Yohana 4:46 - Imuuma Eehya

⁴⁶ Yëësu akaghya ghwiki mu-mughi ughwa Kana iya mo-mokowa ughwa Ghariraaya, haara yaasyörri amanshë ghakabha idivai. Yaare-ho omonene ömwë ono mura uwaaye yaarë ömörööyë mu-mughi ughwa Kaperenaumu.

Yohana 4:46 Referans Kwoze

Ruuka 8:42

ko bhoora mwisëkë uwaaye, m-mörööyë yaarë musingu. Umwisëkë uyö, uwa imyoka ikömi na ibhërë, mu-mwëmwë yaarë. Yëësu akaikërrya bhakahinana. Hano Yëësu yaaghyanga-yo, rikomo irya abhantö ndyaahinaini nawe, rekabha reramwihonderra bhököngʼu.

Ruuka 7:2

Mu-mughi muyö, yaare-mo omonene uwa abhasirikare abha Ikiruumi. Omonene uyö, yaarenga na omoghorwa uwaaye ono yaahanshirë bhököngʼu. Kasi omoghorwa uyö, m-mörööyë musingu yaarë.

Mataayo 15:22

Ho omokari Omokananaayo uwa iyö, akaasha ku-Yëësu akabherekera bhököngʼu igha, “Omonene, umwebhorwa Daudi, otanyabhera taata. Mohara uwaane aranyankibhwanga bhököngʼu na risambwa.”

Mataayo 9:18

Enkaagha eera waanyöörrë Yëësu akishumaasha ghayö, tamaaha, omotangati uwöndë uwa inyumba iya esango iya Abhayahudi, akaasha ku-Yëësu, akamotemera hansë ibhiru, akamötëëbhya igha, “Umwisëkë uwaane m-boono yaakwa. Kasi toghende omosambekere amabhoko, anyoore öbhöhöru.”

Yohana 21:2

Bhano bhaarenga hamwë hayö, m-baabho Simööni Peetero, Toomasi ono yaabherekerwanga igha Ekesare, Natanaëri ono yaarwërëëyë Kana iya mo-mokowa ughwa Ghariraaya, na abhamura abhabhërë abha Zebhedaayo, bheena abheegha abhandë bhabhërë.

Mataayo 4:13

Akarwa Nazarëëti hayö, akaghya ukwikara mu-mughi ghono ghwaabherekerwanga igha, Kaperenaumu. Kaperenaumu, nu-mughi ghono ghwaarë haangʼë na inyansha iya Ghariraaya, orobhareka urwa Abhazabhurööni na Abhanafutaari.

Ruuka 4:23

Mbe, Yëësu akabhahonshora igha, “Nemanyirë mörëndëngërya ëkërëngyö keno igha, ‘Ore mörëri, otairera umwene.’ Ghwiki mörëntëëbhya igha, ‘Kora amakono mu-kishishi ikya wëënyu keno, kya ghano tukwighwa igha, waakora mu-mughi ughwa Kaperenaumu.’ ”

Yohana 2:12

Hano inyangi iya ubhwenga yaahööyë, Yëësu akangʼaaraara ukughya mu-mughi ghono ghwaabherekerwanga igha, Kaperenaumu hamwë na nyakuwaabho, bhamura abhaabho, na abheegha abhaaye. Bhakaikara-yo sinsikö nke igho.