Yohana 3:34 - Imuuma Eehya

³⁴ Ko bhoora Waryobha yaamötömirë, okore aghambe amangʼana agha Waryobha. Waryobha amohaayë Umwika Ömöhörëëru ono ataana ekerengere.

Yohana 3:34 Referans Kwoze

Amangʼana agha Abhatomwa 10:38

Waryobha yaahööyë Yëësu uwa Nazarëëti, ko okomohaana Umwika Ömöhörëëru na obhotoro. Yëësu uyö, yaainaarrënaarrë arakora amangʼana amaiya na ukuhwënia bhonswe igho, bhano bhaanyankibhwanga na Oghosambwa, ko bhoora Waryobha, n-hamwë yaarë nawe.

Yohana 15:26

“Nentoma Ömötöörrya kö-bhëënyu, Ömötöörrya uyö we Umwika Ömöhörëëru ono akohonyorra abhantö bhonswe igho obhoheene. Nko-Taata akurwa, hano arihika, narimererra obhoheene ubhwa amangʼana aghaane.

Mataayo 12:18

“Tamaaha, ono we ömököri uwaane uwa emeremo ono naahööyë, omoghonshe uwaane ono aköntëghërya. Nendaamohaane Umwika uwaane, okore araareke amangʼana aghaane agha obhoheene ko-Bhakyaro.

Abhakorosaai 2:9

Ngambirë igho ko bhoora obhoheene bhonswe igho ubhwa Waryobha nku-Kiristo bhokomaaherwa kinyamöbhërë.

Yohana 5:26

Kya bhono Taata arëngë esemoko iya öbhöhöru, ni-ighoigho kora yaahaana Omoona uwaaye esemoko iya öbhöhöru bhuyö.

Ruuka 4:18

“Umwika uwa Omonene Waryobha, hamwë arë na öni. Anyahööyë ndaarekere abhatöbhu Amangʼana Amaiya. Antömirë ndaarekere abhabhohe igha, mbaraahaaterwe ukurwa mo-kebhohe, ntëëbhi na abhahukuru igha, mbaraamaahe, nhaane öbhötöönööni bhano bhakunyankibhwa.

Abhakorosaai 1:19

Ko bhoora Waryobha yaatëghëribhwa igha, obhoheene ubhwaye bhonswe igho bhobhe ku-Kiristo.

Abharuumi 8:2

Ko okoghootana na Kiristo Yëësu, nnyöörrë obhotoro ubhwa Umwika Ömöhörëëru ono akotohaana öbhöhöru ubhwa amakora ghonswe igho. Öbhöhöru bhuyö, bhongʼaayë öbhötöönööni, okore ntakabhaahwa na obhotoro ubhwa ëbhëbhë na uruku.

Yohana 7:16

Mbe, Yëësu akabhahonshora igha, “Amëëghyö ghano nkwëghya, tegharëngë aghaane hë, kasi na-mëëghyö agha ono yaantoma.

Yohana 3:17

Waryobha tiyatömirë Omoona uwaaye ko-kebhara kono, okore abhotorre abhantö ikiina, kasi yaamötömirë, okore atööri abhantö okohetera ku-uyö.

Yohana 1:16

Ko okorengʼaana na obhohekeranu ubhwaye, abhantö bhonswe igho twaanyoora örööbhö, kö rööbhö urwöndë.

Abhaëfësö 3:8

Öni m-möntö moke ndë ko-bhantö abhahörëëru bhonswe igho abha Waryobha, kasi naahaaywë örööbhö urwa amaabhë aghaaye, okore ndaarekere Abhakyaro ubhwamë ubhwa Yëësu Kiristo. Ubhwamë bhuyö, tebhoona ekerengere hë. N-këköngʼu okomanyërribhwa na abhantö.

Yohana 8:47

Ono arëngë uwa Waryobha nkwighwa arë amangʼana aghaaye. Ensonga iya bhëënyu ukwanga koghoota ghano Waryobha akoghamba n-ko bhoora igha bhëënyu, tëmörëngë abhantö abhaaye hë.”

Okohonyora 22:1

Mbe, maraika uyö, akaanyörökya omooro ughwa amanshë agha öbhöhöru, ghono ghwaarabherranga kya ikyowa. Ghwaarweranga mwi-rungu irya ikitumbë ikya ekekama ikya Waryobha na Omoona Ringʼöndi.

Yohana 16:7

“Nkobhatëëbhya ndë obhoheene igha, m-buuya kö-bhëënyu hano öni ndaaghi ko-Taata, kasi hano ntaaghi-yo, Ömötöörrya oora naabhatëëbhëri taashe hë. Kasi hano ndaaghi, nendaamotome aashe kö-bhëënyu.

Okohonyora 21:6

Ghwiki akantëëbhya igha, “Ghahekeraini! Öni nö-öni Esemoko na Umuhiko, nö-öni nkosemora amangʼana ghonswe igho na okoghamarërrya. Kera ömöntö ono aana inyonta, nendaamohaane amanshë agha bhosa anywe, ghano ghakurwa mo-bheseekaani ibhya amanshë agha öbhöhöru.

Yohana 8:40

Kasi bhoono nkutuna mörë enshera iya ukunyita, nokaanyoora mbatëëbhëri obhoheene bhono naaighuurë ukurwa ku-Waryobha. Ibhurahimu tiyaakörrë kya bhono mukutuna okonkorra hë.

Amangʼana agha Abhatomwa 1:2

okohekera urusikö rono yaaghëghirwë ukughya mu-ryobha. Hano waanyöörrë ataraagheghwa, yaaraghërrëëyi abhatomwa abhaaye bhano yaashaaghööyë, okohetera Umwika Ömöhörëëru kya bhono bharaakore emeremo gheno yaabhatëghëëyë.