Yuuda 1:7 - Imuuma Eehya

⁷ Ghwiki ni-igha muhiite ghano ghaanyöörrë abhantö abha imighi ighya Sodoma na Ghomora na imighi gheno ghyaaheegheraini naghyo. Amangʼana ghayö, n-kya agha abhamaraika bhayö. Abhantö bhayö, bhaakoranga obhosooraare na okoghoota amangʼana agha oronamba urwa ömöbhërë, rono rotatuubhaini kya bhono ëmëbhërë ighyabho ghyaabhömbirwë igha ghekore. Bhakashibhibhwa ku ukusikibhwa mo-morro ghotakurima amakora ghonswe igho. Ku bhuyö okobhotorrwa ikiina kuyö, kwabha ëkërëngyö ikya ukushibhibhwa.

Yuuda 1:7 Referans Kwoze

2 Peetero 2:6

Ghwiki Waryobha akasamba imighi ighya Sodoma na Ghomora na omorro, ghekabha riibhu, akaghisikya hamwë na abhantö abha mu-mighi ghiyö. Akabhakora ëkërëngyö ko-bhantö bhano bhatakumwighwera.

Ruuka 17:29

Kasi urusikö roora Ruutu yaaruurë mu-mughi ughwa Sodoma, omorro ömörörö kai, ghokaharatoka, kya imbura eno ekotwa ukurwa mu-ryobha, ghokabhasikya bhonswe igho.

Mataayo 25:41

“Ho ndemara ntëëbhi bhaara urinyoora bharëngë bhömösi ubhwane igha, ‘Murwe hano, ko bhoora bhëënyu, mwaihiimwa na Waryobha. Moghende mo-morro ghotakurima amakora ghonswe igho, ahasë hano Waryobha yaasëëmëërya Oghosambwa na abhamaraika abha Oghosambwa ghuyö.

1 Abhakörintö 6:9

Kasi, motamanyirë igha abhaköri abha amangʼana amaghogho, tebharerya umwandö ughwa Obhokama ubhwa Waryobha hë? Motakaingʼaina, abhasooraare, handë bhano bhakosengerra ëbhëtöndö, abha sintwara, abhashaasha bhano bhakuturamya abhashaasha bharikyabho,

2 Peetero 3:7

Ghwiki ko okohetera engʼana iyöiyö, Waryobha yatigha-ho mu-ryobha na ekebhara, okore bhiishe okosambwa mo-morro. Yabhitigha-ho okore bheghanye urusikö rono arebhotorra ibhiina abhantö bhano bhatakumwighwera, hayö bhoono, ho bharisika.

Mataayo 11:24

Kasi nkobhatëëbhya ndë igha, hano Waryobha arebhotora ibhiina, bhëënyu narebhashibhya bhököngʼu okokera bhono arishibhya abhantö abha mu-mughi ughwa Sodoma.”

Mataayo 10:15

No-bhoheene nkobhatëëbhya igha, hano Waryobha arebhotorra abhantö bhonswe igho ibhiina ibhyabho, narishibhya bhököngʼu abhantö abha mu-mughi muyö okokera bhono arishibhya abhantö abha Sodoma na Ghomora.”

2 Abhatësarönikë 1:7

Bhëënyu bhano mukunyankibhwa, murimuunya inyanko iyëënyu hamwë na bhëëtö. Ni-igho Waryobha arekora, enkaagha eno Omonene Yëësu aremaahekana ararwa mu-ryobha. Nariisha na ëbhëmörë ibhya omorro hamwë na abhamaraika abhaaye abha obhotoro.

2 Abhatësarönikë 1:8

Hayö ho arehaka ikisiiyomba ko bhano bhakwanga Waryobha na bhano bhatakosooka Amangʼana Amaiya agha Omonene uwëëtö Yëësu.

2 Peetero 2:2

Kora abhantö abhaaru mbareghoota amangʼana aghaabho amaghogho ghayö. Na ko okoghera iya abhantö bhayö, enshera iya obhoheene neretokwa.