Yohana 6:45 - Imuuma Eehya

⁴⁵ Amaandeko Amahörëëru agha abharööti gharaghamba igha, ‘Abhantö bhonswe igho, mbaryëghibhwa na Waryobha.’ Mbe ömöntö wowonswe igho ono akwitegherra na ukwegha ukurwa ko-Taata, nkuusha arë ku-öni.

Yohana 6:45 Referans Kwoze

Abhaëbhuraania 10:16

“Omonene Waryobha yaaghambirë igha, ‘Eno yo imuuma iyaane, eno ndiikererrania na abhantö abhaane enkaagha iyö ikuusha. Nendetoora amaraghërryö aghaane mo-senkoro isyabho, kora ngandeke mo-maitegherro aghaabho.’”

1 Abhatësarönikë 4:9

Bhoono, tërëngë igha tobhandekere amangʼana agha okohanshana, ko bhoora bhëënyu abheene mwëghibhwa na Waryobha kya bhono ikutunwa mohanshane.

Yohana 6:65

Mbe akaghëndërrya okobhatëëbhya igha, “Kiyö nkyo këghërrë nkabhatëëbhya igha, taaho ömöntö ono akotora ukuusha ku-öni, hano atatangatirwë na Taata.”

Yohana 6:37

Abhantö bhonswe igho bhano Taata akongʼaana, mbaraashe ku-öni. Umukumya ono akuusha ku-öni, tinkumwanga hë.

Mataayo 17:5

Enkaagha eno waanyöörrë Peetero akishumaasha, tamaaha, risaarö reno ryaamekamekanga, rekabhakundikirya. Bhakaighwa engamba erarwera mu-risaarö eraghamba igha, “Ono no-Moona uwaane omoghonshe we aköntëghërya bhököngʼu, mumwitegherrenga.”

Abhaëfësö 1:17

Nkosaasaama ndë Waryobha uwa Omonene uwëëtö Yëësu Kiristo, we Taata uwëëtö uwa ubhuhika obhonene, igha abhahaane obhongʼaini ubhwa mu-ryobha, na aihonyore kö-bhëënyu, okore momomanyërri bhuuya.

Yohana 10:27

Amangʼöndi aghaane nkwighwa gharë engamba iyaane. Öni nengamanyirë bhuuya, na agheene ghonswe nkonsoorana gharë.

Ruuka 18:31

Yëësu akaghegha abheegha abhaaye ikömi na abhabhërë, bhakaiyahora mbareka. Akabhatëëbhya igha, “Mwighwe mbe, nkutiira törë ukughya Yërusarëëmu. Na Yërusarëëmu hayö, ho gharaahekerane amangʼana aghaane ghonswe igho agha öni Omoona uwa Ömöntö, ghano abharööti bhaandeka.

Ruuka 1:70

Akörrë kya bhono yaaraghaini kare iyö, okohetera ko-bharööti abhaaye abhahörëëru.

Maariko 1:2

Ömörööti Isaaya yaandëkirë mo-ketabho ikyaye igha, “Tamaaha, nendaatome umuhiri uwaane uwa amangʼana, ono araakösëëmëri enshera.

Mataayo 11:27

Hano Yëësu yaamarrë okosaasaama Waryobha, akasimya ukushumaasha na abhantö. Akabhatëëbhya igha, “Taata Waryobha angʼaayë bhyonswe igho. Taaho ömöntö ono amanyirë Omoona uwa Waryobha, kasi Taata Waryobha we amomanyirë. Na taaho ömöntö ono amanyirë Taata Waryobha, kasi no-Moona uwaaye umwene we amomanyirë, na bhaara öni Omoona uwa Waryobha nkutuna igha mbahonyorre.

Amangʼana agha Abhatomwa 7:42

Ku bhuyö Waryobha akabhashibhya, akabhatigha bhasaasaamenga iryobha, umwëri na sinyota isya ighörö iyö, kya bhono yandëkirwë mo-ketabho ikya abharööti igha, ‘Bhëënyu bhare Abhaisiraëri, hano mwaaikaayë ku-riköngö imyoka merongo ene, tö-öni mwaamwenseranga hë.

Amangʼana agha Abhatomwa 13:40

Ku bhuyö mwangarre, okore amangʼana ghano ghandëkirwë mo-bhetabho ibhya abharööti, ghatakaabhanyoora,

Abhafiripi 3:15

Ku bhuyö bhëëtö bhonswe igho abhahangarru abha umukumo, ni-igha twikererrani ko-mangʼana ghayö. Nyoore moona amaitegherro ghano ghatanga kya ghayö ngambirë, Waryobha naraabhahonyorre moghamanye bhono gharë.

1 Yohana 2:27

Kasi bhëënyu, Yëësu Kiristo yaabhahaana Umwika Ömöhörëëru, ono akwikara mö-bhëënyu. Uyö we aköbhöörökërrya ghonswe igho, na amëëghyö aghaaye na-agha obhoheene, te-agha obhorongo hë. Ku bhuyö, taaho ömöntö uwöndë uwa ököbhöörökërrya, kya bhono Umwika aköbhëëghya, möghëndërri okobha na öbhömwë na Yëësu Kiristo.