Yohana 21:22 - Imuuma Eehya

²² Yëësu akamohonshora igha, “Hano ho oraanyoore nkutuna ndë igha abhe möhöru okohekera hano ndikyora, n-kë këkötönëri ko-ghayö? Uwe onsoorane.”

Yohana 21:22 Referans Kwoze

Maariko 9:1

Yëësu akaghëndërrya okobhatëëbhya igha, “No-bhoheene nkobhatëëbhya igha, mo-bhantö bhano bhaimërëëyë hano, bhaamo abhandë bhano bhatarikwa igho, bhatarööshë Obhokama ubhwa Waryobha.”

Okohonyora 2:25

kasi moghoterre bhuuya amaiya ghayö moonagho, okohekera hano ndiisha.

1 Abhakörintö 4:5

Ku bhuyö motakaabhotora ikiina, enkaagha iyaako etaraabha, moghanye okohekera hano Omonene ariisha. We aremoreka amangʼana agha mu-kisuntë ghonswe igho ghano ghabhisirwë, na okotoora harabhu ghano gharëngë mo-senkoro isya abhantö. Hayö ho bhoono kera ömöntö arinyoora sinkuma seno aingʼarëëyi, ukurwa ku-Waryobha.

Okohonyora 3:11

M-böngö ndaashe! Monaghi bhuuya amangʼana amaiya ghayö moonagho, okore ömöntö atakaabharuusya ibhirighi ibhyënyu ibhya obhobhaahi.

Yaakobho 5:7

Ku bhuyö abhakumya bharikyane, möghömërringa okohekera enkaagha eno Omonene Yëësu ariisha. Bhëënyu temokomaaha igha ömörëmi nkoghanyërrya arë ibhyakorya ibhyaye kö-möghöndö, takobhehoobherra hë? Kasi nkoghanya arë ömöghöndö ughwaye ghöhëësi ibhyakorya ibhiiya. Ku bhuyö nköghömërrya arë okohekera hano ömöghöndö ughwaye ghurinyoora imbura iya mbere na iya omooka.

1 Abhakörintö 11:26

Momanye igha, hano mwarya omokaate ghono, na ukunywera mo-kekombe keno, hayö nu-ruku urwa Omonene ukunyoora moraraareka okohekera hano ariisha.

Yohana 21:19

Yëësu yaaghambirë amangʼana ghayö, ukwörökya igha, ni-nkwa kë Peetero arikwa, eno ereghera Waryobha atöönibhwi. Mbe, hano Yëësu yaamarrë okoghamba ghayö, akatëëbhya Peetero igha, “Nsoorana.”

Mataayo 24:44

Ku bhuyö na bhëënyu bhonswe mwisëëmi, ko bhoora öni Omoona uwa Ömöntö, nindiisha enkaagha eno motakotemera omotwe.”

Okohonyora 22:20

Na ono akuruusya ubhwimërërri ubhwa amangʼana ghano, araghamba igha, “M-maheene, m-böngö ndaashe.” Amina. Otaasha Omonene Yëësu!

Okohonyora 22:7

Yëësu araghamba igha, “Itegherra! M-böngö ndaashe. Waryobha naraangʼoore bhano bhakoghoota na ököröndërrya amangʼana agha öbhörööti ubhwa mo-ketabho mono.”

Okohonyora 1:7

Motamaaha! Nariisha arëngë ko-masaarö! Kera ömöntö naremomaaha, kora abhantö bhaara bhaamöbhëtirë ritimö, bhayö bhonswe mbaremomaaha. Amakabhira ghonswe igho ko-kebhara ngarikuura ko okoghera iya Yëësu. Yëë. Amina.

Mataayo 25:31

Ghwiki Yëësu akaghëndërrya ukushumaasha na abheegha abhaaye, akabhatëëbhya igha, “Hano ndiisha öni Omoona uwa Ömöntö neena ubhuhika ubhwane, hamwë na abhamaraika bhonswe igho, hayö bhoono ho ndikara ku-kitumbë ikya ekekama.

Mataayo 24:27

Ko bhoora ukuusha ukwane öni Omoona uwa Ömöntö, nkoretakya abhantö kya hano ëkëmësyö kyamësya röghörö, kemaahwa kora nyansha.

Mataayo 24:3

Mbe, Yëësu akaghya mu-nguku iya Ëmëzëituuni, akaikara. Abheegha abhaaye bhonswe bhakaghya-yo. Bhakamöbhöörya igha, “Tötëëbhi amangʼana ghonswe igho ghayö n-dööhë gharebha. Na ekemanyërryö ikya ukuusha ukwaho, na ikya umuhiko ughwa ekebhara n-dööhë?”

Mataayo 8:22

Yëësu akamohonshora igha, “Uwe nsoorana. Tigha abhantö bhano bhatakwighwera Waryobha, bhabheekane abheene ko abheene.”

Mataayo 16:24

Ho Yëësu yaamarrë akatëëbhya abheegha abhaaye igha, “Ömöntö wowonswe ono akutuna igha ansoorane, ni-igha aikaane umwene, aiteeke omosarabha ughwaye, ansoorane.

Yohana 21:21

Mbe, hano Peetero yaarööshë umwegha uyö, akabhöörya Yëësu igha, “Omonene, ono we?”

1 Abhatësarönikë 2:19

Naatunanga niishe iyö ko bhoora igha hano Omonene Yëësu ariisha, m-bëënyu morebha ikibhuno ikya ubhweseghe na ukushomerwa ukwëtö, na morebha ikirighi ikyëtö ikya obhobhaahi.

Yaakobho 5:8

Ku bhuyö na bhëënyu bhonswe möghömërringa, na okoterema mo-senkoro isyënyu, ko bhoora igha, Omonene haangʼë arë akyore.