1 Jon 1:1 - Seimat

¹ Nga tai hani amuto sale Jises Krais, tetel puki i kakai Haeu hani seilon ma tel haniakaha tonain tuah kapi Haeu. I hoi imat ti lawe waliko Haeu tanomiwen. Amite tesol *aposel paxaiwen i ma pupuasan he tange pulamite. Amite hongoen kakaian ma sotiwen i he minamite wanen.

1 Jon 1:1 Referans Kwoze

Jon Meng solian ti Jises tataiai Jon 20:27

Ape i kakane Tomas, “Paxaima minak. Sotima mahe tuhi nil ape sotima mahe naxon he popok. Kum kakapaxe, soh hawanema tetak.”

Aposel 4:20

Amili kum kongini uke kaxiai waliko ti puki amili ningahiwen ma hongoen.”

1 Jon 4:14

Amite tesol *aposel paxai hawanewen Jises Krais ma pupuasan ape aope ie amite kakaxi ka Haeu talo i tel Natun awaiakaha ti kawatan ti lialui woukaha.

Jon Meng solian ti Jises tataiai Jon 5:26

Pon i sohot ukek ien nake masin ti Haeu i hina poh ti axiai seilon tonain kapin ti tap tahi tapoan, i hani nga tel Natun poh tenen ien.

Luk Meng solian ti Jises tataiai Luk 24:39

Paxaiwa minak ma aek ka salan wanen nga. Sotima nga lehe amuto tioi ka nga tel seilon moihin. Hosai seilon maten tap tupuan masin ti amuto ningahi nga hina.”

Jon Meng solian ti Jises tataiai Jon 8:58

Jises kak pahoi laha, “Nga kakane hawane amuto, imat ti Abraham takah, nga se liai ien, tetel ti nga kakaxi.”

Hahatakei Haeu 1:8

Haeu tel Masiwi ukek, “Nga se *Alfa ma *Omega, tetel ti hutuiai ma tiliai lawe waliko. Nga hoi liai ti imat, aope ma tin nga luluainima tutuen. Nga tel poh tapein.”

Jon Meng solian ti Jises tataiai Jon 19:35

Tetel i ningahiwen waliko ti i sohot ien i kakaxi waliko salan. I tioi waliko ti i kakaxi se salan. I kaxi waliko tenen ien lehe tin amuto soh ti Jises.

Aposel 1:3

Leili 40 ngain muhi matean i sohot take kila hani kapi lato. I kola ka i moih aliawen. Lokon ien i kakane lato sale nenein ti Haeu.

Hahatakei Haeu 19:13

I pupuxui puxux weluwelun a pate kaka. Axan liai tenen Kakai Haeu.

Hahatakei Haeu 2:8

Ape imuh i kakane nga ukek, “Tai haniwa tel engel ngahatiai teka kahikahik ti Simirna kewak. Ie se kakai tetel ti hutuiai ma tiliai lawe waliko, tetel i mat ape i moih aliawen.

Luk Meng solian ti Jises tataiai Luk 1:2

Laha usiusi kakain ti teka laha ningahiwen waliko ti i sohotuen ma teka hanaui *meng solian ti Jises kakaxi.

Hahatakei Haeu 1:11

I ukek, “Waliko ti ape o ningahi, tai konginiwa ape hakau haniwa teka kahikahi Krais leili tepanim huohu taon ie: Epesus, Simirna, Pergamum, Tiatira, Sadis, Piladelpia ma Laodisia.”

1 Jon 5:7

Aile ape tolunen waliko i kola ka Jises se tel Nati Haeu.

Hibru 2:3

Ape lehe amuto ukek kako pon saliniai kawatan ti kako kum nam waxi soliai puase *Jises Krais tel awaiakako? Puki i kakawen sale Haeu awai seilon ti kawatan ti lialui woulaha ape teteka laha hong, laha kaxi hakouta hani kaha.