma oxoxiai seilon ti kawatan ti lialui woulaha. Nga haewia teka pulaxa ma haxewa seilon ti sale aweisali Haeu. Nga awai seilon ti teka liai aile halialu laha.

Matiu 5:20

Nga kakane hawane amuto, Haeu hani amuto tonain tuah kapin mewenae na usiai Haeu ti amuto i xoini teka *Parisi ma *teka hanaui nauna ti Moses.

Hibru 12:13

Aile hasawiwa nanahiamuto lehe teka namilolaha kumahe xoxoan ti Haeu, pupuasakako i hakui aliake laha. Ape namilolaha i kum put hanowi seilon tenen waxosi putaian pate malimun.

Aposel 13:29

“Ape ti laha aile hatapoa waliko ti kakai Haeu kakawen, laha hamosu tupui Jises ti he teik *kros ape hana i hani he amal.

Aposel 10:35

Haeu amuke teteka seilon ti lawe xux laha lolotui i ma aile saun tenen i pahan.

Hibru 7:26

Jises tapai hawane ailei puasain ti hukuminiakaha hani Haeu nake i tel sawisawin tapein. Woun solian tapein, i selaia ti ailei hatesol saun lialun ape i hana hatapo tupuan ti ailei pupuase Haeu. Aile ape Haeu hani i tonain pate tuah tapein ti tesol tonan.

Kolosi 2:20

Kako masin ka kako mat ohoiwen Krais. I mat oxoxiwen kako ti hahitake nauna tenen seilon ti tehu pon ie tua aile tanomi.

Rom Teik pasi Pol hani teka kahikahi Jises Krais ti Rom 6:22

Tuahe amuto taha hawanewen ti saun lialun ape amuto sohot unaui Haeu. Ani tenen ien, Haeu huali amuto lehe amuto hani hatapo i tupuamuto ma amuto uke tonain kapin ti tap tahi tapoan.

Aposel 10:39

“Amite tesol *aposel, amite kaxi ahuti lawe waliko ti amite ningahi i aile leili xuxumite teka Ju hetekie Jerusalem. Ape imuh laha tahi hakea i he *kros ape i mat.

Matiu 27:26

Ape salan, Pailat ahuti hani laha Barabas ape i hone teka unauan hetiai Jises. Imuh i hani laha tahi hakeai Jises he kros.

Epesus 5:9

Nga kak ukek nake seilon ti he xewan laha aile waliko tenen mewenae solian, sawisawin ma salan.

Jon Meng solian ti Jises tataiai Jon 19:1

Muhin ien Pailat hani teka unauan ti hile heti Jises.

Pilipai 1:11

Ape hetekie huhual ti Jises Krais amuto pon hasohotui kilan saun solian ti hasoliai axe Haeu ma samenian.

Mak Meng solian ti Jises tataiai Mak 15:15

Pailat pahan i hamuamua teka seilon. Aile ape i ahuti Barabas. I hani tesol unauan ti hile heti Jises ape hakahita lehe waxi lato tahi hakea i hani he kros.

1 Korin 15:3

Ala amuto nanameni, nga hakouta haniwen amuto waliko ti nga hongoen ti Jises tel Masiwi. Pate tuah tapein ti lawe waliko se tetenen. Jises Krais mat ti ukei kawatan ti lialui woukaha masin ti pepai Haeu kakaxi.

Kolosi 2:14

Ien masin ka Haeu susuni xaxaweniwen saun lialun ti kako ti laha tai kokongini suluiakako. I sohot lokon ti matei Jises Krais. Ti laha tahi hakea Krais he *kros masin ka Haeu tahi hakea hetekiewen lialui woukako.

Hibru 10:5

Aile ape imat ti *Krais lua hanima tehu pon ie, i kakane tel Taman Haeu ukek, “Waliko ti laha to aile hahani o, i kum hewi tiam. Aile ape o aile hasohotu tupuak lehe nga hani hatapo o.

Hibru 10:10

Ie se waliko ti namili Haeu. Jises Krais nuhi hauni leilokako ti i mat ukei kawatan ti lialui woukako. Matean tehue wanen ti kaui kawatan ien. I tua ponoa tehu matean ien.