Yohana 7:7 - Imuuma Eehya

⁷ Abhantö abha ko-kebhara kono, tebhaana ikibhuno keno keraaghere bhabhareghe hë, kasi öni bharaandegha, ko bhoora nkobhatëëbhya igha, amangʼana aghaabho m-maghogho.

Yohana 7:7 Referans Kwoze

Yohana 3:19

Okobhotora ikiina nkörëngë igha, obhorabhu bhwaasha ko-kebhara kono, kasi abhantö bhakahansha ikisuntë okokera obhorabhu, ko bhoora amangʼana aghaabho m-maghogho.

Abhagharatia 4:16

Kasi, bhoono mbaayë umubhisa uwëënyu ko bhoora nkobhatëëbhya amangʼana agha obhoheene?

1 Yohana 4:5

Abharööti abha obhorongo bhayö, m-ba ko-kebhara kono, ku bhuyö nkoghamba bharë amangʼana agha bhunyakyaro. Abhantö abha ko-kebhara kono bhano bhatakwighwera Waryobha, nkobhaitegherra bharë.

Yaakobho 4:4

Bhëënyu tëmörëngë abhantö abha heene ku-Waryobha hë, n-kya abhakari abhasooraare mörë. Kasi temomanyirë igha hano ömöntö yaghootana obhosaani na ekebhara, nkobha arë umubhisa uwa Waryobha? Ömöntö wowonswe ono araatune okoghootana obhosaani na ekebhara, uyö nkobha arë umubhisa uwa Waryobha.

Yohana 17:14

Öni marrë okobhatëëbhya engʼana iyaaho, ku bhuyö abhantö abha ko-kebhara kono bhabharëghirë. Mbabharëghirë ko bhoora bhatarëngë abha ko-kebhara kono, kya hano öni ntarëngë uwa ko-kebhara kono.

Abharuumi 8:7

Ömöntö ono akotangatwa na esemoko iya öbhököri ubhwa ëbhëbhë, uyö m-mubhisa uwa Waryobha. Takwikërrya ukwighwera amaraghërryö agha Waryobha. Kora takotora okoghaighwera hë.

Ruuka 6:26

Haahö, bhëënyu hano abhantö bhonswe igho bharaabhakumi, ko bhoora ni-ighoigho na abhakörö abhaabho bhonswe, bhaakumyanga abharööti abha obhorongo.