Yohana 21:17 - Imuuma Eehya

¹⁷ Akamöbhöörya ghwiki urwa katatö igha, “Simööni, mumura uwa Yohana, nonhanshirë?” Peetero akabhaabhayera ko bhoora yaamöbhöörri hare katatö igha, “Nonhanshirë?” Akamohonshora igha, “Omonene, kana uwe nomanyirë ghonswe igho. Nomanyirë igha nenkohanshirë.” Yëësu akamötëëbhya igha, “Rëësya amangʼöndi aghaane.

Yohana 21:17 Referans Kwoze

Yohana 13:38

Yëësu akamohonshora igha, “Uwe notora ukukwa ko okoghera iya öni? No-bhoheene nkökötëëbhya igha, teseeraghore, otaraanyikaana harë katatö.”

Maariko 14:72

Këmwë sekaraghora urwa kabhërë. Peetero akahiita engʼana eera Yëësu yaamötëëbhëri igha, “Noraashe unyikaane katatö setaraaraghora kabhërë.” Hano Peetero yaahiitirë engʼana iyö, akakuura bhököngʼu, amaisöri ghakarwa.

Yohana 16:30

Bhoono tomarrë okomanya igha, nomanyirë ghonswe igho, tekeeho ikibhuno ikya ömöntö ököbhöörya engʼana yoyonswe eera hë. Ku bhuyö tomarrë ukukumya igha, nku-Waryobha waarwa.”

Okohonyora 2:23

Ghwiki obhoheene ni-igha, nendaaite abhasoorani abhaaye. Hayö ho abhantö abha ekanisa bhareemanya igha, öni nkwitaaha ndë enkoro na amaitegherro agha ömöntö. Nendehaka kera ömöntö mö-bhëënyu, ko okorengʼaana na ghano yaakora.

Abhaëfësö 4:30

Motakaaghera Umwika Ömöhörëëru abhaabhayere, ko bhoora Umwika Ömöhörëëru uyö, we umuhuri ghono Waryobha yaabhatoorra-ko ukwörökya igha m-bantö abhaaye mörë. Uyö we ekemanyërryö igha, rooho urusikö rono Waryobha arebhatungurya këmwë.

Amangʼana agha Abhatomwa 15:8

Waryobha we amanyirë ghonswe igho ghano gharëngë mo-senkoro isya abhantö. We yöörökëri igha, aikërëëyi kora Abhakyaro bhonswe ko okobhahaana Umwika Ömöhörëëru kya bhono yaatohaayë.

Yohana 15:10

Hano moraaghoote imighiro ighyane, moraaikare mu-righonshe iryane. N-kya hano öni naaghöötirë imighiro ighya Taata, nkaikara mu-righonshe iryaye.

Yohana 14:15

“Hano moraanhanshe, moraaghoote imighiro ighyane.

2 Peetero 3:1

Abhaghonshe abhaane, ritashandighi reno nkobhandekera, ni-irya kabhërë. Naakora omotono ughwa okosesemora amaitegherro aghëënyu amaiya, mo-sehakëri isyënyu ko okobhahiitökya mo-matashandighi ghonswe igho abhërë ghayö.

1 Peetero 1:6

Mbe, mushomerwe bhököngʼu ko okoghera iya amangʼana ghayö, nokaanyoora bhoono igho, ni-igha mohetere mo-mashaashyo amaaru, ghano gharaaghere mobhaabhayere ku-ribhagha riike reno.

2 Abhakörintö 1:12

Mbe, ikibhuno keno kekoghera toraikumya, ni-igha, amaitegherro aghëëtö nkutwimererra gharë igha, eteemo iyëëtö m-buuya ërë ko-kebhara kono, ekenene n-ku ubhwighwerrani ubhwëtö na bhëënyu, ko obhorabhu na obhoheene bhono bhukurwa ku-Waryobha. Tetwakörrë igho ko obhongʼaini ubhwa ko-kebhara kono, kasi nö-rööbhö urwa Waryobha, ndwo rwaaghërrë tokakora ghayö.

Amangʼana agha Abhatomwa 1:24

Ku bhuyö bhakasaasaama igha, “Omonene nu-uwe omanyirë senkoro isya abhantö bhonswe igho. Ku bhuyö, torakosaasaama utwöröki ono ushaaghööyë ko-bhantö abhabhërë bhano.

Yohana 18:27

Peetero akaikaana ghwiki igha, “Tö-öni hë.” Këmwë igho, sekaraghora.

Yohana 18:4

Yëësu yaamanyirë ghonswe igho ghano ghaaitengʼerwanga ukumunyoora. Ku bhuyö akeemoka akabhöörya abhantö bhayö bhaaishirë igha, “Kana, nawë mukutuna?”

Yohana 12:8

Momanye igha abhatöbhu mmoonabho sinsikö syonswe igho. Kasi öni, tembe hamwë na bhëënyu nsikö sonswe igho hë.”

Mataayo 25:40

Ho bhoono öni Omokama ndebhahonshora igha, ‘No-bhoheene nkobhatëëbhya igha, kyokyonswe keno mwaakorra umukumya wowonswe ono mokomaaha igha taana ubhwera hë, nö-öni mwaakorranga.’

Okohonyora 3:19

Nkokaania ndë na ukuhiinya bhano nhanshirë. Mbe, mokore omotono ughwa okohongora ëbhëbhë ibhyënyu.

Yohana 21:18

No-bhoheene nkökötëëbhya igha, hano waarenga mumura, waaibhohanga singibho, ughya ahasë honswe hano ukutuna. Kasi hano oreghota, norerambeka amabhoko aghaaho, ömöntö uwöndë akwibhöhi singibho, akuhire hano otakutuna ukughya.”

Yohana 4:16

Yëësu akamötëëbhya igha, “Kaghi obherekere mushaasha uwaaho, uushe nawe hano.”

Amangʼana agha Abhatomwa 11:10

Engʼana iyö yaaikörrë katatö, ho ëbhëntö bhiyö bhonswe igho bhyaakyöriibhwi mu-ryobha.