1 Korin 10:18 - Seimat

¹⁸ Namiloi paxaiwa teka *Israel. Laha kau manihuh hani *Ingi Haeu lehe laha telei. Laha hani Haeu ape laha ani aliake. I kola ka laha pakata hehetekie kapi Haeu ma puki alia laha.

1 Korin 10:18 Referans Kwoze

Galasia 6:16

Teteka laha aile ukek ien, Haeu tahane ma huali laha ape i hatona hasolia tialaha. Teteka seilon ien laha salan seilon tetan wanen.

1 Korin 9:13

Ala amuto tioi ka teka laha pupuas leili *Ingi Haeu laha ang an ti teka seilon kau haniwa ien. Amuto tioi ka teka *masiwi ti hukuminiai Haeu ma seilon lato ani hina an ti teka seilon kau haniwa Ingi Haeu lehe teka masiwi ien hana hani he *tone waliko ti haniai Haeu.

Rom Teik pasi Pol hani teka kahikahi Jises Krais ti Rom 4:12

Tin masin Abraham se tamakako teka Ju, kumahe mewenae teteka kako hina kikilam ti uli walikoukako tuahe hetekie nanahiakako i ukene xoxoi namili Abraham ti Haeu, imat ti i uke tenen kikilam ien.

Rom Teik pasi Pol hani teka kahikahi Jises Krais ti Rom 4:1

Namiloi paxaiwa Abraham tel tamakako teka *Ju ti matahaun. Ti lahe aweisal wasolan hani kapi Haeu i sawi?

Rom Teik pasi Pol hani teka kahikahi Jises Krais ti Rom 1:3

Tenen meng solian ien i kakak tel Nati Haeu. Ti i sohot seilon hanowi kaha, i nakuama ti tel masiwi *David.

Hibru 13:10

Kako nameniwa soliai tehu matei Jises Krais ti oxoxiakako ti kawatan ti lialui woukako. Teka laha usi kakapitini saun tenen ti laha lelei manihuh hani Haeu nake laha sokok i hasawi laha hani kapin, laha kum pon ukei solian ti matei Krais.