Yohana 5:26 - Imuuma Eehya

²⁶ Kya bhono Taata arëngë esemoko iya öbhöhöru, ni-ighoigho kora yaahaana Omoona uwaaye esemoko iya öbhöhöru bhuyö.

Yohana 5:26 Referans Kwoze

Yohana 11:26

Na ömöntö wowonswe igho ömöhöru ono akunkumya, tarikwa röndë hë. Orakumya amangʼana ghayö ngambirë?”

Yohana 1:4

Uyö we yaarë esemoko iya öbhöhöru bhwonswe igho, na öbhöhöru bhuyö, mbo bhokoreeta obhorabhu ko-bhantö.

Yohana 14:6

Yëësu akamohonshora igha, “Öni nö-öni enshera, obhoheene, na öbhöhöru. Taaho ömöntö wowonswe igho ono akotora ukuusha ko-Taata, atahëtëëyë ku-öni.

Okohonyora 22:17

Umwika Ömöhörëëru uwa Waryobha, na umwenga uwa Omoona Ringʼöndi, nkobherekera bharë Omonene igha, “Nshö!” Na abhantö bhonswe igho bhano bharaaighwe amangʼana ghayö, bhaghambe igha, “Nshö!” Wowonswe ono aana inyonta, ono akutuna amanshë, aashe anywe amanshë agha öbhöhöru bhosa igho.

1 Timoteo 1:17

Mbe, Waryobha we Omokama ono ataana umuhiko, takukwa hë, takomaahekana hë, taaho ono arëngë kya umwene uyö hë. Asookwenga na ökötöönibhwa amakora na amakora. Amina.

1 Abhakörintö 15:45

Amaandeko Amahörëëru gharaghamba igha, “Adamu ömöntö uwa mbere, yaabhömbirwë akabha na öbhöhöru,” kasi Adamu uwa umuhiko we nu-Mwika, ono akohaana abhantö öbhöhöru.

Okohonyora 22:1

Mbe, maraika uyö, akaanyörökya omooro ughwa amanshë agha öbhöhöru, ghono ghwaarabherranga kya ikyowa. Ghwaarweranga mwi-rungu irya ikitumbë ikya ekekama ikya Waryobha na Omoona Ringʼöndi.

Okohonyora 21:6

Ghwiki akantëëbhya igha, “Ghahekeraini! Öni nö-öni Esemoko na Umuhiko, nö-öni nkosemora amangʼana ghonswe igho na okoghamarërrya. Kera ömöntö ono aana inyonta, nendaamohaane amanshë agha bhosa anywe, ghano ghakurwa mo-bheseekaani ibhya amanshë agha öbhöhöru.

1 Timoteo 6:16

Waryobha umwene igho, we atarikwa. Naikaayë mo-bhorabhu bhono ömöntö ataatore ukubhusuntarra. Kora taaho ömöntö ono yakamörööshë hë, handë ono akotora okomomaaha. Obhotoro na okosookwa bhebhe ku-Waryobha amakora ghonswe igho. Amina.

Amangʼana agha Abhatomwa 17:25

Taana inyanko iya ökötööribhwa engʼana na abhantö, ko bhoora we akohaana abhantö umwika ughwa öbhöhöru, na ëbhëntö bhyonswe igho.

Yohana 14:19

Akabhagha n-haangʼë karë abhantö abha ko-kebhara kono bhaange okommaaha, kasi bhëënyu moraammaahe. Ko bhoora igha öni m-möhöru ndë, na bhëënyu bhonswe moreebha abhahöru.

Yohana 8:51

No-bhoheene nkobhatëëbhya igha, ömöntö wowonswe igho ono okosoorana amëëghyö aghaane, tarikwa röndë hë.”

Yohana 4:10

Yëësu akamohonshora igha, “Singa omanyirë ituho iya Waryobha, na igha n-nawë ono akökötëëbhya igha, ‘Ngʼaana amanshë nnywe,’ nokaamosabhirë, na umwene nakaakohaayë amanshë agha öbhöhöru.”

Okohonyora 7:17

Ko bhoora Omoona Ringʼöndi ono arëngë haangʼë na ikitumbë ikya ekekama, narebha omokaraabhërri uwaabho. Narebhatangata ukughya mo-seseeka isya amanshë agha öbhöhöru, na Waryobha narebheeya amaisöri.”

Yohana 6:57

Taata Waryobha ömöhöru yaantoma, na öni wonswe neena öbhöhöru ukurwa ku umwene uyö. Ku bhuyö ömöntö ono araandaaghere, uyö naraanyoore öbhöhöru ukurwa ku-öni.

Yohana 10:18

Taaho ömöntö ono akotora ukunduusya öbhöhöru ubhwane. Nö-öni umwene nkwiruusya öbhöhöru ubhwane. Öni neena obhotoro ubhwa ukwiruusya öbhöhöru ubhwane, ghwiki neena obhotoro ubhwa okobhoghegha. N-Taata umwene ono yaantoma we yaandaghërrya okokora igho.”

Yohana 11:25

Yëësu akamohonshora igha, “Öni nö-öni ukuryoka kuyö, ghwiki nö-öni öbhöhöru. Ömöntö ono akunkumya, nakaakwa, naraaghëndërri okobha ömöhöru.

Abhaëbhuraania 1:2

Kasi bhoono, ko-senkaagha seno isya umuhiko, nkushumaasha arë na bhëëtö, okohetera ko-Moona uwaaye. Uyö we Waryobha yaashaaghora, araaghere umwandö ughwa ëbhëntö bhyonswe igho. Kora ghwiki Waryobha yaabhömbirë ekebhara okohetera ku-uyö.