Yohana 4:28 - Imuuma Eehya

²⁸ Mbe, omokari uyö, akatigha hayö ensengo iyaaye iya amanshë, akaghya mu-mughi. Hano yaahikirë, akatëëbhya abhantö igha,

Yohana 4:28 Referans Kwoze

Yohana 4:7

Enkaagha eno abheegha abha Yëësu bhaarenga bhaghëëyë okotonda ibhyakorya mu-mughi, akaasha-ho omokari Omosamaaria okotaha amanshë mu-kisima hayö. Yëësu akamötëëbhya igha, “Örë mokari, tangʼaana-ko amanshë nnywe.”

Ruuka 24:33

Bhakeemokera-mo këmwë, ukukyora Yërusarëëmu. Hano bhaahikirë, bhakanyoora abhatomwa abha Yëësu ikömi na ömwë, bhaikomaini hamwë na abhandë.

Ruuka 24:9

Hano bhaakyörrë ukurwa mo-mbeehera, bhakatëëbhya abhatomwa ikömi na ömwë bhaara, na abhantö abhandë bhano bhaare-ho, amangʼana ghayö.

Mataayo 28:8

Mbe, abhakari bhayö bhakatanora bhöngöbhöngö ukurwa mo-mbeehera hayö, na eno bhashömëëywë bhököngʼu, kasi bhaana entarëki. Bhakakenyera këmwë ukughya ökötëëbhya abheegha abha Yëësu ghaara maraika uyö yaabhatëëbhëri.

Yohana 4:27

Mbe, enkaagha iyö, abheegha abhaaye bhakakyora. Bhakaroghoora ko bhoora Yëësu yaashumaashanga na omokari. Kasi taaho kora ömwë ono yaabhöörri igha, “N-kë ukumutuna-ko?” handë igha, “N-kwakë ukushumaasha na omokari uyö?”

Yohana 4:29

“Toghende momaahe ömöntö ono antëëbhëri amangʼana ghonswe igho ghano naakora. Hanga we Kiristo?”