1 Korin 13:6 - Seimat

⁶ Tel na i hina wawahen leili aten, i kum amuke saun lialun, i amuke saun tenen i usi hahawane nauna ti Haeu.

1 Korin 13:6 Referans Kwoze

Rom Teik pasi Pol hani teka kahikahi Jises Krais ti Rom 12:9

Wawahen hawanewa ti leili atemuto. Watakaiwa hatesol waliko lialun. Haelieliwa ti waliko tenen solian.

2 Jon 1:4

Nga amuam hawane ti nga upia tunahi ka teka natum aile usiusi kakain salan masin ti tel Tamakako Haeu nauen kako.

Rom Teik pasi Pol hani teka kahikahi Jises Krais ti Rom 1:32

Kalak laha tioi ka ti sawisawiai Haeu i namiloi ukek ka teteka laha aile tenen saun lialun ien, kahulaha mewenae matemate, laha aile tatale tesol waliko ien kasinan ti ape laha hongeni hetekie teteka laha ailele saun tenen lialun ien.

2 Tesalonika 2:12

Aile ape teteka laha kum soh waliko tenen salan ti Jises Krais ape laha amuke ailei saun lialun, Haeu tieni laha ma axi laha kawatan.

Pilipai 3:18

Tuahe kilan teka woulaha kola ka laha watakai meng ti matei Jises Krais he *kros. Nga kaxi hakila haniwen amuto tenen ien ti imat ape nga kaxi ulei hani amuto hetekie lalape tatahan tetak.

Pilipai 1:18

Tuahe nga kum namiloi waxi tesol waliko ien. I kum kongini uke kaxiai meng solian ti Krais. Nga amuam ti laha kaxi ahuhuti puase Krais na laha ailele ti soliai namilolaha ma na kumahe. Salan wanen nga amuam tatale.

Pilipai 1:4

Lawe lotu tetak ti hualiamuto hatesol, nga lotu hehetekie amuam nake huhual ti amuto hahani nga ti kaxi ahutiai *meng solian ti Jises Krais se lilian ti amuto hong sohoa tenen meng ien hanima taen aope ie.

Luk Meng solian ti Jises tataiai Luk 22:5

Teka masiwi amuam hawane ti teik namil ien ape lato kakane Judas ka lato kahui i.

Matiu 18:13

Na masin i tunahiwa, nga kakane hawane amuto, i amuke hawane i akulai amukei tesol 99 lato tai mitaxia.