Yohana 7:28 - Imuuma Eehya

²⁸ Hano Yëësu yëëghyanga kö-bhööri ubhwa risengerro, akakonga araghamba harabhurabhu igho igha, “No-bhoheene igha mommanyirë, na iyö nkurwa mohamanyirë. Momanye igha, tenaasha hano ku ubhwera ubhwane umwene hë, kasi ono yaantoma, nu-uwa obhoheene, kora bhëënyu temomomanyirë hë.

Yohana 7:28 Referans Kwoze

Yohana 8:42

Yëësu akabhahonshora igha, “Okaanyöörrë Waryobha we Suwëënyu, mokaanhanshirë, ko bhoora nku-Waryobha naarwa, na bhoono n-hano ndë. Öni tenaasha ku ubhwera ubhwane umwene hë, kasi Waryobha we yaantoma.

Yohana 8:19

Mbe, Abhafarisaayo bhakabhöörya Yëësu igha, “Kasi, Suwëënyu hai arëngë?” Yëësu akabhahonshora igha, “Öni temommanyirë hë, kora Taata temomomanyirë hë. Mokaammanyirë öni, Taata wonswe mokaamomanyirë.”

Yohana 8:26

Neena amangʼana amaaru ghano nkaaghambirë, na agha okobhabhotorra ibhiina bhëënyu, kasi tenkore igho hë. Ko bhoora öni nkötëëbhya ndë abhantö bhonswe igho amangʼana ghano nighuurë ukurwa ko-ono yaantoma. Uyö yaantoma, nu-uwa obhoheene.”

Yohana 8:14

Yëësu akabhahonshora igha, “Nokaanyoora ndayimererra umwene, kasi ghano nkoghamba, n-ga obhoheene, ko bhoora nemanyirë hano naarwa, ghwiki nemanyirë eno nkughya. Kasi bhëënyu temomanyirë hano naarwa na eno nkughya hë.

Yohana 17:3

Öbhöhöru ubhwa amakora ghonswe igho, mbo bhono igha, abhantö bhakomanye uwe Waryobha uwa heene, uwe umwene igho, ghwiki bhammanye na öni Yëësu Kiristo, ono waantoma.

Yohana 12:49

Tengambirë amangʼana ghayö ku ubhwera ubhwane umwene hë, kasi Taata ono yaantoma, we yaandaghërrya amangʼana agha okoghamba, na kya bhono ndaaghaghambe.

Yohana 5:43

Öni nishirë ku ubhwera ubhwa Taata Waryobha, kasi bhëënyu timukunyikërrya hë. Kasi hano ömöntö uwöndë ariisha ku ubhwera ubhwaye umwene, mmurimwikërrya.

Mataayo 11:27

Hano Yëësu yaamarrë okosaasaama Waryobha, akasimya ukushumaasha na abhantö. Akabhatëëbhya igha, “Taata Waryobha angʼaayë bhyonswe igho. Taaho ömöntö ono amanyirë Omoona uwa Waryobha, kasi Taata Waryobha we amomanyirë. Na taaho ömöntö ono amanyirë Taata Waryobha, kasi no-Moona uwaaye umwene we amomanyirë, na bhaara öni Omoona uwa Waryobha nkutuna igha mbahonyorre.

1 Yohana 5:10

Ömöntö wowonswe igho ono akukumya Omoona uwa Waryobha, uyö nkunyoora örë akumiri igha, ubhwimërërri bhuyö, nu-bhwa obhoheene. Kasi ono atakukumya Waryobha, nkomokora arë morongo, ko bhoora akwanga ukukumya obhoheene bhono Waryobha yaaghamba ko amangʼana agha Omoona uwaaye.

Abhaëbhuraania 6:18

Mbe, maaha igha, bheeho ëbhëntö bhibhërë bheno Waryobha yaakora, okoraghania na ukutyana, ku bhuyö tariisyörya ghwiki hë, ko bhoora we te-morongo hë. Bhoono bhëëtö bhano twamongʼosera-ko, tobhe na obhokarë ubhwa ukwesegha amangʼana ghano ghakuusha.

Tiito 1:2

na mboraabhahaane ubhweseghe ubhwa öbhöhöru ubhwa amakora ghonswe igho. Waryobha ono atakorongoha, we yaaraghaini öbhöhöru bhuyö, kora ekebhara ketaraabhombwa.

2 Abhakörintö 4:6

Waryobha ono yaaghambirë igha, “Obhorabhu bhömërëki ukurwa mu-kisuntë,” we uyöuyö akömërëkya mo-senkoro isyëtö, okore atohaane obhorabhu ubhwa obhomanyi ubhwa emerengaari ighya Waryobha gheno ghëkömërëkya ku-bhusyö ubhwa Yëësu Kiristo.

2 Abhakörintö 1:18

Kasi ko bhono Waryobha arëngë uwa obhoheene, amangʼana ghano twaabhatëëbhëri, teghaarenga agha ömöntö ukwikërrya igha “Yëë,” ghwiki atema hayö aanga igha “A a.”

Abharuumi 3:4

A a, ti-igho hë! Abhantö m-barongo, kasi Waryobha nkwörökya arë igha, nkokora arë keno aghambirë igha naraakore. N-kya bhono Amaandeko Amahörëëru ghakumushumaashera igha, “Hano oraatëëbhi abhantö abhaaho obhosarya ubhwabho, hayö no-bhoheene oraanyoore oghambirë. Hano oraabhabhotorre ikiina, öbhöbhötöri ubhwaho ubhwa ikiina, m-bwa heene.”

Abharuumi 1:28

Mbe, ko bhoora bhaanga okoghoota amangʼana agha Waryobha, Waryobha wonswe yaabhatigha bhakore bhono bhakutuna. Ku bhuyö nkokora bharë amangʼana amaghogho ghano bhaanagho mo-maitegherro aghaabho. Amangʼana ghayö, kora teghaana ubhwera hë.

Amangʼana agha Abhatomwa 17:23

Ko bhoora hano naarë okotaara mu-mughi ughwënyu mono, nitaahirë bhuuya ëbhëntö bheno mokosengerra, nkamaaha riighyö irya okosengerra-ko reno ryaarë ryandëkirë igha, ku-waryobha ono atamanyekaini. Waryobha uyö mokosengerra igho motamomanyirë, we nkutuna mbaraghërri.

Yohana 17:25

Taata uwa heene, abhantö abha ko-kebhara kono tebhakomanyirë hë. Kasi öni nenkomanyirë, kora abheegha abhaane bhayö, bhamarrë okomanya igha, nu-uwe waantoma.

Yohana 16:3

Mbaraabhakorre ghayö, ko bhoora bhatamanyirë Taata, na kora öni wonswe tebhammanyirë hë.

Yohana 14:31

Ghano nkokora n-gano Taata yaantëëbhya igha nkore, okore abhantö bhonswe igho bhamanye igha nemohanshirë. “Bhoono, mwemoke toghende.”

Yohana 14:10

Kasi tukukumya igha öni m-mönsë iya Taata ndëngë hë? Amangʼana ghayö nkobhatëëbhya, teghakurwa mo-maitegherro aghaane hë, kasi nko-Taata ghakurwa ono arëngë mönsë iyaane, uyö we akokora emeremo ighyaye gheno.

Yohana 10:36

Taata we yaanyaahora, akantoma ko-kebhara, bhoono n-kwakë mokoghamba igha öni nkotoka ndë Waryobha hano naghamba igha, ‘Öni m-moona uwa Waryobha ndë?’

Yohana 8:16

Kasi hano nabhotorra ömöntö ikiina, nkomobhotorra ndë ikiina ko obhoheene ko bhoora tëndëngë öni umwene igho hë, kasi hamwë ndë na Taata ono yaantoma.

Yohana 5:32

Kasi aaho uwöndë ghwiki ono akwimererra amangʼana aghaane, uyö n-Waryobha, na öni nemanyirë igha, ubhwimërërri ubhwaye, nu-bhwa obhoheene.

Yohana 3:33

Ömöntö ono akwikërrya amangʼana agha Yëësu, nkwörökya arë igha, ghano Waryobha akoghamba na-agha obhoheene.

Yohana 3:2

Nikodeemo uyö, akaghya ku-Yëësu ubhutikö, akamötëëbhya igha, “Raabhi, ntomanyirë igha uwe nu-mwëghya ono watomwa na Waryobha, ko bhoora taaho ömöntö ono akotora okokora ebhemanyërryö ibhya amakono bheno okokora, hano oraanyoore Waryobha atarëngë hamwë nawe.”

Yohana 1:46

Kasi Natanaëri akabhöörya Firipö igha, “Ëkëntö ikiiya keratora ukurwera Nazarëëti?” Firipö akamohonshora igha, “Nshö omaahe.”

Ruuka 10:22

Ho ghwiki Yëësu yaabhatëëbhëri igha, “Taata Waryobha, angʼaayë bhyonswe igho. Taaho ömöntö ono amanyirë Omoona uwa Waryobha, kasi Taata Waryobha we amomanyirë. Na taaho ömöntö ono amanyirë Taata Waryobha, kasi no-Moona uwaaye umwene we amomanyirë, na bhaara öni Omoona uwa Waryobha, nkutuna igha mbahonyorre.”

Ruuka 2:51

Mbe, akangʼaaraara na abhaibhöri abhaaye ukughya Nazarëëti, yaabhasookanga. Nyakuwaabho akaitegherra amangʼana ghayö ghonswe igho, akakira nagho mo-nkoro iyaaye.

Ruuka 2:39

Hano Yusufu na Maryamu bhaamarrë okokora ghonswe igho ghano amaraghërryö agha Omonene Waryobha ghaaraghërryanga, bhakakyora waabho mo-mokowa ughwa Ghariraaya, mu-mughi ughwa Nazarëëti.

Ruuka 2:11

Engʼana iyö ni-igha, Ömötöörya uwëënyu aibhööywë reero mu-mughi ughwa Daudi. Ömötöörya uyö, we Kiristo Omonene.

Ruuka 2:4

Yusufu wonswe akatanora ukurwa mu-mughi ughwa Nazarëëti, ughwa mo-mokowa ughwa Ghariraaya, akatiira ukughya mu-mughi ughwa Bhëtërëhëëmu, ughwa mo-mokowa ughwa Yudea. Yaaghëëyë-yo ko bhoora Bhëtërëhëëmu ngwo ghwaarë umughi ughwa Daudi. Na Yusufu uyö, nu-uwa eka iya Daudi yaarë.

Mataayo 2:23

Bhakamenya mu-mughi ghono ghwaabherekerwanga igha Nazarëëti. Engʼana iyö, yaahekeraini ghaara abharööti bhaaröötëëyë Yëësu igha, “Mbaremobherekera igha, Omonazarëëti.”

Yohana 7:14

Hano sinsikö isya inyangi syaahikirë ghatëghatë, Yëësu akaghya, akasoha kö-bhööri ubhwa risengerro, akasimya ukwëghya abhantö.

Mataayo 26:55

Mbe, Yëësu akatëëbhya rikomo irya abhantö riyö igha, “Bhoono mwishirë okongoota moona imishonge na sirungu okanya igha m-mogharanshöri uwa eserekaare ndë? Ndarra sinsikö syonswe igho naaikaranga hamwë na bhëënyu, ndëëghya abhantö mo-bhogho ubhwa risengerro irya Waryobha temwakaangöötirë hë.

Yohana 6:42

Bhakabhoorania igha, “Kanaa, ono ti-Yëësu omoona uwa Yusufu, kora abhaibhöri abhaaye bhonswe igho ntobhamanyirë? Bhoono n-kwakë akoghamba igha, ‘Naarwa mu-ryobha?’”

Yohana 9:29

Ntomanyirë igha Waryobha yaashumaashirë na Mosa, kasi ömöntö uyö tetomanyirë hano yaarwa hë.”