Yohana 6:61 - Imuuma Eehya

⁶¹ Hano Yëësu yaangʼurrë igha, abheegha abhaaye nkwibhëmbëërya bharë ko okoghera iya amangʼana ghayö yaaghambirë, akabhabhöörya igha, “Kasi, engʼana iyö nebhatimbirë?

Yohana 6:61 Referans Kwoze

Yohana 6:64

Kasi hobharë abhandë mö-bhëënyu, bhano bhakwanga ukunkumya.” Yëësu yaaghambirë igho, ko bhoora yaamanyirë ukurwa okosemoka igha, m-baabho wë bhaamukumyanga, na ghwiki igha n-nawë akaamunyëërëëyë inikö.

Okohonyora 2:23

Ghwiki obhoheene ni-igha, nendaaite abhasoorani abhaaye. Hayö ho abhantö abha ekanisa bhareemanya igha, öni nkwitaaha ndë enkoro na amaitegherro agha ömöntö. Nendehaka kera ömöntö mö-bhëënyu, ko okorengʼaana na ghano yaakora.

Abhaëbhuraania 4:13

Tekeeho ëkëntö keno kyaabhombwa keno ketarëngë harabhu igho ku-Waryobha. Ko bhoora ëbhëntö bhyonswe igho n-harabhu igho bhërë ku-Waryobha, uyö we törëtëëbhya amangʼana ghano tokokora.

Yohana 21:17

Akamöbhöörya ghwiki urwa katatö igha, “Simööni, mumura uwa Yohana, nonhanshirë?” Peetero akabhaabhayera ko bhoora yaamöbhöörri hare katatö igha, “Nonhanshirë?” Akamohonshora igha, “Omonene, kana uwe nomanyirë ghonswe igho. Nomanyirë igha nenkohanshirë.” Yëësu akamötëëbhya igha, “Rëësya amangʼöndi aghaane.

Mataayo 11:6

Nyakara ömöntö ono aköghëndërrya ukunkumya.”

Mataayo 17:27

Kasi bhoono totakaaghera abhantö bhano bharerre, uwe kaghi ku-nyansha öröbhi. Inswë iya mbere eno oraaröbhi, ughyasami umunywa, noraanyoore-mo ehera, ogheghe, oghende oghoote righööti, iryane bheena iryaho.”

Yohana 16:19

Yëësu akamanya igha bhaatunanga bhamöbhööri, ku bhuyö akabhabhöörya igha, “Nkobhoorania mörë ko engʼana eno ngambirë igha, ‘Ritighaayë ribhagha ike igho, temommaahe hë, na ghwiki igha nderaahete ribhagha ike igho, mommaahe’?