Yohana 4:14 - Imuuma Eehya

¹⁴ Kasi ömöntö ono araanywe amanshë ghano ndaamohaane, uyö tariighwa ghwiki inyonta hë. Ko bhoora amanshë ghano ndaamohaane, ngaraabhe kya eseeka iya amanshë, mö-möntö uyö. Eseeka iyö, neraashorooshenga öbhöhöru ubhwa amakora ghonswe igho.”

Yohana 4:14 Referans Kwoze

Yohana 6:35

Yëësu akabhahonshora igha, “Öni nö-öni ibhyakorya bheno bhekohaana abhantö öbhöhöru. Ömöntö wowonswe igho ono akuusha ku-öni, na ukunkumya, tariighwa röndë umweko hë. Ghwiki tariighwa inyonta kora hake hë.

Okohonyora 7:16

Tebharebha na inshara handë inyonta ghwiki hë. Kora tebharebharrwa omobhasö ghwiki hë, handë ukunyahaarwa na orooha rworwonswe roora.

Yohana 11:26

Na ömöntö wowonswe igho ömöhöru ono akunkumya, tarikwa röndë hë. Orakumya amangʼana ghayö ngambirë?”

Yohana 6:58

Mbe, öni nö-öni ibhyakorya bheno bhiruurë mu-ryobha. Ibhyakorya bheno bhetatuubhaini na ibhyakorya bheno abhakörö abhëënyu bhaarëëyë, bhakakwa. Kasi ömöntö ono araandaaghere öni, uyö naraabhe na öbhöhöru ubhwa amakora ghonswe igho.”

1 Yohana 5:20

Ghwiki ntomanyirë igha, Omoona uwa Waryobha yaamara ukuusha ko-kebhara kono, yaatohaana obhongʼaini ubhwa okomanya Waryobha ubhwa heene. Ntoona öbhömwë na Waryobha uwa heene, ko okohetera kö-bhömwë ubhwëtö na Yëësu Kiristo Omoona uwaaye. Yëësu Kiristo uyö, we Waryobha uwa heene, na uwa öbhöhöru ubhwa amakora ghonswe igho.

2 Abhakörintö 1:22

Waryobha, we yaatomaameka umuhuri ughwaye, kora akatohaana Umwika Ömöhörëëru mo-senkoro isyëtö, abhe ekebhete ikya ghonswe igho ghano aretohaana.

Abharuumi 6:23

Ömöntö wowonswe ono akobha omoghorwa uwa ëbhëbhë, ehoorohooro iyaaye, nu-ruku urwa amakora ghonswe igho. Kasi bhëëtö, Waryobha nkotohaana arë öbhöhöru ubhwa amakora ghonswe igho. Öbhöhöru ubhwa amakora ghonswe igho bhuyö, tebhokohakerwa hë, kasi nkohaanwa törë ituho iyö, ko okoghera iya okoghootana ukwëtö na Omonene uwëëtö Kiristo Yëësu.

1 Peetero 1:22

Öbhömënyi ubhwënyu, nkorengʼaana bhörë na amëëghyö agha heene agha amangʼana agha Yëësu Kiristo. Ku bhuyö senkoro isyënyu syasaabhuurwa, na bhoono nkotora mörë okohansha abhakumya bharikyënyu këmwëkëmwë. Mbe, mohanshane bhököngʼu,

Yohana 10:10

Umwibhi nkuusha arë mu-righo, okore aibhe amangʼöndi, aite na okosarya. Kasi öni, naasha okore bhabhe na öbhöhöru, öbhöhöru ubhwaru këmwëkëmwë.

Abhaëfësö 4:30

Motakaaghera Umwika Ömöhörëëru abhaabhayere, ko bhoora Umwika Ömöhörëëru uyö, we umuhuri ghono Waryobha yaabhatoorra-ko ukwörökya igha m-bantö abhaaye mörë. Uyö we ekemanyërryö igha, rooho urusikö rono Waryobha arebhatungurya këmwë.

Abharuumi 5:21

Mbe, kya bhoora ëkëbhë kyaarë na singuru isya okobhaaha abhantö, kora kekabharetera uruku, ni-ighoigho kora na okobhara abhantö igha m-ba heene, örööbhö urwa Waryobha rwaareetera abhantö öbhöhöru ubhwa amakora ghonswe igho, ko okohetera ku-Yëësu Kiristo Omonene uwëëtö.

Mataayo 25:46

“Ho bhoono abha ëbhëbhë bhayö, bharyemoka bhaghende mu-bhushibhu ubhwa amakora ghonswe igho. Kasi abhantö abha heene bhaara, bho mbaresoha mö-bhöhöru ubhwa amakora ghonswe igho.”

Mataayo 5:6

Nyakara bhano bhaana umweko bheena inyonta iya okokora bhono Waryobha akutuna, ko bhoora Waryobha narebhaighötya.

Yohana 4:10

Yëësu akamohonshora igha, “Singa omanyirë ituho iya Waryobha, na igha n-nawë ono akökötëëbhya igha, ‘Ngʼaana amanshë nnywe,’ nokaamosabhirë, na umwene nakaakohaayë amanshë agha öbhöhöru.”

Yohana 4:11

Omokari uyö akahonshora Yëësu igha, “Omonene, uwe toona eketahero hë, na ikisima n-ketambë, hai oraanyoore amanshë agha öbhöhöru?

Yohana 4:13

Yëësu akamohonshora igha, “Ömöntö wowonswe igho ono akunywa amanshë ghano, naraighwenga inyonta.

Yohana 4:36

Ömöghësi nkunyoora arë ehoorohooro iyaaye. Nkokomania arë ibhyakorya ko okoghera iya amakora ghonswe igho, okore umwëmya na ömöghësi, bhashomerwe hamwë bhonswe igho.

Yohana 6:27

Motakaakoranga emeremo ko okoghera iya ukunyoora ibhyakorya bheno bhekosareka, kasi mokorenga emeremo ko okoghera iya ibhyakorya bheno bhëköghëndërrya okobha-ho kora nkohaana bhërë abhantö öbhöhöru ubhwa amakora ghonswe igho. Ibhyakorya bhiyö, mbyo öni Omoona uwa Ömöntö nkohaana abhantö, ko bhoora Taata Waryobha yaangʼaana obhotoro ubhwa okokora ghayö.”

Yohana 7:37

Urusikö urwa okomarërrya inyangi iyö, ndu-sikö oronene rwaabhanga. Mbe, Yëësu akemerra kö-bhööri ubhwa risengerro, akaghamba bhököngʼu igha, “Ömöntö ono araaighwe inyonta, aashe ku-öni, anywe amanshë.

Okohonyora 7:17

Ko bhoora Omoona Ringʼöndi ono arëngë haangʼë na ikitumbë ikya ekekama, narebha omokaraabhërri uwaabho. Narebhatangata ukughya mo-seseeka isya amanshë agha öbhöhöru, na Waryobha narebheeya amaisöri.”