Yohana 3:2 - Imuuma Eehya

² Nikodeemo uyö, akaghya ku-Yëësu ubhutikö, akamötëëbhya igha, “Raabhi, ntomanyirë igha uwe nu-mwëghya ono watomwa na Waryobha, ko bhoora taaho ömöntö ono akotora okokora ebhemanyërryö ibhya amakono bheno okokora, hano oraanyoore Waryobha atarëngë hamwë nawe.”

Yohana 3:2 Referans Kwoze

Yohana 5:36

Kasi ubhwimërërri bhono öni neenabho, m-bonene okokera ubhwa Yohana bhoora. Ubhwimërërri bhuyö, ne-meremo gheno Taata yaangʼaayë igha ngemarërri. Emeremo ighyane nkwörökya ghërë igha, Taata Waryobha we yaantoma.

Amangʼana agha Abhatomwa 10:38

Waryobha yaahööyë Yëësu uwa Nazarëëti, ko okomohaana Umwika Ömöhörëëru na obhotoro. Yëësu uyö, yaainaarrënaarrë arakora amangʼana amaiya na ukuhwënia bhonswe igho, bhano bhaanyankibhwanga na Oghosambwa, ko bhoora Waryobha, n-hamwë yaarë nawe.

Amangʼana agha Abhatomwa 2:22

Peetero akaghëndërrya okoghamba igha, “Bhëënyu bhare Abhaisiraëri, munyitegherre bhuuya! Waryobha yaatöörrë Yëësu uwa Nazarëëti harabhu igho bhöröngë bhwënyu, ko enshera iya amakono, na ebhemanyërryö ibhyaru mö-bhëënyu mono, ghayö mmoghamanyirë bhuuya.

Yohana 9:16

Mbe Abhafarisaayo nyabhorebhe bhakaghamba igha, “Ömöntö ono akörrë igho, tiku-Waryobha akurwa hë, ko bhoora atakoghoota amaraghërryö agha rusikö urwa Obhotooro.” Kasi Abhafarisaayo abhandë bhakaghamba igha, “Iyakë ömököri uwa ëbhëbhë araatore okokora ebhemanyërryö ibhya amakono kya bhiyö?” Mbe bhakaanga korengerrania abheene ko abheene.

Yohana 12:37

Nokaanyoora Yëësu yaakörrë ebhemanyërryö ibhyaru ibhya amakono bharamaaha na amaiso aghaabho, kasi tebhaamukumiri hë.

Yohana 1:38

Mbe, Yëësu akaisyörya, akamaaha abheegha bhayö bharamosoorana. Akabhabhöörya igha, “N-kë mukutuna?” Bho bhakamohonshora igha, “Raabhi, kana hai ömënyirë?” Ensonga iya engʼana iyö “Raabhi,” ni-igha, umwëghya.

Mataayo 22:16

Ku bhuyö Abhafarisaayo bhayö, bhakatoma ku-Yëësu abheegha abhaabho, hamwë na abhasoorani abha rikomo irya omokama Herode. Hano bhaahikirë ku-Yëësu, bhakamöbhöörya igha, “Umwëghya, bhëëtö ntomanyirë igha, uwe m-möntö uwa heene örë, nkwëghya örë abhantö obhoheene ubhwa engʼana iya Waryobha. Kora tokoobhoha ömöntö wowonswe oora hë. Nakaabha na ikyeo ekenene iyakë, uwe tokomoobhoha hë.

Yohana 7:31

Kasi abhantö abhaaru bhano bhaarë hayö bhakakumya Yëësu. Abhantö bhayö bhakaghamba igha, “Hano Kiristo ariisha, narekora ebhemanyërryö ibhyaru ibhya amakono okokera bheno ömöntö ono yaakora?”

Yohana 20:16

Yëësu akamobherekera iriina iryaye igha, “Uwe Maryamu!” Maryamu akaisyörya, akamaaha Yëësu, akaghamba ku-Kiëbhuraania igha, “Rabhöni!” Ensonga iyaamo ni-igha, umwëghya.

Yohana 15:24

Singa ntakora emeremo gheno ghetakokorwa na ömöntö wowonswe oora, tebhakaabhaayë na ëbhëbhë hë. Kasi bhoono, bharööshë emeremo gheno naakörrë, bhandëghirë öni hamwë na Taata wonswe.

Yohana 3:26

Ku bhuyö bhakaghya ku-Yohana, bhakamötëëbhya igha, “Raabhi, ömöntö ono yaarë na uwe humbu iya omooro ughwa Yorodani, ono waatötëëbhëri amangʼana aghaaye, nkobhatiisya arë abhantö. Abhantö bhonswe igho, bharahwera ku-uyö.”

Maariko 12:14

Bhakaghya igho hano bhaahikirë, bhakatëëbhya Yëësu igha, “Umwëghya, ntomanyirë igha, uwe m-möntö uwa heene örë, amangʼana ghonswe igho ghano okoghamba, na-agha obhoheene. Uwe töötöniibhwi na obhonene ubhwa emeremo ighya ömöntö. Nkwëghya örë amangʼana agha enshera iya Waryobha, ko obhoheene. Bhoono, okohaka righööti ko-Kaisaari ne-ngʼana nshiiya? Ni-igha tohakenga, kasi totakaahaka?”

Abhafiripi 1:14

Hamwë na ghayö ghonswe igho, nemanyirë igha, okobhohwa ukwane kono, kwaghera senkoro isya abhakumya bharikyëtö abhaaru, syanagha ko-Monene Yëësu. Ku bhuyö nkoraarekera bharë abhantö engʼana iya Waryobha ku singuru syonswe igho, kora tebhaana entarëki hë.

Mataayo 23:7

Ghwiki nkutuna bharë bhököngʼu bhasookwenga na abhantö ko okobhakëërya mo-meteera, na ökötöönibhwa igha ‘Raabhi.’

Mataayo 23:8

“Kasi bhëënyu motakaikërrya abhantö bhabhabherekere igha, ‘Raabhi.’ Ko bhoora Umwëghya uwëënyu nö-ömwë, na bhëënyu bhonswe igho m-bamwë mörë.

Yohana 2:11

Kiyö nkyo ekemanyërryö ikya mbere keno Yëësu yaakörrë. Ekemanyërryö kiyö, yaakëkörëëyë mu-mughi ughwa Kana iya mo-mokowa ughwa Ghariraaya. Ko okokora igho, yöörökëri ubhuhika ubhwaye, kora abheegha abhaaye bhakamukumya.

Yohana 4:31

Nyuma eno, abheegha abhaaye bhakamosaasaama igha, “Raabhi, otarya ibhyakorya.”

Yohana 6:2

Rikomo rinene irya abhantö ryaasoorananga Yëësu, ko bhoora ryaarenga rërööshë ebhemanyërryö ibhya amakono ghano yaakoranga agha ukuhwënia abharööyë.

Yohana 10:38

Kasi oraanyoore ndakora emeremo gheno Taata akokora, nokaanyoora öni timukunkumya hë, kasi mukumi emeremo ghiyö. Okohetera ko-meremo ghiyö, ho moraamanye igha, Taata naana öbhömwë na öni, na öni wonswe, nneena öbhömwë na Taata.”

Yohana 14:10

Kasi tukukumya igha öni m-mönsë iya Taata ndëngë hë? Amangʼana ghayö nkobhatëëbhya, teghakurwa mo-maitegherro aghaane hë, kasi nko-Taata ghakurwa ono arëngë mönsë iyaane, uyö we akokora emeremo ighyaye gheno.