Yohana 8:29 - Imuuma Eehya

²⁹ Ono yaantoma hamwë arë na öni. Taraantigha öni umwene igho hë, ko bhoora nkokora ndë ghano ghakumushomera nkaagha syonswe igho.”

Yohana 8:29 Referans Kwoze

Yohana 6:38

Öni tenaasha ukurwa mu-ryobha okore nkore bhono nkutuna, kasi naasha igha, nkore bhono akutuna Taata ono yaantoma.

Yohana 16:32

Tamaaha, enkaagha iriihika, kora emarrë ukuhika, eno murinyaraghana, kera ömöntö aghende waaye, muntighe öni umwene. Kasi tëndëngë öni umwene igho hë, ko bhoora Taata hamwë arë na öni.

Yohana 4:34

Yëësu akabhahonshora igha, “Ibhyakorya ibhyane no-kokora bhono ono yaantömirë akutuna igha nkore, kora mmarërri emeremo ighyaye.

Yohana 15:10

Hano moraaghoote imighiro ighyane, moraaikare mu-righonshe iryane. N-kya hano öni naaghöötirë imighiro ighya Taata, nkaikara mu-righonshe iryaye.

Yohana 5:30

Yëësu akaghëndërrya okoghamba igha, “Tentore okokora engʼana yoyonswe igho öni umwene igho hë. Kasi bhono nkwighwa, mbo nkobhotorra abhantö ikiina. Öbhöbhötöri ubhwane ubhwa ikiina, m-bwa heene, ko bhoora tenkokora bhono öni umwene nkutuna hë, kasi bhono Taata Waryobha ono yaantoma akutuna, mbo nkokora.

Yohana 8:16

Kasi hano nabhotorra ömöntö ikiina, nkomobhotorra ndë ikiina ko obhoheene ko bhoora tëndëngë öni umwene igho hë, kasi hamwë ndë na Taata ono yaantoma.

1 Yohana 2:1

Bhëënyu abhaana abhaane abhaghonshe, nkobhandekera ndë amangʼana ghano, okore motakaakora ëbhëbhë. Kasi ömöntö wowonswe igho hano araakore ëbhëbhë, amanye igha ntoona ono akotosabhera ko-Taata Waryobha. Uyö we Yëësu Kiristo, ömöntö uwa heene.

2 Timoteo 4:17

Kasi Omonene Yëësu yaarenga hamwë na öni, akangʼaana singuru isya okoraareka Amangʼana Amaiya, okore Abhakyaro bhonswe bhaighwe. Akanhonia na ruku, ko bhoora igha naarenga kya ono ndëngë mu-munywa ughwa ëndwë.

Yohana 14:31

Ghano nkokora n-gano Taata yaantëëbhya igha nkore, okore abhantö bhonswe igho bhamanye igha nemohanshirë. “Bhoono, mwemoke toghende.”

Yohana 17:4

Öni nöörökya abhantö ubhuhika ubhwaho ko-kebhara kono, ko okomarërrya meremo gheno waantömirë igha ngekore.

Mataayo 17:5

Enkaagha eno waanyöörrë Peetero akishumaasha, tamaaha, risaarö reno ryaamekamekanga, rekabhakundikirya. Bhakaighwa engamba erarwera mu-risaarö eraghamba igha, “Ono no-Moona uwaane omoghonshe we aköntëghërya bhököngʼu, mumwitegherrenga.”

Mataayo 3:17

Ho Waryobha yaaghambirë ukurwa mu-ryobha igha, “Ono no-Moona uwaane omoghonshe, ono aköntëghërya bhököngʼu.”

Abhaëbhuraania 4:15

Momanye igha, uyö we Omonene uwa abhasëngëri, ono akotora ököghömërrania na bhëëtö kya igho törë, ko bhoora yaashaashwa ko mangʼana ghonswe igho kya bhëëtö, kasi tiyaakörrë ëkëbhë kyokyonswe igho hë.

Abhaëbhuraania 7:26

Omonene uwa abhasëngëri kya uyö, we akutunwa kö-bhëëtö, ko bhoora m-möhörëëru, taana isoro hë, taana obhoghogho hë, hare arë na ëbhëbhë, yaainyökibhwa ukughya mu-ryobha.

2 Timoteo 4:22

Omonene Yëësu abhe hamwë na uwe. Örööbhö urwaye, robhe hamwë na bhëënyu bhonswe igho.

Mataayo 3:15

Yëësu akamohonshora igha, “Kasi bhoono, uwe ikërrya ombaatiisi. Ko bhoora ko okokora igho, ho toraahekerani amangʼana agha obhoheene ubhwa Waryobha bhono akutuna.” Mbe, hano Yohana yaaighuurë amangʼana ghayö, akaikërrya okomobhatiisya.

1 Yohana 3:22

Kora kyokyonswe igho keno tokomosabha, nkotohaana arë, ko bhoora nkwighwera törë amaraghërryö aghaaye, kora nkokora törë amangʼana ghano ghakumushomera.