1 Korin 12:3 - Seimat

³ Aile ape nga kakane hawane amuto, mewenae teka ti Holi Spirit kakapiti, laha ukek *Jises i Masiwi. Tap tel ti laha po kak sai halialu i.

1 Korin 12:3 Referans Kwoze

2 Korin 3:5

Kumahe ti puki kuimite amite pon ailei puase Haeu. Kumahe amite ukek ka waliko ti amite ailele se puki hahasohotuamite. Haeu tel hahakui amite ti ailei puasan.

Rom Teik pasi Pol hani teka kahikahi Jises Krais ti Rom 10:9

Aile ape tel na i kak matuha ka Jises se tel Masiwi tapein ma i soh hawane ka Haeu xahateniwen i ti matean, Haeu awai i ti kawatan ti lialui woun.

Jon Meng solian ti Jises tataiai Jon 13:13

Lawe na amuto kakane nga, amuto ukek tel Masiwi ma na tel hanauamite. A salan nake nga Masiwi ma tel hanaui seilon.

1 Korin 8:6

Tuahe kako teka kahikahi Krais kako soh ti Haeu telawe, tel Tamakaha. Lawe waliko i ahuma tetan. I tetel kako hani hahatapo i tupuakako ma lolotui. Masiwi ti kako tin telawe, *Jises Krais. Nake ti i, Haeu tanomi lawe waliko. Haeu taloma i lehe waxi kako uke tonain solian kapin.

Jon Meng solian ti Jises tataiai Jon 15:26

“Taen ti *Holi Spirit tel hakuiamuto tahiama, tetel i ahuma ti Haeu ma i kak hatakei lawe waliko salan sale Haeu, i kaxi haxewa nga hani amuto.

Matiu 22:43

Jises kamei lato, “Na masin ien, alahan David axai i tel Masiwi tetan? Puki *Holi Spirit hanamiloa David kak kewak,

Mak Meng solian ti Jises tataiai Mak 9:39

Jises hone tesol kahikahin ukek, “Kum hahalini i. Na tel seilon aile hasohotu waliko tenen lalap hahitake axak, i kum pon kak halialuak.

1 Korin 16:22

Tel na i tap wawahen hani Jises Krais tel Masiwi, lialuin lalap tunahiwa i ti lengei Haeu. Jises tel Masiwi, kum kukueini aliaiam.

2 Korin 11:4

Nga kak ukek nake hina ti amuto hong amuke teka laha kakaxi kakain liai tenen sale Jises ti amite kaxiwen. Laha kakane amuto ukei spirit ti kapitiamuto tuahe i kumahe tenenawe masin tenen amuto kewen ti ape amuto sohoa ti Jises Krais. Laha ukek laha kaxi ahuti hahani amuto *meng solian, tuahe pate i sel ti tenen meng solian ti Jises Krais ti amuto hong waheniwen.

Rom Teik pasi Pol hani teka kahikahi Jises Krais ti Rom 9:3

Nga tahane hawane teka *Israel. Laha se teka akikik Ju. Na ala i tapai laha soh ti *Jises Krais, nga kum nomuha na Haeu kak sai nga ape nga selaia ti *Krais.

Hahatakei Haeu 1:10

Tehu ngain ti kako teka kahikahi Krais nameni xahatai Jises, Holi Spirit hanamiloa nga ape nga hong lalape kinax tenen masin tangiai suhusuh i wixima sai tehitok.

Galasia 3:13

Jises Krais oxoxi kako ti lengei Haeu. I uke totonakako ape puki i kau kawatan ien. Masin ti pepai Haeu kakawen, “Tel na laha tahi hakea telei hani he pata, i hahitake lengei Haeu.” (Deut 21:23)

Jon Meng solian ti Jises tataiai Jon 13:14

Kalak nga Masiwi ma hanaui seilon, nga nuhi aemuto. Aile ape amuto tin he nuhinuhawa aemuto.

Aposel 8:37

Pilip ukek, “Na namilom xoxoan ti Jises Krais, nga baptaisi o.” Ape tel seilon ukek, “Nga soh ka Jises Krais i tel Nati Haeu.”