Yohana 8:47 - Imuuma Eehya

⁴⁷ Ono arëngë uwa Waryobha nkwighwa arë amangʼana aghaaye. Ensonga iya bhëënyu ukwanga koghoota ghano Waryobha akoghamba n-ko bhoora igha bhëënyu, tëmörëngë abhantö abhaaye hë.”

Yohana 8:47 Referans Kwoze

2 Yohana 1:9

Ömöntö wowonswe igho ono atakoghoota amëëghyö agha Yëësu Kiristo, kora ghwiki igha nkoghasyörya arë, uyö taana öbhömwë na Waryobha hë. Kasi ömöntö ono aköghëndërrya okoghoota amëëghyö agha Yëësu Kiristo, uyö naana öbhömwë na bhonswe igho, Taata Waryobha, na Omoona uwa Waryobha.

Yohana 18:37

Mbe, Piraato akamöbhöörya igha, “Nkwo okoghamba igha uwe m-mokama örë?” Yëësu akamohonshora igha, “M-maheene oghamarrë igha, öni m-mokama ndë. Öni naasha nkeebhorwa ko-kebhara kono, ko okoghera iya engʼana ëmwë igha, nëëghi abhantö obhoheene. Ömöntö wowonswe igho uwa heene, uyö nkoghoota arë amangʼana aghaane.”

1 Yohana 3:10

Kasi ömöntö ono atakokora amangʼana agha heene, handë ono atahanshirë umukumya murikyaye, uyö temoona uwa Waryobha hë. Ni-igho tokomanyërrya abhaana abha Waryobha bhono bharë, bheena abhaana abha Oghosambwa bhono bharë.

Yohana 8:45

Kasi ko bhoora öni no-bhoheene nkobhatëëbhya, kiyö nkyo okoghera motakunkumya.

Yohana 8:37

Nemanyirë igha, bhëënyu na-abha urwebhoro urwa Ibhurahimu mörë, kasi moratuna ukunyita ko bhono mukwanga ukukumya ghano nköbhëëghya.

Yohana 8:43

N-kwakë motakomanya ghano nkoghamba? N-ko bhoora mukwanga amangʼana aghaane.

Yohana 6:65

Mbe akaghëndërrya okobhatëëbhya igha, “Kiyö nkyo këghërrë nkabhatëëbhya igha, taaho ömöntö ono akotora ukuusha ku-öni, hano atatangatirwë na Taata.”

3 Yohana 1:11

Bhoono Ghaayo omoghonshe uwaane, otakeegha okokora amangʼana amaghogho ghayö. Kasi weeghe eteemo iya abhantö bhano bhakokora amangʼana amaiya. Hano ömöntö yakora amangʼana amaiya, nkwörökya gharë igha, ömöntö uyö, m-moona uwa Waryobha. Kasi ömöntö ono akokora amangʼana amaghogho, uyö tamanyirë Waryobha hë.

1 Yohana 5:1

Ömöntö wowonswe igho ono akukumya Yëësu igha n-Kiristo, uyö we omoona uwa Waryobha. Ömöntö wowonswe igho ono ahanshirë umwibhöri, nkohansha arë kora na omoona uwa umwibhöri uyö.

Yohana 5:25

No-bhoheene nkobhatëëbhya igha, enkaagha eraasha, kora bhoono ihikirë, eno abhaku bharaaighwe engamba iya Omoona uwa Waryobha. Abhaku bhano bharaaighwe engamba iyö, mbaraabhe na öbhöhöru.

Yohana 12:48

Ömöntö ono akuunyanga, ono atakwikërrya amangʼana aghaane, aana ono arebhotorrwa ikiina. Amangʼana ghayö ngambirë, ngo gharemobhotorra ikiina ku-rusikö urwa umuhiko.