1 Jon 5:7 - Seimat

⁷ Aile ape tolunen waliko i kola ka Jises se tel Nati Haeu.

1 Jon 5:7 Referans Kwoze

Matiu 28:19

Aile ape nahih haniwa lawe xux ape aile hasohotua teka seilon kahikahik. Baptaisiwa laha hahitake axe tel Tamak Haeu, nga tel Natun ma *Holi Spirit.

2 Korin 13:14

Wawahen ti Haeu ma lalape soliai Jises Krais tel Masiwi kapimuto hatesol. Nga lotu kakamea lehe *Holi Spirit huali amuto ti pakata hani kapin ma puki alia tel tel ti amuto.

Aposel 5:32

Amite teka kahikahi Jises ningahi hawanewen waliko ien ape amite kakaxi. Holi Spirit tin i hahaxoxo kakaiamite, tetel Haeu hani teteka seilon laha hong usi kakaian.”

Jon Meng solian ti Jises tataiai Jon 1:1

Ti uli hutui lawe waliko tetel i Kakain i liai hoi ien. I kapi Haeu ma i se Haeu.

Aposel 2:33

Haeu hana Jises hani minan tepaun manau ti neiniai seilon ape hani i Holi Spirit masin ti i kakawen i aile. Tin i hahani kako Holi Spirit ape waliko ti amuto niningahi ma hongohong aope ie se pupuase Holi Spirit.

1 Jon 5:6

Tetel Jises ien, Haeu haxewa haniwen kako ka i tel Natun wanen, lokon ti Jon baptaisi i he kan ma ti matean. I kola ka i tel Nati Haeu kumahe mewenae ti Jon baptaisi i, tuahe hetekie ti i mat ukei kawatan ti lialui woukaha. Ape *Holi Spirit nexi ka salan wanen nake lawe i aile waliko tenen mewenae salan.

Jon Meng solian ti Jises tataiai Jon 8:54

Jises kak pahoi laha, “Na puki nga sameni nga, tap solian tetan. Se puki tel Tamak i hana nga seilon pate tuah. I se tetel amuto ukek i Haeu ti amuto.

Matiu 17:5

Ti Pita kakak, teik maun tenen xewan wanen man atuhi lato. Ape kakai Haeu i ahuma he maun ien, i ukek, “Tel seilon ie se Natuk pate nga waheni. Nga amuke hawane i. Hong usiwa kakaian!”

Jon Meng solian ti Jises tataiai Jon 10:30

Nga ma tel Tamak Haeu amili pakata xox hahawane, amili masin seilon tel.”

Jon Meng solian ti Jises tataiai Jon 5:26

Pon i sohot ukek ien nake masin ti Haeu i hina poh ti axiai seilon tonain kapin ti tap tahi tapoan, i hani nga tel Natun poh tenen ien.

Hahatakei Haeu 19:13

I pupuxui puxux weluwelun a pate kaka. Axan liai tenen Kakai Haeu.

Jon Meng solian ti Jises tataiai Jon 12:28

Tel Tamak Haeu, kola haniwa lawe seilon lalape pohem ma soliaiam.” Tataen ien tenen kinax wixima ti *tone Haeu i ukek, “Nga kolawen ape nga kola ulea.”

Jon Meng solian ti Jises tataiai Jon 8:18

Puki nga kola ka kakaiak salan hetekie tel Tamak tin i kola ka kakaiak salan.”

Matiu 18:16

Tuahe na i hong watakai kakaiam, waxiwa tel ma na hua seilon liai lehe tel ma na hua hong paxai kakaiamulu.

1 Jon 1:1

Nga tai hani amuto sale Jises Krais, tetel puki i kakai Haeu hani seilon ma tel haniakaha tonain tuah kapi Haeu. I hoi imat ti lawe waliko Haeu tanomiwen. Amite tesol *aposel paxaiwen i ma pupuasan he tange pulamite. Amite hongoen kakaian ma sotiwen i he minamite wanen.

Jon Meng solian ti Jises tataiai Jon 14:17

I se Holi Spirit, i kola hatesol waliko tenen salan sale Haeu. Teka seilon kumahe ti Haeu laha kum hong waxi i nake laha kum paxai tioi i. Tuahe amuto tioi i nake i se wasolamuto ape imuh i tin leilomuto tel tel ti kapitiamuto.

Jon Meng solian ti Jises tataiai Jon 15:26

“Taen ti *Holi Spirit tel hakuiamuto tahiama, tetel i ahuma ti Haeu ma i kak hatakei lawe waliko salan sale Haeu, i kaxi haxewa nga hani amuto.

1 Jon 5:8

Holi Spirit, *baptais ti Jises ma matean, lato hatesol kola ka Jises se Nati Haeu.