Yohana 6:53 - Imuuma Eehya

⁵³ Ku bhuyö Yëësu akabhatëëbhya igha, “No-bhoheene nkobhatëëbhya igha, hano moraange okorya ömöbhërë ughwane, na ukunywa amaanyinga aghaane öni Omoona uwa Ömöntö, temoobhe na öbhöhöru ubhwa amakora ghonswe igho hë.

Yohana 6:53 Referans Kwoze

1 Yohana 5:12

Ömöntö wowonswe igho ono aana öbhömwë na Omoona uwa Waryobha, uyö naana öbhöhöru bhuyö. Kasi ono ataana öbhömwë na Omoona uwa Waryobha, uyö taana öbhöhöru hë.

Yohana 6:55

Ko bhoora ömöbhërë ughwane, ngo ibhyakorya ibhya obhoheene, na amaanyinga aghaane, ngo ikinywebhwa ikya heene.

Yohana 15:4

Mobhe na öbhömwë na öni, na öni wonswe nendaabhe na öbhömwë na bhëënyu. Kya bhono mokomaaha risagharya retakotora ukwama sehagho iryene igho, hano retaghotaini na omozabhibhu, ni-ighoigho na bhëënyu bhonswe, temotore ukwama sehagho hano motaabhe ëkëntö ëkëmwë na öni.

Yohana 6:47

“No-bhoheene nkobhatëëbhya igha, ömöntö wowonswe igho ono akunkumya, uyö naana öbhöhöru ubhwa amakora ghonswe igho.

Yohana 3:3

Yëësu akamohonshora igha, “No-bhoheene nkökötëëbhya, taaho ömöntö ono akotora okosoha mo-Bhokama ubhwa Waryobha hano ataibhööywë urwa kabhërë.”

Okohonyora 2:17

Ono aana amatwë, aitegherre amangʼana ghano Umwika Ömöhörëëru akötëëbhya amakanisa. Ömöntö wowonswe ono arekera amangʼana ghayö, ndimutuha ituho ekerengere ikya ibhyakorya ibhya emana eno yaabhiswa. Ghwiki nendemohaana reghena rirabhu. Reghena riyö, nurinyoora ryandëkirwë-ko iriina reehya. Taaho ömöntö ono aremanya iriina riyö hë. Kasi ono arehaanwa reghena riyö, we aremanya.”

Yohana 3:36

Ömöntö ono akukumya Omoona uwa Waryobha, uyö naana öbhöhöru ubhwa amakora ghonswe igho. Kasi ono akumwanga, taana öbhöhöru ubhwa amakora ghonswe igho hë, kora okorerra ukwa Waryobha nkoraaghëndërri okobha kö-möntö uyö.

Mataayo 18:3

Akabhatëëbhya igha, “No-bhoheene nkobhatëëbhya igha, hano motaabhe kya abhaana abhake, temosohe mo-Bhokama ubhwa Waryobha hë.

Yohana 3:5

Yëësu akamohonshora igha, “No-bhoheene nkökötëëbhya igha, taaho ömöntö ono akotora okosoha mo-Bhokama ubhwa Waryobha, hano ataibhööywë okohetera ko-manshë, na okohetera Umwika Ömöhörëëru.

Ruuka 13:5

Ti-igho hë! Ndabhatëëbhya igha, hano motaahongore ëbhëbhë ibhyënyu, bhëënyu bhonswe m-buyöbhuyö murisikibhwa!”

Ruuka 13:3

Ti-igho hë! Ndabhatëëbhya igha, kasi na bhëënyu bhonswe hano motaahongore ëbhëbhë ibhyënyu, m-buyöbhuyö murisikibhwa.

Yohana 13:8

Peetero akamötëëbhya igha, “Uwe tunyisaabhi amaghörö aghaane kora hake hë!” Yëësu akamohonshora igha, “Nyoore ntakwisaabhi amaghörö, omanye igha toona öbhömwë na öni hë.”

Mataayo 5:18

No-bhoheene nkobhatëëbhya igha, ko-nkaagha eno ekebhara na mu-ryobha bhekeeho, tekaaho akatabhë handë akangʼana kano karirwa-ho, mo-maraghërryö agha Mosa. Teghaaho amaraghërryö agha Mosa ghano gharirwa-ho hë, okohekera hano gharehekerania ghaara Waryobha yaatunanga igha, ghahekerane.

Okohonyora 2:7

Ono aana amatwë, aitegherre amangʼana ghano Umwika Ömöhörëëru akötëëbhya amakanisa. Ömöntö wowonswe ono arekera amangʼana ghayö na aghömërri righonshe irya mbere reera, nindimwikërrya araaghere sehagho isya ömötë ghono ghokohaana abhantö öbhöhöru. Ömötë ghuyö, mu-ryobha iyö ghörë mu-bhusitaani iya Waryobha.”

Mataayo 8:20

Kasi Yëësu akamohonshora igha, “Nyamobhwe mbaana amaina aghaabho agha okoraara-mo, na ibhinyönyi mbeena amasu. Kasi öni Omoona uwa Ömöntö, teneena ahasë aha okotoora orobharu urwane hë.”

Yohana 6:51

Öni nö-öni ibhyakorya ibhya öbhöhöru bheno bhyaarwa mu-ryobha. Ömöntö ono araaraaghere ibhyakorya bhiyö, nkobha arë na öbhöhöru ubhwa amakora ghonswe igho. Ibhyakorya bheno ndaahaane abhantö bhonswe igho ko okoghera iya öbhöhöru, nö-möbhërë ughwane.”

Yohana 6:62

Bhoono iyakë erebha hano moreemmaaha öni Omoona uwa Ömöntö, ndatiira ukughya mu-ryobha ahasë hano naarë ekembere?